Бүген мәктәпнең 5-9 нчы сыйныф укучылары балигъ булмаган балалар белән эшләү бүлеге инспекторы Калимуллина Ф.Н. белән очрашты. Әлеге очрашуда Фәния Нәбиулловна район буенча укучыларның кылган гамәлләре белән таныштырды. Укучыларның кайсы очракта җаваплылыкка тартылырга мөмкин икәнлеген аңлатты. Әңгәмә эчтәлекле, уйландыргыч, нәтиҗә ясарлык булды. 

С целью развития интереса к изучаемому предмету, развития интеллектуального и творческого потенциала учащихся, выявления одарённых детей; развития коммуникативных навыков между учениками разных возрастов с 14.12.15.-19.12.15. в школе объявлен неделя русского языка и литературы. Сегодня учащиеся ознакомились с творчеством А.А.Фета. Учащиеся 5-9 классов рассказали стихи А.А.Фета.

ГТОга әзерлек максатыннан укучыларыбыз атна саен СОК "Салават күпере"ндә булалар. Анда һәр укучының яшь үзенчәлеген искә алып шартлар тудырылган. Салкын кышларда да йөзү мөмкинлеге булганга башлангыч сыйныф укучыларыбыз  бик шатланып кайтты. 

Дәрес - ул сабак. Сабак асыл һәм тирән мәгънәгә ия. Уку- энә белән кое казу бит ул. Шуңа да "кое казыганда" төрле кызыклы хәлләр килеп туа. Бүген башлангыч сыйныф укучылары шул дәресләрдә килеп туган  кызыклы мизгелләрне  безгә дә күрсәттеләр. 

Ә башлангыч сыйныфлар атналыгына килгәндә, ул бай эчтәлекле, әзерлекле үтте. 

5 декабрь көнне 5-9 сыйныфларның сыйныф сәгатьләрендә Бөтенрәсәй акциясе “Час кода”  үтте. Укучылар информатика укытучысы Шихов И.В. акция турында тулы мәгълүмат алдылар.   “Час кода” акциясендә катнашу өчен регистрация ясадылар. Программа нигезләренә өйрәтүче уеннар белән таныштылар. 

"Мәктәп планетасында" исеме астында үткәрелгән чарада башлангыч сыйныф  укучылары  һәрбер фән буенча белемнәрен күрсәттеләр. 

Балачак бит ул гаҗәеп   киң төшенчә, ә балалар әдәбияты – балачакның көзгесе. Ул көзгегә карасаң, анда балалар дөньясы, ихлас тормышы, балачакның якты да, татлы да, шул ук вакытта тылсымлы да сәхифәләре ап-ачык булып күренеп тора. Балачак ул - чыннан да, үзе бер кабатланмас олы дөнья. Гомерләрен балалар өчен әсәрләр язуга багышлаган язучыларыбыз бик күп. Без аларның иҗатлары белән даими танышып барабыз. Бүген башлангыч сыйныф укучылары балалар язучылары иҗатына безне дә алып керде. Алар: Шәүкәт Галиев, Ләбиб Лерон, Рафис Корбан, Роберт Миннуллин, Фәнис Яруллин. 

Бүген иртәнге линейкада  башлангыч сыйныфлар атналыгына старт бирелде. Атналык программа белән таныштырылды.

Соңгы вакытларда теге яки бу регионнарда килеп туган тотрыксызлык, барлыкка килгән  “кайнар нокталар”, бәрелешләр, террорчылык актлары һәм башка тискәре күренешләр аркасында дөньяда хәлләр киеренке төс алды. Республика җитәкчеләре моны игътибардан читтә калдырмыйлар, үз гражданнарының иминлеген тәэмин итү, җәмгыятьтә тынычлык һәм тотрыклылыкны саклап калу өчен мөмкин булганнарның барысын да эшлиләр.  Район җитәкчеләре, прокуратура, МЧС белән бергә киңәшмәләр, киңәйтелгән утырышлар, төрле  өйрәнүләр оештырыла. Мәктәпләрдә дә өйрәнүләр үткәрелә. Укучылар иминлеген саклау максатыннан укучыларның уяулыгы тикшерелә, сыйныфларда әңгәмәләр үткәрелә, куркыныч ситуациядә үзеңне ничек тотарга кирәклеге өйрәнелә.

Тарих атналыгы кысаларында Хамидуллина А.И. уен оештырды. Әлеге уенда укучыларның үзләштергән белемнәре ачыкланды. Командаларга һәр класстан 1 укучы сайлап алынды. Бәйге ахырында төрле номинациядә җиңүче укучылар билгеләнде. Менә алар:  "Иң тапкыр укучы" - Тимергалиев Наил, "Иң белемле укучы" - Зиннатуллин Илнар, "Иң зирәк укучы" - Сафина Илсинә, "Оста фикерләүче укучы" - Шәрәфиева Адилә, "Тиз җавап бирүче укучы" - Мифтахов Айрат. Ә чираттагы чараларда укучыларга уңышлар телибез.