Г.Тукайның 130 еллык юбилеена багышлап Нурлат шәһәре һәм Кама аръягы музее тарафыннан уздырылган "Минем яраткан әкиятем" районкүләм рәсем конкурсында Галиев Р. һәм Нуретдинова А. призлы урыннарга лаек булды (җитәкчеләре: Хәсәншина Р.Н., Ганиева И.И.). Җиңүчеләрне тәбрикләү тантанасы "Музей язы-2016" акциясе кысаларында бүген уздырылды.

Мәктәбебезнең балалар оешмасы җитәкчесе Колмөхәммәтов З. "Ел лидеры-2016" конкурсының төп этабында катнашачак. 24.04-28.04 кадәр ул үзенең лидерлык сыйфатларын төрле ярышларда күрсәтергә тиеш була. Без аңа ихлас күңелдән ышанабыз! Без бергә!

Мәктәбебездән 15 укучы һәм 2 укытучы Г.Тукайның юбилеена багышланган онлайн Бөтендөнья контроль эшендә катнашты.  Әлеге контроль эш катнашучыларның Тукай иҗаты буенча гына түгел, ә, гомумән, татар теле буенча белем дәрәҗәсен билгеләргә мөмкинлек бирде. 

"Мәрхәмәтле Татарстан- 2016" проектының соңгы көнендә Георгий тасмасы турында мәгълүмати иртәләр узды. Башлангыч сыйныфлар исә, Георгий тасмасын пластилиннан әвәләгән шарчыклардан җыйганнар. Кем һәм ничек ясамасын, әлеге тасма үзенең әһәмиятен бүген дә югалтмаганлыгын аңлау кирәк.

"Мәрхәмәтле Татарстан-2016" проектының соңгы көнендә "Игелекле нәтиҗәләр" чарасы узырылды. Чараның беренче өлеше 1 нче сыйныф укучыларының әлифба бәйрәме булса, икенчесе проект дәвамында зур активлык күрсәткән укучыларны, әти-әниләрне билгеләп үтү булды.

Чарага әти-әниләр дә бик теләп килде.

"Мәрхәмәтле Татарстан-2016" проектының бүгенге көне Халыкара Парклар көненә багышланды. География укытучысы Курамшин Р.Х. 7-8 нче сыйныф укучылары арасында тематик уен-дәрес уздырды, уен 8 нчеләр файдасына тәмамланды. Дәрес барышында сүз сулыклар, аларның әһәмияте, Җир шарында чиста су проблемасы, сулыкларны чистартуның мөһимлеге, кешеләрдә экологик культура дәрәҗәсе кебек әһәмиятле сораулар каралды. Дәрес анда катнашучылар өчен дә, аны тамаша кылучылар өчен дә файдалы мәгълүматларга бай булды.

Рәсемдә: уен-дәреснең бер этабы- сорауларга дөрес җавап бәрабәренә рәсемдәге сулыкны төрле чүп-чардан һәм пычраклардан чистарту

"Мәрхәмәтле Татарстан-2016" проектының "Игелекле җир" көне кысаларында туган авылыбыз урамнарын чүп-чардан арындыру буенча экологик десант хәрәкәте оештырылды. Экологик десантта катнашкан һәркемгә "Алмаш" балалар оешмасы активы, мәктәп җитәкчелеге, авыл халкы, Җирле үзидарә җитәкчелеге исеменнән рәхмәт белдерәбез.

Зур капчыкка тутырыйк та

җир өстеннән чүп-чарны, 

Өлкәннәр җыеп илтсеннәр

Чүплекләргә аларны.

Чүпләр кимер, авылым урамнары 

якты нурга күмелер.

Безнең тырышлыкны күреп, бәлки,

Урамда

чүп ташлаучылар кимер?!

"Мәрхәмәтле Татарстан-2016" проектының "Игелекле җир көне" кысаларында 9 нчы сыйныф укучылары авылыбыз уртасында Бөек Ватан сугышында һәлак булган авылдашларыбыз истәлегенә куелган һәйкәл тирәсендә экологик өмә уздырды. Укучыларыбызның изге гамәлләре батыр сугышчыларыбыз рухына дога булып барсын.

Җиребезгә аяз күкләр теләп,

Имин көннәр теләп илемә,

Сугыш кырларында ятып калган,

Авылдашлар, сезгә баш иям!

Хәтер исән, хәтер мәңге яшәр

Безнең буын сезне онытмас.

Шәһид киткәннәргә рәхмәт әйтер,

Һәйкәлләргә эзен суытмас (Колмөхәммәтова З.Э..)

"Мәрхәмәтле Татарстан-2016" проектының бүгенге көн игелекле эшләр һәм игелекле гамәлләргә багышланды Бүген башлангыч сыйныф укучылары "Үз елмаюыңны бүләк ит" акциясе уздырды: ъзлщренеж кул эшләнмәләре белән авыл халкына күңел күтәренкелеге,яхшы кәеф бүләк итте алар