Ай дәвамында сыйныфларда "Время доверять" шигаре астында  ышаныч дәресләре узды. 

ТР Мәгариф һәм Фән министрлыгы күрсәтмәсе нигезендә сыйныфларда тимер юл транспортында һәм тимер юлда куркынычсызлык кагыйдәләрен төгәл үтәү мөһимлеге турында җитди сөйләшүләр узды. Укучыларның тимер юлда куркынычсызлыгын тәэмин итү, үз-үзләрен саклау кагыйдәләрен дөрес куллану максатыннан, инструктажлар уздырылды. Мәгълүматллар РФ транспорт министрлыгы сайтыннан алынды. Юлларыгыз имин булсын!

Мәктәбебез укучылары ВФСК "ГТО" чаралары кысаларында уздырылучы районкүләм көзге кросста катнашты.

Бөтендөнья аеклык көненә багышлап, көзге табигатькә экскурсия оештырылды. Экскурсия маршруты төрле спорт ярышлары, башлангыч сыйныф укучылары өчен хәрәкәтле уеннар  белән катлауландырылды. Укучыларга, бигрәк тә , велосипедларда узышу, йөгерү, скиппинг буенча ярышларда катнашу ошады. Туган ягыбызда сәламәтлекне кайгырту, саклау өчен бөтен мөмкинлекләр  дә бар!  Эш һәм ялны дөрес чиратлаштырып, буш вакытыңны файдалы итеп уздыра  гына бел. "Сәламәт тәндә-сәламәт акыл" гыйбарәсе сезнең девизыгызга әйләнсен!

Республикакүләм "Аеклык бәйрәме" кысаларында "Есть альтернатива кружке пива" акциясе узды. Яшүсмерләр арасында яман гадәтләрне кисәтү максатыннан агитбригада чыгышы бик тәэсирле булды

"Праздник трезвости" акциясе кысаларында тематик плакатлар конкурсы узды. Җиңүчеләрне тәбриклибез, һәрвакытта тормышка уңай карашта булыгыз, сәламәтлегегезне саклагыз, үзегездәге матурлыкка омтылышны әйләнә-тирәдәгеләр белән бүлешергә онытмагыз!

Мәктәбебез укучылары бүгенге көннән Республикакүләм акциягә кушылды. Аның кысаларында агитбригадалар чыгышы, тематик плакатлар конкурсы, укучылар үзидарәсе оештыруында флэш-моб планлаштырыла. Уздырылган чаралар укучыларыбыз һәм авылдашлар арасында теләктәшлек табар дип өметләнәбез

Мәктәбебезнең "Шатлык" отряды  бүген  "Сәламәт бул! Бие!" Республика акциясенә кушылды.  Дәртле бию көйләренә авыл халкы да битараф калмады, яшь буынның сәламәт киләчәге  яшьлекнең үз кулында! Сәламәт булыгыз! Биегез! Күзләрегездә шатлык очкыннары, йөрәгегездә яшәү дәрте  бер дә сүнмәсен!

Ял һәм сәламәтләндерү юнәлешендә эшләгән лагеребыз сменасының соңгы көнендә ГТО Фестивале узды. Кыска арага йөгерү- кызлар өчен, озын арага йөгерү-малайлар өчен; ә менә скакалкада барысы да теләп сикерде, озынлыкка сикерүдә дә актив булды балалар һәм матур нәтиҗәләргә ирештеләр. Шулай ук биеклеккә сикерү, турникта тартылу кебек спорт төрләрендә дә сынатмады безнең укучылар. Аларны спорттагы җиңүләре белән тәбриклибез, җәйләрне исән-имин, сау-сәламәт уздыруларын телибез.

"Тамчыкай" мәктәп яны сәламәтләндерү һәм ял лагеренда ял итүче укучылар   Бөек Ватан сугышында һәлак булучылар истәлегенә куелган һәйкәл янында Хәтер һәм кайгы көненә багышланган мәгълүмати линейкада катнашты. Әлеге линейкага "Үлемсез полк солдатларын" да алып бардылар алар. Сугыш китергән авыр яралар әле бүген дә сыкрый, сугыш чорындагы югалтулар ачысыннан әле бүген дә күзләр яшьләнә. Үсеп килүче буын сугыш афәтләрен күрмәсен, күп корбаннар бәрабәренә яулап алынган матур көннәрнең кадерен белсен иде.   Линейка ил-көннәребезгә тынычлык һәм бәрәкәт теләп, һәлак булучыларны бер минутлык тынлык белән искә алып тәмамланды.