Бүген мәктәптә инглиз теленнән 4, 6. 8 класс укучылары тест башкардылар. Тестлар укучыларның инглиз теленнән белемнәрен тикшерү максатында үткәрелде. Тестка 100% укучылар катнашты.

   Республика, районда талантлы балаларны ачыклау максатында төрле -төрле чаралар үткәрелә. Шундый чараларның берсе Бөек Җиңүнең 70 еллыгы уңаеннан "Тыныч таңнарда батырлар даны" дгән тема астында  үтте.  Бу яшь иҗатчылар бәйгесесендә мәктәбебезнең 9 класс укучысы Касимова Илүзә катнашты һәм "Проза" номинациясендә .икенче дәрәҗә Диплом белән бүләкләнде. Котлыйбыз!

Мәктәптә илдә, дөньяда бара торган төрле вакыйгаларга анализ ясап барыла. Безне 13 ноябрь көнне Парижда булган вакыйгалар тетрәндерде. Терроризмга көрәш чаралары максатында, бүген класс сәгате үткәрелде. Укучылар терроризмга каршы инструкцияләр, стәлекләр белән таныштылар. Тероризмга каршы көрәш планы белән таныштырылды.

    Ташкичү балалар бакчасында әледән-әле төрле чаралар үткәрелә. Ул чараларга шти-әниләр, мәктәп укытучылары чакырыла. Эле күптән түгел "Әкиятләр илендә" дип аталган кичә үтте. Балалар төрле әкиятләрдән өзекләр сөйләделәр, сәхнәләштереп күрсәттеләр. 

   Мәктәптә волейбол түгәрәге эшли башлагач, укучылар бик теләп түгәрәккә йөри башладылар. Каникул чорында да спортзал ишекләре ябылмады. Көн саен укучылар занятиеләрен үткәрделәр, студентлар, авыл яшьләре көн саен килеп, укучылар белән үзләренең көчләрен сынаштылар.

   Каникул көннәрендә укучылар өчен кызыклы чаралар планлаштырылды. "Мәмсә башлангыч гомуми белем мәктәбе" филиалында 4 ноябрь көнне "Табышмаклар һәм әкиятләр кичәсе" үткәрелде.  М.М.галиева башта укучыларны Халыклар дуслыгы көне белән таныштырды. Укуның кирәклеге, укучылар өчен кызыклы әкиятләр һәм табышмаклар иленә дәште. Кичә вакытында укучылар үзләрен сынадылар, күп укырга, фәннәрне тирәнтен өйрәнергә кирәклегенә төшенделәр. 

  5 ноябрь көнне башлангыч класс укучылары арасында математика фәненнән олимпиада үткәрелде. Бу олимпиадада 2 класс укучысы Гайфуллина 3 класс укучысы Фаттеров Фәнгиз уңышлы катнаштылар. 3 класс укучысы Фәнгиз 3 нче призлы урынны яулады. Котлыйбыз!

     4 ноябрь - Халыклар бердәмлеге көне уңаеннан мәктәптә укучылар, укытучылар, авыл яшьләре арасында волейбол ярышлары булып узды. барлыгы 5 команда җыйналды. Укытучылар командасы авыл яшьләре командасн җиңеп, турнирның җиңүчесе булды.

   Бүген авыл китапханәсендә башлангыч класс укучылары өчен "Халыклар дуслыгы бәйрәме" темасы астында чара оештырылды. Чараны китапханә мөдире В.Мостафина әзерләде һәм алып барды. Ул укучыларны бәйрәм тарихы, кызыклы вакыйгалар белән таныштырды. "Мәдәни көндәлек" тутырырга ярдәм итүче викторина сорауларына җавап алынды, тарихи истәлекләр укылды.

   2 ноябрь  көнне МБГБУ "Ташкичү төп гомуми белем мәктәбе" - "Мәмсә башлангыч гомуми белем мәктәбе" филиалында ата-аналарның гомуми җыелышы булды. Көн тәртибендә укучыларның белем алу дәрәҗәсе, аларны киләчәккә әзерләү, ныклы белем бирү юллары ачыклау мәсьәләләре торды. Укучыларны ЕГЗга әзерләү, ата-аналарның бурычлары турында сөйләшү алып барылды. Җыелышта мәктәп директоры И.И.Гибадуллин, укыту эшләре буенча директор урынбасары М.З.Гарифҗановлар катнаштылар, чыгыш ясадылар.