Мөрәле җирле үзидарәсе бүген һәм  иртәгә зират территориясен, аның тирә-ягын чистарту өмәсе оештыра. Бу өмәдә авыл халкы белән беррәттән, мәктәпнең укытучылар һәм укучылар коллективы да актив катнаша. 

"Мәрхәмәтле Татарстан" акциясе дәвам итә. 22 апрель - игелекле җир көненә багышлана. Язгы гамәлләр атналыгының экологик көне дисәк тә ялгыш булмас. Бу көнне  8 нче сыйныф укучылары мәктәп бакчасында утыртылган агачлар тирәсен тәртипкә китерде. Әле сез үзегезнең йорт тирәсен тәртипкә китердегезме? Юк икән, эшкә тотыныйк. 

"Мәрхәмәтле Татарстан" акциясе дәвам итә. Бүген "Игелекле эшләр" көне. 8-9 нчы сыйныф укучылары "Игелекле ярминкә" оештырдылар. Ярминкәдән җыелган акчаны ярдәм итү йөзеннән авыру балаларга күчерәчәкләр.

"Мәрхәмәтле Татарстан" акциясенең 5 нче көне "Донор көне" дәвам итә. Бүген башлангыч сыйныф укучылары әлеге темага рәсемнәр конкурсы үткәрде. 

Бөек татар язучыбыз Габдулла Тукайга багышлап мәктәптә бердәм дәрес үткәрелде. Татар теле укытучысы Налия Сәгыйт кызы Хуҗина  укучыларны Тукайның тормыш юлы һәм иҗаты буенча яңа мәгълүматлар белән таныштырды, бергәләп Тукай турында видеофильм карадылар. Соңыннан фильм эчтәлеге буенча әңгәмә үткәрелде.

По Республике стартовала акция «Спортивный Татарстан».  Каждый день акции, с 16 по 23 апреля, посвящен разным темам.  20 апреля  проходил под названием  «Спортивное кино». Наша школа тоже присоединилась к акции. И сегодня  в кабинете русского языка и литературы был открыт кинозал. Ребята посмотрели интересный и увлекательный фильм «Семь стариков и одна девушка»

"Мәрхәмәтле Татарстан" акциясенең   4 нче көне  игелекле кинога багышланган иде. 5-8 нчы сыйныф укучыларына гомумкешелек кыйммәтләре белән бәйләп, "Тимур һәм аның командасы" дигән фильм күрсәтелде һәм фильм буенча әңгәмә үткәрелде. 

Районыбызда бүген иң тантаналы вакыйгаларның берсе -  Кайбычымның туган көне. Соңгы елларда районыбыз күзгә күренеп үсә, зурая. Баксаң, шушы зур истәлекле көнебезгә дә нәкъ 25 ел тулган икән.  Шул уңайдан укытучылар һәм укучылар коллективы Мөрәле авылы мәдәният йортында зур тамаша кылды. Яшьләрнең "Аулак өй"дә бәйрәмгә әзерләнү күренеше чын мәгънәсендә авыл халкын шаккатырды. Бәйрәм белән, райондашлар!

"Спортивный Татарстан" акциясе кысаларында 18 апрель "ГТО барыбыз өчен дә!" дигән өндәмәгә нигезләнә. Мәктәп укучылары бу көнне "Салават күпере" спорт комплексында йөзү буенча үз мөмкинлекләрен күрсәттеләр.

"Мәрхәмәтле Татарстан" акциясе дәвам итә. Бүген 3 көн "Дуслык көне". Безнең туган илебез – Татарстан, ул – күпмилләтле дәүләт. Татар халкы гасырлар дәвамында рус, чуваш, башкорт, мордва, удмурт һәм башка халыклар белән дус-тату яшәгән. Татарстан халыкларының үзара дус, тату яшәве бөтен дөнья өчен толерантлык үрнәге булып тора. Халыклар арасында дуслык бәйләнешләрен ныгытуда бәйрәмнәрнең роле зур, чөнки алар аша халыклар бер-берсенең мәдәнияте, яшәү рәвеше, гореф-гадәте, йолаларын өйрәнә һәм шулар аша бер-берсенә хөрмәт тәрбияли, үз итә, дуслыгын ныгыта. Без бүген 1,3 нче сыйныф укучылары белән рус халык биюе элементларын өйрәндек.