Балаларны яклау көне планы белән мәктәп җитәкчесе Минһаҗева Л.Т. таныштырды. Бүгенге көн тулысы белән балаларны яклауга юнәлтелгән иде. Укучылар төрле сынаулар аша үзләренең көчле, чыдам, батыр икәнлекләрен расладылар. 

Экологик акция кысаларында үткәрелгән чаралар саны артканнан - арта бара. Безнең мәктәп укучылары мәктәп тирәсенә бу көнне чыршылар утырттылар. 

Тукайны искә алу кичәсе  аның  иҗаты, тормышы турындагы биремнәрдән торган "Үз уеныбыз" формасында үткәрелде.  Укучылар шактый гына катлаулы сорауларга да җавапны тиз таптылар.

1-7 нче сыйныф укчылары Әфганстанда интернациональ бурычларын үтәгәндә һәлак булган герой райондашларыбызга багышланган стелла янында булып кайттылар. 

 Җиһанда яз хакимлек итә. Яз ул табигатьнең уянуы, аваз салуы. Табигать матурлыгына ияреп мәктәптә экологик акция башланды.  Табигатебезне саклыйк һәм яклыйк. 

Һәрбер ел фасылы үз мәшәкатьләре белән аяк баса. Кар сулары күз ачып- йомганчы эреп ага да, бакчаларда язгы эшләр башлана. Ә ул эшләрне вакытында башкармый кара син! Мәктәптә кишер утырту тиз һәм вакытында башкарылды. 

Мөрәле җирле үзидарәсе бүген һәм  иртәгә зират территориясен, аның тирә-ягын чистарту өмәсе оештыра. Бу өмәдә авыл халкы белән беррәттән, мәктәпнең укытучылар һәм укучылар коллективы да актив катнаша. 

"Мәрхәмәтле Татарстан" акциясе дәвам итә. 22 апрель - игелекле җир көненә багышлана. Язгы гамәлләр атналыгының экологик көне дисәк тә ялгыш булмас. Бу көнне  8 нче сыйныф укучылары мәктәп бакчасында утыртылган агачлар тирәсен тәртипкә китерде. Әле сез үзегезнең йорт тирәсен тәртипкә китердегезме? Юк икән, эшкә тотыныйк. 

"Мәрхәмәтле Татарстан" акциясе дәвам итә. Бүген "Игелекле эшләр" көне. 8-9 нчы сыйныф укучылары "Игелекле ярминкә" оештырдылар. Ярминкәдән җыелган акчаны ярдәм итү йөзеннән авыру балаларга күчерәчәкләр.

"Мәрхәмәтле Татарстан" акциясенең 5 нче көне "Донор көне" дәвам итә. Бүген башлангыч сыйныф укучылары әлеге темага рәсемнәр конкурсы үткәрде.