Бүген гимназиябез укучылары, әти-әниләр һәм укытучылар белән берлектә, үзләренең сугыштан кайтмаган бабайларының фотосүрәтләре белән Бөек Җиңүнең 77 еллыгына багышланган  “Бессмертный полк” акциясендә катнаштылар.
Бөек Ватан сугышы елларын, Җиңүне алып килгән, безгә тыныч тормыш, аяз күк йөзе бүләк иткән сугышчы ватандашларыбызны мәңге онытмыйбыз! Алар һәрчак безнең күңелдә.

"Окно Победы" дип исемләнгән акциядә катнашкан барлык сыйныфларга да бик зур рәхмәт!
Илләребез тыныч, күкләребез һәрчак аяз булсын!!

Бәйрәм якынлашу уңаеннан, тыл ветераны булган Гарипов Арслангали Шакир улын, Гимназиябез укучылары бәйрәм белән котлап, матур теләкләрен җиткерделәр..
Картаймагыз эле ветераннар!
Сезгә тиеш әле бик күп язлар,
Сезгә тиеш әле бик күп назлар...

Бүген гимназиябездә ОБЖ (тормыш иминлеге нигезләре) дәресеннән ачык дәрес узды. Дәресне уздыру Индира Рифкатовнага йөкләнгән иде. Иң беренче чиратта башлангыч сыйныфларга юл йөрү кагыйдәләрен искә төшерде. Егылып берәр җир кырылса, беренче булып нинди ярдәм күрсәтергә кирәклеген аңлатты. Һәм шулай ук эвакуация булган очракларда үз-үзеңне ничек тотарга кирәклекне дә күз уңында тотты. Дәрес эвакуацияләнү белән тәмамланды.

26 нчы апрель - Халкыбызның Бөек шагыйре Габдулла Тукайның туган көне.
Г. Тукай шигърияте үзе яшәгән һәм аннан соңгы дәверләрдә күп әдипләр өчен рухи маяк, илһам һәм акыл чыганагы булып торган шәхес.
Тукайның шигырьләрен, әсәрләрен укымаган, аның турында сокланмаган татар кешесе юктыр. Гомумән, татарларга гына түгел, бөтен дөньяга якын кеше ул.
Габдулла Тукай татар әдәбияты тарихына яңа милли поэзиягә, заманча татар теленә нигез салучы бөек шагыйрь буларак хэтеребездә мәңгегә сакланып калачак.
Шушы уңайдан гимназиябездә "Тукай безнең күңелләрдә" дип исемләнгән әдәби музыкаль кичә уздырдык. Кичәдә укучылар торле образларга кереп, Тукай шигырьләре, әкиятләре белән таныштырдылар. Кичә бик күңелле үтте.

23 апрель - Бөтенроссия чистарту, җыештыру көне дип игълан ителде. Шул уңайдан чисталык икеайлыгы кысаларында "Субботник" акциясенә безнең гимназия дә кушылды.

Өлкән сыйныф укучылары дәресләрдән соң вакытларын бер дә бушка уздырмыйлар. "ЧУЛПАН" мәдәният үзәгенә барып концерт карап кайттылар

Рәхмәт сезгә ветераннар.
Буыннардан буыннарга...
Күчә барыр сезнең даннар...
Рәхмәт сезгә, ветераннар!
7а сыйныфы укучылары ветераннарны бәйрәм алдыннан бүләкләп кайттылар.

Бүген ЦВРда "Балалар оешмасының координация советы" утырышы булып узды. Бу чарада Гимназиябездән 8 нче сыйныф укучысы Юнысов Таһир һәм 7 нче сыйныф укучысы Егорова Азалия дә катнашып кайттылар.