5-6 нчы сыйныф укучылары музыка укытучысы Фәрдия Төхфәтуллина,  авыл китапханә мөдире Луиза Вафина белән берлектә инде берничә ел рәттән уздырыла торган "Туган телем - иркә гөлем" дигән традицион тамчы -шоу бәйгесендә катнаштылар.  

28 нче февраль көнне Батршина Сания Фаритовна 5 нче сыйныфлар белән берлектә "Употребление имен существительных в числе" дигән темага ачык дәрес күрсәтте. Дәрес бик үзенчәлекле иде. Укучылар командаларга  бүленеп, тәрҗемәче булып алдылар. 1 нче команда "Татар халык ашлары", ә икенче команда "Әтием һөнәре" дигән темага тәрҗемә эше башкардылар. Бу дәрескә үткәнне кабатлау да, иҗади эшләү дә, индивидуаль һәм группаларда эшләү   кертелгән иде. Укучылар бик актив булдылар. Дәрес бик файдалы үтте.

2  көн дәвамында Әтнә дәүләт драма театры бинасында "Созвездие - йолдызлык -2018"  фестиваленең сайлап алу туры узды.  Безнең мәктәптән  6 нчы сыйныф кызлары Гатауллина Зәринә һәм Вафина Зәлия, Гиниятуллина Зәлинә, 7 нче сыйныфтан Шигапова  Айзилә чыгыш ясадылар.Безнең өчен куанычлы хәбәр: бу бәйгедә уңышлы чыгыш ясап, Шигапова Айзилә 2 дәрәҗә лауреат исеменә, Гатауллина Зәринә һәм Вафина Зәлия дуэты 3 дәрәҗә лауреат исеменә, Гиниятуллина  Зәлия чыгыш ясаган "Таң йолдызлары" хореография төркеме 1 нче дәрәҗә лауреат исеменә лаек булдылар.Гатауллина Зәринә һәм Вафина Зәлия  дипломат исемен алдылар.Җитәкчеләре Абдуллина Л.Р. Кызлар җиңуегез белән котлыйбыз.Молодцы!!!! 

24 нче февраль көнне Күәм урта мәктәбе базасы  бозлавыгында Низамов Ревал  кубогына хоккей ярышы үтте. Ярышта авыл яшьләре, мәктәп командасы, студентлар, килгән кунаклар көч сынашты. Көрәш каты булды. Кубокны авыл яшьләре алды, 2 урынны Күәм урта мәктәбе командасы, 3 урынны студентлар яулады. 

 22 нче февраль көнне районда шайбалы хоккей буенча урта мәктәпләр арасында, Спартакиада кысаларында, ярыш узды. Күәм урта  мәктәбенең  яшь хоккейчылары Әтнә авыл  хуҗалыгы техникумы  студентлары белән 1-2 нче урыннарны  бүлештеләр. Көрәш каты булды. Әфәрин, егетләр! Сезне җиңүегез белән котлыйбыз!

Бүген 11 нче сыйныф укучылары математикадан профиль  буенча  пробный ЕГЭ тапшырдылар.

2 нче  сыйныф җитәкчесе Гатауллина Гөлназ Рахиман кызы  1-4 нче сыйныфлар белән берлектә "Теле юкның - иле юк" дигән темага  ачык тәрбия сәгате үткәрде. Тәрбия сәгатендә укучыларга тел тарихы, анын бүгенге көндәге үсеше, кирәклеге турында әйтелде. Укучылар үзләре дә туган телгә багышланган шигырьләр, җырлар башкардылар, татар халык биюләре биеделәр.

 21 нче февраль дөньякүләм туган телләр көне. Татар теле һәм әдәбияты укытучысы Сөнгатова Гөлнара Зөлкарь кызы  5-8, 9,10 нчы сыйныфлар өчен "Дөньяда иң матур тел" дигән темага  әдәби - музыкаль кичә үткәрде. Кичәдә туган тел турында канатлы сүзләр, матур шигырьләр, дәртле җырлар, шаян биюләр башкарылды. Соңыннан телгә багышланган викторина булды.

Башлангыч сыйныф укучылары бик тырышып, гаиләдә ясалган әйберләрдән күргәзмә оештырдылар. Күргәзмәдә ясалган әйберләр бик күп һәм бик төрле иде. Укучыларның һәрберсе  жюрига үз әйберсен матур итеп  тасвирлап бирергә тырышты. Һәрберсендә  гаиләләре белән горурлану хисе ачык чагыла иде.