Чәчәкләребез берсе артыннан икенчесе чәчәк ата. Алар бакчабызга ямь,тирә-якка матурлык сибеп утыралар. 

Тырышлыгыбыз нәтиҗәсе -бакчабызда яшелчәләр күзгә күренеп үсәләр.

Бүген бакчабыз белән көзгә кадәр саубуллашабыз.

Җәйге ялларны күңелле һәм файдалы итеп үткәрергә,чыныгып исән-имин бакчабызга килергә язсын!

Бакчабызда редис

Үсте бигрәк тиз!

Үзебез үстергән яшелчәләрдән салатлар бигрәк тәмле!

-Яшь корбаннар сорап

Җирдә һаман-һаман

Кабыналар сугыш утлары.

Шушы сугышларда ничә еллар

Башын сала халык уллары.

   Бүген балалар белән "Хәтер көне"уңаеннан һәйкәл янына бардык,илебез иминлеге өчен  гомерләрен кызганмаган,төрле сугышларда катнашкан һәм һәлак булган,хәбәрсез югалган авылдашларыбызны искә алдык.

    "Су-тереклек чыганагы"темасына әңгәмә үткәрдек.Кешеләр, үсемлекләр,хайваннар өчен дә су кирәк.Судан башка тереклек юк.Без кечкенә булсак та сулыкларыбызны саклау ,елга-күл буйларында сак булу  кирәк икәнлеген  аңлаттык.Бергәләп бакчабыз "күленнән" "балыклар" тоттык.

"Урман дәресе" бик күңелле үтте.Балалар урман турындагы белемнәрен ныгыттылар,табышмакларга җаваплар таптылар.Урманда ял иткәндә үтәлергә тиешле куркынычсызлык кагыйдәләрен исләренә төшерделәр.

Ал кояш күгебездә,

Шатлыклар күңелебездә.

Дуслар килегез кунакка-

Сабантуй бүген бездә.

      Балаларны яклау көне уңаеннан бакчабызда "Балалар сабантуе"үткәрдек.Балалар төрле милли уеннарда актив катнаштылар.

Менә инде үсеп җиттек,

"Сау бул,бакчам!" -диябез.

Китап, дәфтәрләрне алып.

Тиздән мәктәпкә китәбез.

     Бүген,бакчабызда шатлыклы да,моңсу да бәйрәм үтте. Бакчабызга йөрүче 10 бала яраткан бакчалары белән саубуллашты.Алар тиздән укучылар булып мәктәп бусагасын атлап керерләр. Балаларыбызга тик уңышлар гына юлдаш булсын!

    Без балалар белән табигать кочагына экскурсиягә чыктык, Гөбнә елгасы буенда, болынлыкта, күңел ачтык, җырладык, биедек, төрле уеннар уйнадык. "Табигатьне бергәләп саклыйк!", "Табигать һәм кешеләр!" темаларына әңгәмәләр үткәрдек. 

.