Әле укый белмәсәк тә,

Туган телне җырлыйбыз.

Бу-Тукай абый бүләге

Иң матур бер җыр дибез.

    Бүген без Габдулла Тукай туган көнен билгеләп үттек. Авылыбыз китапханәчесе Драндрова Инна Виссарион кызы шагыйрьнең тормыш юлы,иҗаты белән таныштырды.Балалар ГабдуллаТукай шигырьләрен сөйләделәр,җырладылар,әкиятләрен сәхнәләштерделәр.

Балаларыбыз Тукай шигырьләренә карата бәйгеләрдә теләп катнаштылар:рәсемнәр, апликацияләр ясадылар. 

 Балаларда ветераннарыбызга карата хөрмәтләү хисе,аларның тормышы белән кызыксынучанлык тәрбияләү максатыннан төрле чаралар үткәрәбез. Авылыбызда яшәүче тыл ветераннарын туган көннәре белән даими, ә апрель аенда туган Платонова Евдокия апаны, кунакта булу сәбәпле,телефон аша котладык.  

Тынычлыкны яулап алып биргән ветераннарга безнең рәхмәтебез чиксез. Бүген без дә аларга кулдан кечкенә генә бүләкләр ясадык.

Бүген укытучы,тәрбияче апалар,башлангыч мәктәп укучылары белән бергәләп "Язгы шәфкатьлелек атналыгы"н дәвам иттек, сугышта һәлак булган авылдашларыбызны искә алдык,авылыбызда төзелә башлаган һәйкәл тирәләрен җыештырдык. 

"Язның шәфкатьлелек атналыгы" акциясе кыссаларында бакча территориясен,чишмә буйларын чүп-чардан чистартуда катнаштык.

"Бөтендөнья җир көне"н билгеләп үттек. Кечкенәләр төркемендә тәрбияче Сунгатуллина Екатерина Алексеевна балалар белән әңгәмә үткәрде.

Балалар бик кызыксынып тыңладылар, глобус белән таныштылар.

Бүген бакчабызда  "Тылсымлы сүзләр" кичәсе үтте. Балаларга тәрбияче апалары сүзләрнең тылсымлы көчкә ия булуларын аңлаттылар, бергәләп "Сүзләр" иле буйлап сәяхәт иттеләр,төрле каршылыкларны сүзләрнең көчен кулланып җиңделәр.

Бакчабызда балалар дус-тату , бер-берсенә карата ихтирамлы,изгелекле булып үссеннәр өчен төрле чаралар үткәрәбез."Елмаю бүләк ит!" уeнында        балаларыбыз бик теләп катнашты.

   Бүген Кайбыч туган көне уңаеннан рәсем дәресе үтте. Балалар белән районыбызның гербын ясадык. Кайбычыбыз турында шигырьләр укыдык.