"Салават күпере"ндә су коену өчен барлык мөмкинлекләр дә бар. Урамда салкын кыш якынлаша, ә без рәхәтләнеп су коенабыз. Сез дә килегез, үкенмәссез!

Бүген район мәктәпләре инспекторы Ахметова Лилия укучылар белән әңгәмәләр үткәрде, башлангыч сыйныф укучыларына ут яктырткыч смайликлар бүләк итте. 

Укучылар белән спорт ярышларына әзерлек даими башкарыла. Бүген башлангыч сыйныф укучылары түгәрәктә бадминтон уены элементларын кабатлады. 

Г.Кариев исемендәге Казан татар дәүләт яшь тамашачы театры бездә кунакта булды. Көндезге якта башлангыч сыйныф укучылары өчен "Кәҗә белән сарык" әкияте, кичен Рабит Батулланың "Кичер мине, әнкәй" моңсу комедиясе тәкъдим ителде. Артистларга рәхмәтебез чиксез. 

Кул эшләре белән кемнең генә шөгыльләнәсе килми икән?!  Мондый матурлыкны ничек тудырырга? Нәкъ менә түгәрәктә шуның серләренә төшенәбез дә инде. 

Каникуллардан соң "Салават купере"н сагынганбыз икән бит. Бүген дә без анда кунакта булдык.

Бүген рус теленнән 9 нчы сыйныф укучылары өчен консультация үткәрелде. Укучылар үзләре өчен авыр булган сорауларга бергәләп җавап таптылар.

 Экологик хәлләрне яхшырту максатыннан өмә мәктәптә бүген башкарылды. Чөнки яфраклар әле генә коелып бетеп бара. Өмәдә барлык укучылар да теләп  катнашты.

Бүген без халкыбызның иң гүзәл бәйрәмнәренең берсе – "Сөмбелә" бәйрәменә җыелдык. Елның сихри фасылында, көн белән төн тигезләшкән мәлдә, татар халкы Сөмбелә бәйрәмен үткәргән. Ул – көзге бәйрәм, уңыш бәйрәме. Без дә үткән эшләребезгә йомгак ясап, матур бәйрәм үткәрдек. Укучылар төрле кызыклы биремнәр үтәделәр, җыр - бию белән аралаштырылган бәйрәм бик күңелле булды.

Бадминтон буенча район ярышларында укучыларыбыз уңышлы чыгыш ясады. 5-11 нче сыйныф укучылары арасында шәхси беренчелектә Сибгатов Булат - 1 урын, Тимершин Алмаз - 2 урын, кызлар арасында - Гилазова Язилә - 3 урынгы ия булдылар. Командалар арасында безнең мәктәп укучылары 3 нче урынга лаек булдылар. Укучыларыбызны уңышлары белән котлыйбыз.