Мәктәбебезнең СМС-балалар отряды бүген "Сәламәт ана-сәламәт бала" акциясе уздырды.

...Кем куллары өйне, җирне ямьли,

Изгелеге үлчзү тапкысыз?

Ул, әлбәттә, яшәү чыганагы,

Тормыш яме-Әнкәй, хатын-кыз!

  Акция барышында  авылдаш хатын-кызларга изге теләкләр белән ясалма чәчәкләр бүләк ителде.  

Бүген мәктәбебездә татар теле һәм әдәбияты атналыгы башланды. "Татар теле-дуслык теле" дип аталган чара татар теленең аралашудагы мөһимлеген һәм аның мөмкинлекләрен ачуга багышланган иде. Татар теле, өлкәннәр һәм кечкенәләр арасында мөнәсәбәтләр турында шигырьләр, сәхнә әсәрләреннән өзекләр, җырлар яңгырады бу чарада. Туган телебез Республикада яшәүчеләрне  дуслаштыруга, милләтара мөнәсәбәтләрне ныгытуга, татар милләтен төрле өлкәдә биек үрләргә алып менүгә хезмәт итсен иде. Оештырылган чара "Туган тел" җырын күмәк башкару белән тәмамланды.

 Мәктәбебез укучысы Колмөхәммәтов З. Чистай шәһәрендә "Яшүсмерләрнең язучы, публицист Кояш Тимбикова исемендәге I Регионара фәнни-эзләнү укулары"нда уңышлы чыгыш ясады.  Укулар кысасында язучы-шагыйрьләребез Рәдиф Гаташ, Илсөяр Иксанова, Мәдинә Маликова катнашында пленар утырыш  катнашучылар күңеленә бик хуш килде.  Әлеге чара толерантлыкның да матур чагылышы иде. Татар балалары рус, чуаш милләтеннән булган балалар белән фикер алышты, үз эшләрендә күтәрелгән проблемаларына башка милләт балаларының мөнәсәбәтләрен  тыңлады.  

Очрашу, киңәш-табыш итү-

Татарларның асыл сыйфаты.

Дуслык күпере салып өлкәләргә,

Күпме яшьләр бүген дуслашты!!!

Укучыларыбыз мәктәп укучылар үзидарәләре һәм балаларның иҗтимагый оешмаларының "Без-бергә!" шигаре астындагы район слетында катнашты. Тәҗрибә уртаклашу, иң яхшы эш алымнарын презентацияләү, районыбыз укучыларын берләштерү ягыннан бу бик әһәмиятле чара булды. 

Агымдагы ай- Хокук айлыгы. Мәктәптә айлык кысаларында укучылар, педагогик коллектив  белән беррәттән ата-аналар белән дә тематик  чаралар уза.  Бүген мәктәбебездз уздырылган ата-аналар җыелышы -шуңа дәлил. "Яшүсмерләрнең җинаять кылуын кисәтүдә гаиләнең әһәмияте " дигән  теманың мөһимлеген    ЮХИДИ ның  юл һәлакәте иминлеген пропагандалау бүлегеннән вәкил Мөгайнетдинов Р.Г.  ассызыклады. Ата-аналар белгечкә үзләрен кызыксындырган сораулары белән мөрәҗәгать итте. Җыелыш эшлекле атмосферада узды.

Мәктәбебезнең 3-6 нчы сыйныф укучыларыннан торган спорт командасы "Күңелле стартлар" спорт ярышының куст этабында катнашты. Мондый дәрәҗәдә әле беренче тапкыр гына көч сынашкан спортчыларыбыз мәктәп данын киләчәктә матур җиңүләре белән бизәрләр дип ышанабыз. Катнашучыларга һәм аларны әзерләгән физик тәрбия укытучысы Кабиров Ә.З. зур уңышлар һәм сәламәтлек телибез.

7-9 нчы сыйныф укучылары бүген "Тәртип бозуларны кисәтү"  дигән темага аноним анкеталаштыру узды. Анкета нәтиҗәләре буенча укучыларыбыз җинаять  кылуларны кисәтүдә   гаиләгә мөһим  бурыч  йөклиләр (94%). Анкета нәтиҗәләре ата-аналар җыелышында укылачак докладка фактик материал булара к файдаланылачак.

Мәктәбебезнең 4-6 нчы сыйныф малайлары бүген үз көчләрен мини-футболның район этабында сынады. Мәктәбебезнең спорт данын яклап чыгыш ясаган һәркемгә зур рәхмәт, киләчәктә сездән матур җиңүләр көтәбез.  Спорт белән мавыгу сезнең үсешегездә бары тик яхшы яктан гына чагылыш тапсын!  

Укытучыларны һөнәри бәйрәмнәре белән котлауны яңа телевезион проект рәвешендә тәкъдим итте укучыларыбыз. Ул билгеле бер тапшырулар сериясеннән гыйбарәт булып, мәгърифәтле Кизләү төбәге укытучыларына багышланган иде. Үзенчәлекле тамаша  укытучылар һәм укучыларга бик ошады. 

Игелекле татар мөгаллиме,

Синнән күчә безгә мәрхәмәт.

Тырышлыгың, сабырлыгың өчен-

Барысы өчен Сегә зур рәхмәт!

Авылыбызның барлык өлкәннәрен   укучыларының бәйрәм котлавы мәктәпнең актлар залына җыйды. Өлкәннәрдән күчкән ялкынның яшьләрдә кабатлануын күреп, залда утыручы апа-абыйларыбыз, әби-бабайларыбыз бик сөенде.  Бүгенге бәйрәмне уздырырга ярдәм иткән өчен мәктәп җитәкчелеге "Агрофирма"Южная" ҖЧҖ җитәкчелегенә, Киекле авыл җирлеге җитәкчелегенә һәм Кизләү мәдәният йорты хезмәткәрләренә зур рәхмәтен җиткерә.

Сурәттә бәйрәм кунаклары котлаулар кабул итә.