9 нче декабрь көнне тарих һәм җәмгыять белеме укытучысы Мансурова Г.Ә. 5-7 сыйныфларда "Ватан Геройлары көне"нә багышланган батырлык сәгатьләре үткәрде. Дәресләрдә илебез каһарманнары турында документаль фильмнар күрсәтелде. Укучылар герой шагыйрь Муса Җәлилнең "Ана бәйрәме" күренешен карадылар, "Батырлык турында", "Егет юлы" шигырьләрен укыдылар. Ватан Геройларының батырлыклары турында таныштылар. Укучылар "Бородино" әсәреннән өзекләр дә сөйләп үттеләр.

9 нчы декабрь- Халыкара коррупциягә каршы көрәш көне. Гимназиябездә атна дәвамында ришвәтчелек буенча сыйныф сәгатьләре, интеллектуаль уеннар үткәрелде. Бүген югары сыйныфлар белән түгәрәк өстәл артында сөйләшү булып узды. Укучылар кызыксындырган сорауларга җавап таптылар, үз фикерләре белән бүлештеләр.

Календарьдагы күпсанлы бәйрәмнәр, тантаналы даталар арасында бер моңсу көн бар, ул – декабрь аенда билгеләнеп үтә торган Халыкара инвалидлар көне. Ел саен декабрьнең беренче ункөнендә Инвалидлар көненә багышланган чаралар уза. Шул уңайдан 5А сыйныфы әти-әниләре һәм укучылары да “Без төрле, әмма без бергә” дип исемләнгән хәйрия акциясе үткәрделәр. Казан шәһәренең «Апрель» реабилитация үзәгендә мәктәпкә әзерлек төркеменә йөрүче балаларга бизиборд һәм уку-язык өчен кирәк-яраклар бүләк иттеләр. Бүген көтмәгән җирдән шалтыратып үзәктән безгә рәхмәт хаты тапшырдылар. Адәм баласына һәрчак нидер җитми, ашыга, тормыштан зарлана. Янәшәдә генә ярдәмгә мохтаҗларның моң-зарларын ишетми. Язмыш кимсеткән бу кешеләрнең яшәүләре зур батырлык. Аларны җылы караштан, җылы сүздән мәхрүм итмик. Сәламәтлекнең кадерен белеп, түземле, шәфкатьле булырга өйрәник 

Шушы көннәрдә гимназиябездә "Солдатка хат яз» акциясе үткәрелде. 2в сыйныфы укучылары Билгесез солдатка хат язды.
Бөек Ватан сугышы вакытында солдатлар стандарт формадагы өчпочмаклы хатлар язганнар. Хатлар ярдәмендә, фронтта сугышкан солдатлар һәм аларның туганнары арасында элемтә булган. Өчпочмаклы хатлар солдатларның исән-сау булуын яки яу кырында ятып калуы турында хәбәр иткән.
Хәзерге буын өчпочмаклы хатларны күргәндә, еш кына аларның гадәти булмаган формасына гаҗәпләнә. Тик 75 ел элек хатның мондый формасы беркемне дә гаҗәпләндермәгән — нәкъ менә алар һәр йортта көтеп алынган иң кыйммәтле әйбер булган.

Бүген 2в сыйныфы укучысы Ибрагимова Диләрә "Бөтендөнья мәдәни һәм табигый мирасны саклау турындагы конвенциянең 50 еллыгына багышланган халыкара форум"ында катнашып кайтты.
"Бу форумда элеккеге президентыбыз, Минтимер Шәрип улы Шәймиевны да күрү бәхетенә ирештем бит"- дип, хис - кичерешләрен җиткерде ул.

2в сыйныфы укучылары китапханәче белән бергә А.Н. Толстой иҗаты буенча “Әдәби сәяхәттә” булдылар. Сәяхәттә балалар күп кызыклы мәгълүмат алдылар. “Алтын ачкыч яки Буратино маҗаралары” викторинасында да бик теләп катнаштылар.

Гимназиябез китапханәсендә
"Коррупциягә каршы көрәш" дип исемләнгән китап күргәзмәсе оештырылды. 

7 декабрь көнне 11 нче сыйныф укучылары БДИда катнашу өчен рус әдәбиятыннан йомгаклау сочинениесы яздылар.

7 нче декабрь көнне тарих һәм җәмгыять белеме укытучысы Усманова Э. Р. 8 сыйныф укучылары белән антикоррупция темасына кагылышлы "Нәрсә? Кайда? Кайчан?" дип аталган интеллектуаль уен үткәрде. Әлеге чара укучыларда ришвәтчелеккә карата тискәре мөнәсәбәт уяту, хокук бозуга карата җаваплылык формалаштыруга юнәлтелгән иде.

"Яңа елга яхшы кәеф, зур уңышлар белән керик әле" - дип, 1б сыйныфы укучылары үзләренең Җиһанга кыш килде" дип исемләнгән аппликацияләре белән сөендерделәр