Күптән көтелгән лагерьның соңгы көннәре якынлаша. Кыска гына вакыт аралыгында оештырылган ял тиз һәм файдалы үтте. 

Кышкы ял лагере ел саен оештырыла. Җәйге ял лагеренда җәйге табигать матурлыгына хозурланасың, ә кыш үзенчә матур. Менә шуңа да ял лагерьларын балалар көтеп алалар. Көн саен ниндидер яңалыкка омтыласың. Менә бүген  укучылар  матур открыткалар ясадылар.

Учитель русского языка и литературы Садриева А.З. провела консультацию по русскому языку в 9 классе. Особенно большое внимание было уделено работе над темами "Способы связи", "Выразительные средства речи" и "Сложные предложения и виды".

1 нче яртыеллык нәтиҗәләренә йомгакны мәктәп җитәкчесе Лилия Тәлгать кызы Минһаҗева  ясады. 3 нче сыйныфта укучы кызларыбыз: Гөбәева Миләүшә, Зайнуллина Алия, Мадаминова Асияләр бу чиректә дә үзләренең булганлыкларын расладылар. Алар 2 нче чирекне "5"ле билгеләренә генә тәмамладылар. 10 укучы "4" һәм "5" билгеләренә өлгерә. Киләчәктә дә сынатмагыз, укучылар!

Кадерле укытучылар, укучылар һәм ата - аналар! Менә бусагада 2016 ел. Һәр ел вакыйгаларга бай була. Яңа ел ул -  үткән эшләргә йомгак ясау, киләчәккә план кору. Ә безгә бергәләп корган планнарны тормышка ашыруда сезнең ярдәм кирәк, кадерле укытучылар, укучылар һәм ата-аналар! Яңа елда да сынатмаска исәп.  Яңа ел бәхетле мизгелләр, матур вакыйгалар, шатлыклы хәбәрләр, бәхетле көннәр, саулык-сәламәтлек алып килсен. 

Кышкы ял лагерен ачу тантанасы Яңа ел бәйрәме белән тәңгәл килде. Моннан да матурырак бәйрәм бармы? Безнең кәефләр шәп, уку елын матур тәмамладык. 

 Яңа ел бәйрәмнәре алдыннан, кардан төрле сыннар ясап, ишегалдын бизәү  мәктәбебездә традициягә  әйләнде. Ә районда исә, мәктәп һәм башка оешмаларны бизәү буенча конкурс  ел саен игълан ителә.  Бизәлешкә бәя бирү комиссиясе бездә дә булып китте. 

Укучылар иминлеген саклау, уяу булу максатыннан сыйныфларда класс сәгатьләре үткәрелсә, гомуммәктәп күләмендә гадәттән тыш хәлләр булган очракта үз-үзеңне тоту кагыйдәләренә  укучыларны өйрәтү эше еш башкарыла безнең мәктәптә. Шуңа да укучыларыбыз һәм хезмәткәрләр тиешле вакытта бина эченнән  эвакуацияләнергә өлгерә. 

Башлангыч сыйныф укучылары химия кабинетына сәяхәт кылдылар.