Татарстанның аграр яшьләр берләшмәсе башлап җибәргән "Агрокласс" проекты буенча аграр һөнәрләргә карата кызыксыну тудыру максатыннан 5 - 9 класс укучыларына видеороликлар күрсәтелде. Балалар вертуаль  рәвештә авыл хуҗалыгы предприятиеләренә экскурсия ясадылар һәм аларга аграр яшьләр берләшмәсе тарафыннан җибәрелгән бүләкләр тапшырылды.

"Минем яраткан укытучым" Республика конкурсы елдан - ел укучыларны үзенә күбрәк җәлеп итә. Әлеге конкурсның муниципаль этабында мәктәбебезнең 2 нче сыйныф укучысы Сабирова Ильвина катнашты һәм кечкенәләр төркемендә     3 нче урынга лаек булды. Ильвинаны чын күңелдән котлыйбыз һәм киләчәктә дә уңышлар телибез.

Янгын сүндерү хезмәткәрләре мәктәбебездә булып киттеләр. Алар укучылар белән әңгәмә кордылар. Мәктәп коллективына куркыныч хәлләрдән чыгу юлларын, янгын сүндерү җайланмасыннан кулланырга өйрәттеләр. 

Укытучылар көне уңаеннан оештырылган бәйрәм җылы, матур итеп билгеләп үтелде. Укучыларыбызның чыгышлары белән үрелеп барган бәйрәм ничек матур булмасын, ди.  Аларның чыгышларында укытучыларга булган олы хөрмәт, игътибарлылык, уңай мөнәсәбәт чагылыш тапты. Рәхмәт сезгә, укучылар!

Гражданнар оборонасы көне уңаеннан тормыш иминлеге нигезләреннән ачык дәрес үткәрелде. Дәрестә гадәттән тыш хәлләр килеп чыкканда, нинди саклану чаралары кулланырга тиешлеге өйрәнелде. 

Кайбыч муниципаль  районы мәктәпләре бүген зур ярминкәдә катнашты. Җыеп алынган уңышның артыгын сату өчен,  менә дигән мөмкинлек бу. Без дә әлеге ярминкәдән читтә калмадык. 

Без янәдән "Салават күпере"ндә. чөнки һәрбер укучы суда йөзәргә өйрәнергә тиеш. ГТО шуны таләп итә. Безгә атнага 1 тапкыр мәктәп белән, гаилә белән теләгән кадәр бассейнда йөзү мөмкинлеге бар. Йөзү сәламәтлеккә дә файдалы. Иммунитет какшап китсә дә, бассейн иң яхшы дәва. 

Талантлы балаларны ачыклау, белемнәрен тирәнтен тикшерүгә этәргеч биргән фән олимпиадалары дәвам итә. Бүген укучылар җәмгыять белеменнән олимпиада биремнәре эшләделәр.  

Кайбыч районы үзәк сырхауханәсенең участок педиатры Писарева Г.П.  гомумбелем бирү учреждениеләрендә план нигезендә укучыларның сәламәтлекләренә күзәтү үткәрде.  Укучыларның буен, авырлыгын үлчиләр, эчке органнар эшчәнлеген тикшерәләр, үпкә, йөрәкне тыңлыйлар, сәламәтлек төркемен, физик һәм нерв-психик үсешен, физкультура төркемен билгелиләр. Баланың сәламәтлеге какшаган булса, алга таба тикшеренү өчен юллама бирелә. Медицина тикшерүе күрүе начарланган укучыларны ачыкларга да ярдәм итә.