"Мәктәпләрдә наркоманияне профилактикалау"  интернет - дәресе үткәрелде. Укучылар түбәндәге интернет адрес буенча күрсәтелгән видеоязманы карады (http://ctreamer.bstu/confzal/). Һәр чорда да наркотикларга каршы көрәш алып барылган, куллануны тыю турында карарлар кабул ителгән.Киләчәктә үзебезне зарарлы гадәтләр колына әйләндермик, тормышыбызның хуҗасы булып, чын кешеләр булып яшик!

Шимбә көнне мәктәптә елдагыча көзге кросс - "Милләтләр кроссы" узды. Барлык укучылар һәм укытучылар катнашында узган йөгерештә һәркем беренче килергә тырышты. «Милләтләр кроссы»нда катнашу күпләр өчен үзмаксат түгел, ә спорт сыйфатларын, физик көчне күрсәтү, җиңүгә омтылу, гади итеп әйткәндә, күтәренке кәеф алу мөмкинлеге. Көттереп кенә искән җылы җилле, матур көндә сәламәт яшәү рәвеше алып баручылар белән аралашу гына ни тора! Чараның ахырында мәктәбебезнең пешекчеләре барлык катнашучыларны кайнар чәй һәм тәмле коймак белән сыйлады.

“Балага куркынычсыз мохит тудыруда ата – аналарның җаваплылыгы” темасына  гомуми ата - аналар җыелышы үткәрелде. Авылыбызның фельдшеры Сибгатова Фәридә "Грипп һәм ОРЗның килеп чыгу сәбәпләре" темасына чыгыш ясады. Мәктәп җитәкчесе Зиганшин А.Р.  яңа уку елына ата - аналар белән эшнең максаты һәм бурычлары белән таныштырды. Үзара хезмәттәшлек иткәндә генә уңай нәтиҗәләргә ирешергә мөмкин булуына басым ясады. 

200 һәм 2000 сумлык купюралар тышлыгына нәрсә төшереләсе билгеле түгел. Ләкин моны Россия халкы үзе хәл итәчәк. Шунысы мөһим: Казаныбыз да яңа төр кәгазь акча тышлыгына эләгергә мөмкин. Моның өчен безгә Казаныбыз өчен тавыш бирергә кирәк. Бүген барлык хезмәткәрләр, укучылар Казан өчен тавыш бирдек. 

Профсоюз дәресләре хезмәт төшенчәсен төгәл билгеләүне, кешеләр белән турыдын - туры эшләүче мөһим иҗтимагый эш белән танышуны күздә тота. Шул уңайдан мәктәпнең профсоюз җитәкчесе Садриева А.З. укучылар белән кыскача күзәтү үткәрде.

Республикабызда предмет олимпиадалары хәрәкәте бик киң җәелдерелгән. Олимпиадаларның төп максаты һәм бурычлары − укучыларда танып-белү эшчәнлегенә кызыксыну уяту, сәләтле һәм талантлы балаларны ачыклау, алар белән эшләү тәҗрибәсе туплау. Бүгеннән,  2016-2017 нче уку елының олимпиадаларына старт бирелде. Уңышлы башлангычлар булсын.

Мөрәле мәктәбе укучылары яңа 200 лек һәм 2000 лек купюраларында Казан Кремлен һәм Казан федераль университеты биналары сурәтләрен күрергә телиләр. Шуңа да әлеге биналар өчен тавыш бирделәр. 

Сәламәт яшәү рәвешен пропагандалау максатыннан мәктәпнең эшчәнлеге көндәлек иртәнге зарядкадан башланып китә. Баланың сәламәтлеге даими күзәтү астында булырга тиеш. Дәрестә физминуткалар, тәнәфестә саф һавада күңелле, хәрәкәтле уеннар, дөрес туклану  - болар сәламәтлекнең нигезе. Әлеге таләпләр үтәлгәндә укучы спорт белән янәшә атлаячак. Бүген укучылар арасында үткәрелгән спорт ярышы моның ачык мисалы.