"Салават күпере"ндә  җәй айларындагыча җылы, кояшлы, якты. Су коену теләгебез кыш көне дә сүрелми, киресенчә, арта гына бара. Шуңа да без янәдән биредә, "Салават күпере"ндә. Әйдәгез, сез дә безгә кушылыгыз! Сәламәт булыйк!

ОГЭга әзерлек кысаларында башкарыла торган эшләр бихисап. Укучылар белән шөгыльләнүнең барлык вариантлары да карала. Район мәгариф бүлеге методистлары киңәше белән бүген мәктәпләрдә рус теленнән семинар үткәрелде. Безнең мәктәп укучылары белән Ә.Сәгыйди исемендәге Кошман төп мәктәбенең рус теле һәм әдәбияты укытучысы Садриева Розалия Зөфәр кызы шөгыльләнде. Мондый семинарлар укучыларга җаваплылык өсти. 

Районыбызның боз шугалагы үзенең ишекләрен ачты. Барлык укучылар да шугалакка теләп йөриләр. 

ОГЭга әзерлек эшләре даими үткәрелә. Бергә булганда барысын да җиңәргә мөмкинлекләр күбрәк. Вакытны бушка үткәрмәскә генә кирәк.

Укучылар өчен кышкы лагерь 2.01.2017 - 8.02.2017 көннәрендә эшли. Биредә укучыларның логик фикерен, уйлай сәләтен үстерү буенча төрле фәннәрдән уеннар тәкъдим ителәчәк. ОГЭга әзерлек һичшиксез беренче планда. Күңелле яллар сезгә! 

1-9 нчы сыйныфларда Россиякүләм тыюлыклар дәресе үтте. Укучыларга Татарстандагы тыюлыклар турында мәгълүмат җиткерелде. Әлеге дәрес укучыларда табигатькә сакчыл караш тәрбияләүдә зур әһәмияткә ия. 

Бүген без, шушы матур залга Яңа ел бәйрәменә җыелдык. Сезнең барыгызны да Яңаел бәйрәме белән котлыйбыз! Сезгә ныклы сәламәтлек, шатлык, гаилә бәхете телибез.

Район оешмалары һәм мәктәпләр арасында Яңа елга әзерлек буенча ел саен бәйге игълан ителә. Мәктәп коллективы быел сихри аланга төрле әкият геройларын чакырды. Әлеге сихри аланда бәйгегә бәя бирүчеләр дә булып китте. 

5-8 нче сыйныф укучылары технология укытучысы Гарифуллин Сирин җитәкчелегендә кечкенә көрәкләр ясап балалар бакчасына бүләк иттеләр. Балаларның шатлыгы зур. 

 Әле кайчан гына яңа уку елы башланган иде. Инде уку елының 1 нче яртыеллыгы да төгәлләнеп килә. Бусагада Яңа ел ишек кага.  Мәктәбебез шуңа да Яңа ел төсмере ала. Әйдә шатлыгы, куанычы, уңышлары белән килсен.