Мәктәптә укучыларны тормышка әзерләү буенча планлыэш оештрыла. Эледн әле төрле профессия вәкилләре, төрле уку йортлары укытучылары белән очрашулар булып тора. Бүген безгә кунакка Г.Тукай исемендәге авыл хуҗалыгы техникумы вәкилләре булып китте. Техникум директорының укыту эшләре буенча урынбасары Шакирова Надия Газимовна укучыларга техникум, аны бетергәч кая барырга, ничек итеп тормыш юлынны дәвам итәргә мөмкин булуы турында үз киңәшлрен бирде. Бер ай элек техникум укытучысы Рамил Наилевич укучыларны таныштырган иде. 3 укучы шушы техникумга барырга теләк белдергәннәриде. Очрашу бик эшлекле рәвештә узды. 9 класс укучылары үзләрен кызыксындыран сорауларга яңадан җавап алдылар.

   Мәктәптә укучыларны дәүләт имтиханнарына әзерләү буенча төрле эш башкарыла. Бүген 8-9 класс укучылары өчен класс җыелышы үткәрелде. Укучыларга имтиханнарда булган яңалыклар, имтихан бирү тәртибе, 2016 нчы елда имтиханнар тапшыру урыны турында мәгълүмат бирелде. Имтиханнарга әзерләнү өчен укытучыга, ресурс үзәкләренә мөрәҗәгать итәргә мөмкин булуы тагын бер ассызыкланды. Язгы каникул чорында сынап карау имтиханнарында, имтиханнарны тапшыруга багышланган конференцияләрдә катнашырга мөмкин булу туында сөйләшенде.

   2016 нчы ел истзлекле даталарга бик бай. Быел Г.Тукайның тууына 130 ел булачак. Шушы уңайдан мәктәптә төрле чаралар оештырыла. Шулрның берсе - Тукайның үлмәс әсәрләрен пропагандалау. Татар теле һәм әдәбияты укытучылары А.Т.Ахмадуллина, Р.С.Шагидуллина, авыл китапханәчесе В.Мустафина белән берлектә Тукай әсәрлреннән китап күргәзмәсе оештырдылар, өлкән класс укучыларыннан лекторлар әзерләп, кече яшьтәге укучылар өчен чыгышлар оештырдылар, Тукай әсәрләрен яңадан уку, хәтердә яңарту кирәклеген искә төшерделәр.

   26 февраль көнне Әтнә муниципаль районы СХПК "Мәңгәр" призына татар-башкорт көрәше буенча беренчелек булды. Бу ярышта безнең мәктәпнең 9 класс укучысы Галаветдинов Рәмис катнашты һәм 3 нче призлы урын яулады. Рәмиснең бабасы Тәбрис Галаветдинов 1980-2000 нче елларда авыл сабан туйларында бил алышып, күп тапкырлар җиңүгә ирешкән кеше. Бу сәләте аның оныгы Рәмискә дә күчкәндер. Ул Яңа Кенәрдә Марат Габделахатов җитәкчелегендә секциядә үзенең осталыгын чарлый. Киләчәктә аңа зур уңышлар телибез!

    Кичә Арча шәһәрендә шахмат буенча төбәкара ярышлар булп узды. Бу ярышта мәктәптән 3 укучы катнашты. 7 класс укучысы Галиев Рәсүл үз яштәшләре арасында 3 нче призлы урын яулады. Котлыйбыз!

    Яз җитә. Түбәләрдән кар төшә, аяк асларында кар боткасы. Елгаларда бозларның көпшәкләнә торган вакыты җитә. Шул уңайдан мәктәптә язгы чорда куркынычсызлык кагыйдәләрен өйрәнү булып узды. Укучыларга елга буйларында йөрмәү, язгы чорда дөрес туклану, дөрес киенү кагыйдәләре өйрәтелде.

   23 февраль - Ватанны саклаучылар көне. Шушы уңайдан классларда "Батырлык дәресләре" үткәрелде. Бу дәресләрдә Россия кораллы көчләре оешу тарихы, илне саклаучыларның батырлыгы, бүгенге көндә Россия кораллы көчләре сафларында хезмәт итүчеләр турында сөйләшү алып барылды.

    Г.Тукайның 130 еллыгына багышланган чаралар дәвам итә. Татар теле һәм әдәбияты укытучысы А.Т.Ахмадуллина 6 класс укучылары белән "Г.Тукай -әкиятче" темасына класстан тыш чара үткәрде. Чарада Г.Тукайның әкиятләре искә төшерелде. Тукай әкиятләрен иң күп белүчеләр конкурсы оештырылды.

   Авыл китапханәчесе мөдире В.Мостафина - укучыларның көтеп алган дусты. Ул һәрвакыт укучылар янына нинди дә булса яңалык, кызыклы кичәләр оештырырга килә. Бүген дә ул Г.Тукайның 130 еллыгына багышланган кичә оештырды. Кичәгә 8-9 класс укучыларын,  теләгән авылдашларны дәште. Кичәдә Г.Тукайның үлемсез шигырьләре, кабатланмас биографиясе кабат искә төшерелде. Уеннар, викторина аша ул укучыларның белемнәрен арттыруга иреште. Туган телне, Тукай телен саклау проблемаларын күтәрде.

   21 феврвль - туган тел көне. Шушы уңайдан мәктәптә класстан тыш чара үткәрелде. Укучылар татар теле һәм татар әдәбияты укытучылары А.Т.Ахмадуллина, Р.С.шагидуллина  белән зур чара үткәрделәр. Бу чарада туган телнең әһәмияте, аны саклау проблемалары күтәрелде. Туган телне ярату, аны үстерү турында фикерләр алышынды.