Җиргә Җиңү язы килгәнгә 71 ел! Күпме авылдашларыбыз бу дәһшәтле сугышта һәлак булды. Күпмесенең каберләре дә билгесез. Буген без аларны хәтеребезгә төшердек, веноклар салдык.

   7 май көнне Мәмсә авылында Бөек Ватан сугышы кырларында һәлак булган авылдашларыбыз хөрмәтенә митинг булды. Митингка сугыш чорында тылда хезмәт иткән ветераннар, сугыш чоры балалары чакырылды. Ветераннарның сафы ел саен сирәгәя.... Митигны Мәмсә башлангыч мәктәбе коллективы әзерләде. Митингта Ташкичү төп мәктәбе директор урынбасары М.З.Гарифжанов, ветеран укытучы С.Г.Шакирова, сугыш чоры балалары С.Ахметханова, Г.Әминовалар чыгыш ясадылар. Укучылар тырышып укырга сүз бирделәр, Җирдә тынычлык булуын теләделәр.

    Бүген мәктәптә "Балаларны сакла көне"нә багышланган акция кысаларында класстан тыш чара үтте. Иң беренче укучыланның индивидуалҗ-саклану чаралары - повязкалары барлыгы ачыкланды.  ОБЖ укытусчысы А.З.Багавиев укучыларда медицина повязкалары булуы, ә аның саклану өчен әһәмиятенең аз булуын төшендерде. Ул укучыларга марля-мамык повязкалар ясарга өйрәтте. Чараның икенче өлешендә укучыларга катастрофалар, төрле катастрофа шартларында саклану чаралары белән таныштырды.

  Бөек Җиңү көне якынлашканнан якынлаша. 8 май көнне авыл уртасында Бөек Ватан сугышында башын салганнар истәлегенә митинг оештырылачак. Өлкән класс укучылары венок ясаса, 5-6 класс укучылары шушы венокка курга чәчәкләр әзерли. Чәчәкләрне кәгазьдән, тукымадан ясарга булдык. 6 клас укучысы Галаветдинова Фирдинә чәчәкләр ясау буенча мастер-класс оештырды. Чәчәкләр бик матур килеп чыкты.

  Кызлар һәм егетләр тырышып чәчәкләр ясадылар. Шушындый чәчәкләр килеп чыкты.

   Яз җитте. Пожар куркынычы була башлады. Өй тирәләрендә чүп ягу очраклары күбәйде. Шуңа күрә укучыларга аңлату эшләре оештырдык. Чүп якмаска, тәмәке тартучыларны кисәтү, махсус урыннарда гына тартырга кирәклекне төшендердек.  Өйләрдә электрүткәргечләрнең төзеклеген, электр приборларының бары төзекләрен генә куллану турында сөйләшү булды.

   Бөек Җиңүнең 71 еллыгына әзерлек эшләре дәвам итә. Сугыш чорында тылда хезмәт иткән ветераннарга ярдәм оештыруны дәвам итәбез. Бүген Мөнирә апа белән очрашу үткәрдек. Ул балаларга сугыш чоры, сугыш чорының авырлыклары турында сөйләде. Балаларга бәхетле балачак теләде.

   Мәктәптә "Весна Победы. Җиңү язы" акциясе кысаларында чаралар үтә. Бүген 6 класс укучылары һәйкәлне  чистарту буенча эшне дәвам иттеләр. 5-8 класс укучылары арасында  "Победа глазами детей" темасы астында асфальтта рәсем ясау конкурсы узды. Яңгыр яву сәбәпле, конкурсны дәвам иттереп бетерергә мөмкинлек булмады.

     Мәктәптә 23 апрельдән 30 апрельгә кадәр "Татарстан спорты" акциясе үткәрелде. Бу акция кысаларында бөек спортсменнар турында лекцияләр, сәламәт яшәү рәвешен пропагандалаучы класс сәгатьләре, спорт ярышлары узды. Укучыларыбыз һәм укытучылар район күләмендә узган ярышларда катнаштылар. Линйкаларда бу ярышларда җиңүче һәм призер булган укучыларны котлау оештырылды.Укучылар өчен ачык һавада флеш-моб ойрәнелде..

    Язгы өмәләр дәвам итә. Көннәр салкын булуга карамастан, җир кипте. Тирә-якны чистарту буенча өмәләр узды. Инде җирне эшкәртергә дә вакыт җитә. Мәктәп территориясенең алмагач, карлыган үсә торган участогы бүген эшкәртүгә әзер. Бүгенге өмәдә җир эшкәртү, кирәкмәгән ташларны җыю белән шөгыльләндек.