Бүген математика атналыгының дүртенче көне. "Крестики-нолики" математик уены үткәрелде. 9 этаптан торган уенда 7 нче һәм 8 нче сыйныф укучылары ике командада чыгыш ясады. Нәтиҗәдә "Крестики" командасы җиңү яулады.

Математика атналыгы кысаларында, укучылар тәкъдим ителгән һәм үзләре тарафыннан ясалган ребуслар, кызыклы биремнәр чишәләр. Дәресләрдән соң, "Тәмлетамаклар утырышы" исемле сыйныфтан тыш чара үтте. Кызыклы формада оештырылган әлеге чарадан укучылар канәгать калдылар.

Чишмәләр, чишмәләр! Тереклек дөньясын үзенең татлы суы белән ләззәтләндереп, чылтыравы белән колакларны иркәләп, кешелекне сокландырып яшәтү өчен барлыкка китерелгән табигатьнең искитмәле хәзинәседер ул. Чишмә суы – ул Җир-Ананың кадерле бүләге. Ә менә шул хәзинәне саклап һәм кадерләп тоту бурычы кешегә йөкләнгән. Безнең авылыбыз яныннан узучы олы юл буендагы күпләр су алучы чишмәне карап тору да мәктәпкә һәм авыл җирлегенә йөкләтелгән. Шуңа күрә һәркөнне чишмәнең торышын, чисталыгын күзәтеп торабыз. Чишмәбезгә ярдәм кирәк булса, без һәрвакыт әзер.

Бүген мәктәбебездә математика атналыгына старт бирелде. 

 6-8 сыйныф укучыларыннан торган мәктәпнең җыелма командасы Федоровск урта мәктәбендә узачак КВНга әзерләнә башлады.

20 нче гыйнвар көнне Кайбыч гомуми белем бирү базасында 9 нчы сыйныф укучыларының рус теленнән сынау имтиханнары узды. Аның максаты: төп гомуми белем мәктәбе укучыларының фән буенча әзерлек дәрәҗәләрен тикшерү.

Мөрәле мәдәният йортында халык җыены үткәрелде. Авыл җирлеге башлыгы Зиннәтуллин Р.Р. узган ел башкарылган эшләр буенча халык алдында хисап тотты. Мәктәп эшчәнлегенең  2015 нче елына нәтиҗә ясап, мәктәп җитәкчесе Лилия Тәлгать кызы Минһаҗева чыгыш ясады.  

Башлангыч сыйныф укучыларының тәнәфес, дәрестән тыш вакытлары кызыклы, күңелле үтә. Бу вакытларда аларның кайсыберләре сәламәтлекне ныгытуга корылган төрле хәрәкәтле уеннар уйнаса, икенче берләре фикерләү сәләтен үстерүгә юнәлдерелгән шашка, шахмат уеннарын якын күрә.

    Картлар, ялгызларга һәрчак ярдәм итәргә кирәк. Аларны игътибарсыз калдырырга ярамый. Өлкәннәргә ярдәм итеп, үзебезнең киләчәгебез турында уйларга мәҗбүр булабыз, чөнки безнең дә картаер көннәребез алда. Әгәр без аларны кайгыртмасак, безне дә кайгыртмасалар, ни булыр? Татар халкының шундый мәкале  бар бит, ”Үз изгелегең үзеңә кире кайтыр” дигән. Кемгә дә булса изгелек эшләсәң, күңелгә рәхәт булып китә. Дөрестән дә, шәфкатьлелек, олыларга ярдәм һәм изгелек итү бик саваплы эш - гамәл.

   8-9 сыйныф укучылары Хисамиева Флюра апага һәм Әхмәтҗанова Сания апага барып карларын чистартып, хәлләрен белешеп кайттылар.

2015 елның 20 декабреннән 2016 елның 20 гыйнварына кадәр Татарстанның муниципаль районнары арасында “Иң матур бизәлгән үзәк Яңа ел чыршысы” республика бәйгесе үткәрелә. Без дә мәктәбебез укучылары белән шушы бәйгедән читтә калмаска тырышабыз. Тәнәфесләрдә  районыбыз өчен тавыш бирәбез.