Бүген балалар бакчасында юл йөрү кагыйдәләрен өйрәнү буенча ачык чара оештырылды. Балалар юлда йөрү кагыйдәләрен, куркыныч ситуация туганда, аннан чыгу юлларын искә төшерделәр. Тәрбияче Марина Александровна балаларны юлдан аркылы чыгу, ремонт эшләре барганда куела торган билге белән таныштырды. Чара барышында балалар шигырьләр, җырлар башкардылар, уеннар уйнадылар. Чарада Россия Федерациясе ОГИБДД ОМВДсының Арча районы буенча хезмәткәре Энҗе Газизовна Мухаметзянова да катнашты. Ул балаларны юлда сак йөрергә, үз-үзеңне саклау кагыйдәләре белән таныштырды, актив укучыларга бүләкләр, караңгы вакытта йөргәндә яктылык кайтаручы брелоклар бүләк итте. 

"Г.Камал исемендәге Сикертән төп гомуми белем мәктәбе"ндә М.Мәһдиевнең иҗади мирасын өйрәнүгә багышланган районара Мөхәммәт Мәһдиев укулары булып үтте. 8 сыйныф укучысы Гарипов Айбулат "Мөхәммәм Мәһдиев иҗатында туган як темасы" на уңышлы чыгыш ясап, III урын яулады. Айбулат, укуыңда уңышлар телибез!

  Бүген башлангыч класс укучыларына мәдәни көндәлек тапшыру чарасы үткәрелде. Чарада авыл китапханәсе мөдире В. Мостафина, мәдәният йорты директоры Г.Магсумова, мәктәп китапханәсе мөдире Ф.Хабибуллина чакырылды. Башлангыч класс укытучылары көндәлекнең әһәмияте, аны тоту кагыйдәләре, китапханәчеләр китаплар уку, көндәлекне тутыру шартлары белән таныштырдылар, сайтта эшләү кагыйдәләрен аңлаттылар. . Компьютер презентациясе аша  укучылар виртуаль музейларда булдылар. Кичәнең икенче өлешендә укучылар мәктәптәге туган якны өйрәнү музеена экскурсия ясадылар, мәктәптәге истәлеклке урыннар белән таныштылар.

    Һәр сишәмбе мәктәптә иртәнге линейка уза. Бу линейкада үткән атнада башкарылган  эшләргә нәтиҗә ясала, алдагы атнага планнар корыла. Бүгенге линейкада мәктәптә профессияләрне ачыклау буенча, татар теле, инглиз теленнән узачак тестлар турында, аларга әзерлек торышы турында сөйләшенде.  Көзге чорда саклык чаралары: грипп, котыру авырулары турында белешмә бирелде. Төп эшебез - уку булуы турында сөйләшү алып барылды. Линейка ахырында мәктәп, район күләмендә узган конкурсларда җиңүчеләрне котлау оештырдык.

   Быел мәктәптә өч группа укучылар өчен "Арча" спорткомплексы тарафыннан оештырылган түгәрәк эшли башлады. Укучылар бу түгәрәккә бик теләп йөриләр. Яңа Кенәр авылында, Арча шәһәрендә узган ярышларда катнаштылар, үзләренең уйнау сәләтләрен тирәнәйтәләр. 

   15 октябрь көнне мәктәптә укучы балаларга медицина күзәтүе узды. Яңа Кенәр участок больницасы балалар врачы Р.Р.Аксакова укучыларның сәламәтлеген тикшерде, хзенең киңәшләрен бирде. Ахырыдан класс җитәкчеләре, ФАП хезмәткәрләре белән укучыларның сәламәтлеген саклау юллары турында киңәшләрен бирде.

   Мәктәптә укучыларны имтиханнарга әзерләү эше дәвам итә. Бүген 9 класс укучылары рус теленнән ОГЭ форматында контроль эш башкардылар.

Җилдәй җитез узып киткән гомер, 
Күпме юллар сизми узылган. 
Якты хатирәләр юл буена 
Гүя маяклар күк сузылган. 
*** 
Чәчләрдәге көмеш картлык түгел, 
Шаулап узган тормыш билгесе, 
Тырыш хезмәт, күпме түгелгән тир, 
Ирешелгәннәрнең көзгесе. 
   Хөрмәтле Нурия Ильдаровна! Олы юбилеегыз белән котлыйбыз!  Сез барлык гомерегезне балалар тәрбияләүгә багышладыгыз! Укучыларыгызның Сезне сагынуы олы бәхет түгелме?! Ныклы сәламәтлек, куанычлар юлдаш булсын!

   Мәктәптә өстәмә белем бирү эшчәнлеген күзәтү ункөнлеге бара. Укучыларның түгәрәкләргә йөрүләре күзәтелә. Укучылар бигрәк тә волейбол түгәрәгенә теләп йориләр.