Татарстан Республикасында "Парклар елы" кысаларында матур эшләр дәвам итә. Мәктәптә бу уңайдан агачлар утырту, агачлар арасын чистарту эше дәвам итә. Башлангыч класс укучылары агачлар утырттылар.

   Укулар башланды. Бүген линейкада эчке тәртип кагыйдәләрен өйрәнү, мәктәпнең эш графигы, дежур тору, формадан йөрү, телефоннарны алып килмәү өйрәнелде. Җәй көне төрле ярышларда катнашып призлы урыннар яулаган уучыларга диплом, мактау хатлары тапшырылды.

    Бүген иртәдән мәктәп ишеләрен киң ачып дусларын - укучыларны каршы алды! Сентябрь җитте! Кулларда яраткан укытучыларга аллы-гөлле чәчәк букетлары. 

    Укучыларны котларга "Мәрҗани" ААҖ рәисе Р.Х.Хабибуллин, Яңа Кенәр "Балалар иҗат йорты" методисты Н.Р.Нигматуллина, "Электр челтәре" АҖ җитәкчесе Н.Ф.Нурмухамметов, элеккеге мәктәп директоры Р.И.Насибуллиналар килгән иде. Алар укучыарны, укытучыларны яңа уку елы белән котладылр, бүләкләр тапшырдылар. Укучылар аларга җавап итеп тырышып укырга, алдынгы булырга вәгъдә бирделәр. 

   Бүген укучылар өчен "Ычаныч вакыты" дәресе оештырылды. Дәрестә укучылар белән очрашуга полиция подполковнигв Р.Г.Рахматуллин килде. Ул укучыларда була торган авыр вакыйгалар, аларны ничек җиңел кичерү юларын аңлатты. Класс җитәкчесе Ә.Ә.Вафина презентациягә нигезләнеп,психологик хезмәткәрләр. аларга мөрәҗәгать итү юлларын күрсәтте. 8-800-2000-122 номерына шалтыратып, кирәкле мәгълүмат, психологик ярдәм алырга мөмкин булу турында сөйләде.

   Эле кайчан гына укучыларны җәйге ялга җибәрдек. Мәктәп аларны яңадан үз кочагына алырга әзерләнә. Бу коннәрдә педагаглар елның иң зур конференциясенә - август киңәшмәсенә әзерләнәләр. 2 укытучы секцион утырышта чыгыш ясарга әзерләнә, калганнары пленар утырыш очен стендлар, ярминкәгә, чәчәк күргәзмәсенә әзерлек белән мәшгуль.

   1 нче класска укырга кечеләр өчен тантаналы көн 11 нче августта оештырылды. Ул көн Ташкичү, Мәмсә, Симетбаш авылыннан 1 нче класска укырга керүче 4 балага шатлыклы көнгә әверелде. Аларга портфель, уку кирәк-яраклары өләшенде. бу бәйрәмне аларга "Бердәм Россия" партиясе һәм МБГБУ "Ашытбаш урта гомуми белем мәктәбе" коллективы оештырды.

Барыбыз да сайлауларга!

   Көннәр көзгә авышты. Бакчада яшелчә уңышы мул үсте. Инде кишер, чөгендер уңышын җыяр вакыт та җитәр. "Төннәр озынайгач үсәләр тамыразыклар",-  ди торган иде әбиләр. Карагыз, ничек үскәннәр кишерләр!

   Мәктәп территориясенең арткы ягы коймаларын алыштыру эше бара. Бу эштә мәктәпнең ир укытучылары тырышып эшли. Багана утыртуда шушы мәктәпне тәмамлаган, хәзерге вакытта электр челтәре җитәкчесе Н.Нурмухамметов зур ярдәм күрсәтте.

  5 август көнне Мәмсә авылы халкы авыл уртасында агып яткан Нигъмәтҗан бабай чишмәсе янына җыйналды. Өлкәне, яше, укучы балалар - барысы да монда. "Өммегөлсем" фольклор ансамбле авыл халкын биюле-җырлы кичәгә чакырды. Максатлары - суларны саклап тоту, кадерләү, борынгы гореф-гадәтләрне кире кайтару. Кичәнең идеясен ветеран укытучы, элеккеге мәктәп директоры Рузалия Насибуллина тәкъдим иткән. Культура йорты, мәктәп, балалар бакчасы хезмәткәрләре кичәне үткәрүдә үз өлешләрен керттеләр. Ахырыдан авыл халкы чишмә суыннан кайнаган чәйдән, кайнар коймактан авыз иттеләр. Рәхмәт сезгә, өммегөлсемчеләр!