Дару үләннәренең файдасы зур булу һәркемгә дә мәгълүм. Шуны истә тотып, мәктәп хезмәткәрләре каен бөресе җыю белән мәшгуль. 

Каникул башланды дип, укучыларыбыз өйдә утырмый. Бүген кече яшьтәге укучы балалар сыйныф җитәкчеләре Сәйфетдинова А.М., Хәсәнова М.М. белән  "Салават күпере"ндә булып кайтты. 

Бугеннән  укучыларның язгы каникуллары башланды.  Каникуллар 29 мартка кадәр дәвам итәчәк. Язгы су ташулар чорында куркынычсызлык кагыйдәләрен онытмагыз, игътибарлы булыгыз, уяулыкны югалтмагыз, укучылар!

Мәктәптә эш язгы каникулларда план буенча  оештырылачак.

"Искә алырга чакырам" конкурсының мәктәп турына 1-9 нчы сыйныф укучылары зур тырышлык белән әзерләнгәннәр. Әлеге конкурс 2 турдан торды: 1) Презентация ярдәмендә үз сыйныфларында башкарылган эшләрне яклау; 2)Агитбригада чыгышы.  

Кайбыч районының мәдәният йортында 16 нчы Республикакүләм "Созвездие-Йолдызлык" телевизион эстрада фестиваленең Гала-концерты булды. Безнең мәктәптән  2,3- сыйныф укучылары Әхмәтҗанов Ислам һәм Гобәева Миләүшә “Конферанс” номинациясе буенча чыгыш ясап, 2 нче урынга лаек булды. Район җитәкчесе А.И.Рәхмәтуллин  укучыларыбызга, аларның җитәкчеләренә  истәлекле бүләкләр һәм диплом тапшырды. Без сезне зур җиңүегез белән котлыйбыз!

Мәктәпнең 2-9 сыйныф укучылары арасында "Аҗаган"  хәрби-спорт уены үткәрелде. Уенның максаты: -укучыларда югары мораль -психологик сыйфатлар, Ватанга мәхәббәт хисе, аны саклауга әзерлек булдыру һәм үстерү; - гадәттән тыш хәлләрдә югалып калмау, үз-үзеңә ышаныч тәрбияләү; - тапшырылган эш өчен  җаваплылык, түземлек, тапкырлык, ярдәмчеллек, бер-береңә булышу кебек әхлакый сыйфатлар булдыру.

Мәктәптә “Язның беренче кунаклары” (сыерчык оялары, җимлекләр) муниципаль конкурсының мәктәп этабы игълан ителгән иде. Балалар әлеге чарада әти-әниләре белән бергә катнашты. Алар  җимлекләрне агачтан ясап кына калмыйча,  чәчәкләп бизәгән дә. Җимлек­ләр бик үзен­чәлек­ле килеп чык­кан.

Бу конкурска нәтиҗә ясап, җиңүчеләр билгеләнде.

“Иң матур җимлек” номинациясе җиңүчеләре: Мифтахов Айрат  -1 нче  урын , 2 нче урын – Зәйнуллина Алия, 3 нче урынны Сабирова Илвина һәм Муртазина Ләйсән бүлеште.

“Иң оригиналь җимлек” номинациясендә  җиңүчеләр: Ахметзанов Ислам – 1 нче урын, Миңнуллина Илфия – 2 нче урын, Мадаминова Асия – 3 нче урын.

Җимлекләрне мәк­тәп тирәсен­дә үсеп утырган агачлар­га эл­дек.

Кайбыч мәдәният йортында үткән 8-март-Халыкара хатын-кызлар көненә багышланган бәйрәм тантанасында мәктәбебез укытучылары  да актив катнашты. Хатын-кызларыбыз- "Мөрәле әбиләре"  исемле хореография  коллективы- башкаруындагы җырлы- биюле күренешне тамашачылар бик яратып кабул итте. 

Хөрмәтле хатын-кызларыбыз!

Сезне 8-март- язның беренче бәйрәме белән котлыйбыз. Сез- дөньяда иң гүзәл, иң чибәр, иң матур, иң булган затлар. Бу тормышның бар яме- сездә, сөйкемле- сабыр  әбиләр, әниләр, апалар, сеңелләр! Сезгә саулык- сәламәтлек, иҗади уңышлар, шатлык- куанычлар гына телибез. Киләчәгебез якты, күгебез аяз, көннәребез тыныч булсын! 

"Созвездие- Йолдызлык- 2016" эстрада фестиваленең муниципаль этабында конферанс укучыларыбыз Ислам Әхмәтҗанов һәм Миләүшә Гобәева катнашты.