1-9 нчы сыйныфларда Россиякүләм тыюлыклар дәресе үтте. Укучыларга Татарстандагы тыюлыклар турында мәгълүмат җиткерелде. Әлеге дәрес укучыларда табигатькә сакчыл караш тәрбияләүдә зур әһәмияткә ия. 

Бүген без, шушы матур залга Яңа ел бәйрәменә җыелдык. Сезнең барыгызны да Яңаел бәйрәме белән котлыйбыз! Сезгә ныклы сәламәтлек, шатлык, гаилә бәхете телибез.

Район оешмалары һәм мәктәпләр арасында Яңа елга әзерлек буенча ел саен бәйге игълан ителә. Мәктәп коллективы быел сихри аланга төрле әкият геройларын чакырды. Әлеге сихри аланда бәйгегә бәя бирүчеләр дә булып китте. 

5-8 нче сыйныф укучылары технология укытучысы Гарифуллин Сирин җитәкчелегендә кечкенә көрәкләр ясап балалар бакчасына бүләк иттеләр. Балаларның шатлыгы зур. 

 Әле кайчан гына яңа уку елы башланган иде. Инде уку елының 1 нче яртыеллыгы да төгәлләнеп килә. Бусагада Яңа ел ишек кага.  Мәктәбебез шуңа да Яңа ел төсмере ала. Әйдә шатлыгы, куанычы, уңышлары белән килсен. 

Район ППС хезмәткәрләре  1 нче сыйныф укучыларының адаптациясен, 5 нче сыйныф укучыларының дулкынлану, борчылуларын үз эченә алган тикшерүләр үткәрделәр. Ә 9 нчы сыйныф укучылары белән  "ОГЭга әзерлек вакытында үзеңне ничек дулкынланулардан сакларга" дигән темага тренинглар оештырдылар. 

Районыбызда күптән көтелгән шугалакта шуу сезоны да ачылды. Хәзер  инде безнең тагын бер хыялыбыз тормышка ашачак. Күпләребез инде тимераякта шуарга да өйрәнде. Мондый мөмкинлекләр тудырганнары өчен район җитәкчелегенә рәхмәтебез зур. 

9 нчы сыйныфта  "ГИАга әзерлек" темасына  ата -аналар җыелышы үткәрелде. Сыйныф җитәкчесе мәктәптә үткәрелгән сынап карау имтихан нәтиҗәләренә анализ ясады. Укучыларның дәрескә әзерлеге, имтиханнарга әзерлек торышы белән мәктәп җитәкчесе Зиганшин А.Р. таныштырды. 

Кайбыч спорт - сәламәтлек комплексы "Салават күпере"ндә "Юнармия" хәрби - патриотик иҗтимагый хәрәкәтенә кабул итү чарасы үткәрелде. “Юнармия” хәрәкәтенең максаты – Ватанны тыныч шартларда да яклый алырлык буын тәрбияләү. Әлеге чарада безнең мәктәптән дә 4 укучы катнашты. Соңыннан, Ватан геройлары көне уңаеннан, һәйкәлләргә чәчәкләр куелды.