Бүген мәктәпкә кунакка Идел буе электр челтәре ОАО"Сетевая компания"сенең Арча районы электр челтәре бүлеге 2 нче категорияле инженеры Ләйсән Сафаргалиевна Миннебаева килде Аның төп максаты - укучыларның җәе тыныч, хәвефсез итүне булдыру, куркынычсызлык кагыйдәләрен искә төшерү. Ләйсән апалары укучыларга электр, аның әһәмияте, тормышта куллану турында сөйләде. Шул ук вакытта куркынычсызлык кагыйдәләрен үтәүнең әһәмиятен аңлатты. Ул тормышта, кагыйдәләрне үтәмәгән очракта, нинди куркыныч очракары булырга мөмкинлекне, һәркем тарафыннан үтәлергә тиешле кагыйдәләрне искә төшерде. Кызыклы сораулар, викторина, уеннар укучыларда зур кызыксыну уятты. Шул ук вакытта Ләйсән Сәфәргалиевна беренче ярдәм күрсәтүнең әһәмиятен тошендерде. Алып килгән манекенны "терелтү"укучыларны гаҗәпкә кадырды. Укучылар үзләре дә беренче ярдәм оештыруны теләп башкардылар.

    Ләйсән апалары буш килмәгән иде. Ул укучыларга истәлекле бүләкләр дә тапшырды. Очрашу бик җылы, дустанә үтте.

   Ватан нидән башлана? Безнең туган яктан, туган авылдан, аның данлыклы кешелреннән! Апрель аенда бөекТукайның 130 еллык юбилеен билгеләп үттек. 12 июнь көнне дә, хисләребезне яңартып, бер төркем укучылар һәм мәктәп хезмәткәрләре Тукай-Кырлай авылындагы музейга экскурсия ясадылар. Бу көнне кунакка Кырым ярымутравыннан килгән вәкилләр дә килгән иде. Укучыларда һәм хезмәткәрләрдә музей, Сәгъди  абзый йорты турында уңай тәэсирләр калды.

    9 класс укучылары мәҗбүри һәм сайлау фәннәреннән булган имтиханнарны тапшырып бетерделәр. Бүген алар мәктәп яны тәҗрибэ участогында эшләргә килделәр.Кишер, суган түтәлләре, кәбестә аралары чиста булып калды.

  Бүген 9 клсс укучылары физика, биология фәннәреннән дәүләт имтиханнарын тапшыралар. 15 июнь - соңгы имтихан көне. Укучыларга уңышлар телик!

   Тәҗрибә участогында кызу эшкайный.Томат, кыяр, кабак кебек җылы яратучы культураларның үсентеләрен күчереп утырту буенча эш оештырылды.

   4-5 июнь - язгы Сабантуй бәйрәме белән истәлекле булып калыр. Бу көнне  олысы-кечесе бәйрәмгә агыла.. Ташкичү мәктәбе балалары да бу бәйрәмне көтеп алалар. Алар җырладылар да, биеделәр дә, матур шигырьләр дә сөйләделәр. Тагын шунысы куанычлы булды: аларның чыгышларын җырчы Нурзадә апалары да карады, бәя бирде.

Бүген мәктәптә "Куркынычсыз җәй" акциясе кысаларында, СМС дети проекты балалары укучыларга җәйге каникул чорында үз-үзеңне тоту, куркынычсызлык кагыйдәләре, буш вакытны үткәрү турында әңгәмә үткәрделәр. Тәмәке тартуга каршы көрәш чарасы буларак, блиц-интервьюлар алдылар.

    Башлангыч класс укучылары җәйге табигатькә экскурсия ясадылар. Чәчәкләр тормышы, туфрак, һава торышы, су турында өйрәнгән материалларны ныгыттылар. Спорт ярышлары, балык тоту - барысы да укучыларга ошады. Җәйләр ямьле булсын!

    Кичә Арча шәһәренең Җиңү паркында зур тантана булды. Бөек Җиңүнең 71 еллыгын каршылаганда төзекләндерү эшләре буенча аерылып торган оешмаларны һәм аларның җитәкчеләрен котлау оештырылды. Җиңүчеләрне үзешчән артистлар котлады.

    Бүген 9 класс укучылары өчен дәүләт имтиханнары башланды. Сайлап алынган җәмгыять белеме, информатика һәм ИКТ, химия фәннәре буенча укучылар үзләренең белемнәрен сынадылар. Уңышлы булсын!