Бүген Шушмабаш урта мәктәбендә 5-8 класс укучыларының Яңа ел елкасы булып узды.Барлык классларда үзләренең һөнәрләрен бик оста итеп күрсәттеләр,чыршы тирәли җырлар җырладылар,кунакка урманнан төрле җәнлекләр дә килгән иде.Барлык укучыларны,укытучыларны якынлашып килүче Яңа ел белән.

Кичә мәктәбебезнең башлангыч класс укучылары өчен Яңа елга багышланган бәйрәм-тамаша үткәрелде.Бәйрәмнең  беренче өлешендә укучылар "Золушка" әкиятен тәкъдим иттеләр . (Җитәкчесе Вильданова Г.Ш.). 2 нче өлештә театральләштерелгән тамашада укучылар Кыш бабайга үз һөнәрләрен күрсәттеләр, Кыш бабай һәм Кар кызыннан матур бүләкләр алдылар.Бәйрәм кызыклы һәм мавыктыргыч узды.

15.12.14.- 22.12.14. атна дәвамында 9 -11 класс укучылары  төп фәннәрдән һәм сайлау фәннәреннән пробный БДИ һәм ОГЭлар эшләделәр. Эшләр тикшерелде, анализлау, укучыларны таныштыру бара. Укытучылар да, укучылар да нәтиҗәләр буенча үз эшчәнлекләрен планлаштыра. Тырышлык, сабырлык, зур ихтыяр көче телибез.

Мәктәбебезне генә түгел, бөтен тирә - юньне бәйрәм рухына күмүче, һәркемне елмаерга, сокланырга мәҗбүр итүче, беркайгысыз балачакка дәшүче "Кар сыннары" шәһәрчеге барлыкка килде. Күңелләрне чисталыкка, матурлыкка өндәүче әлеге күркәм иҗади хезмәт нигезендә укучыларыбыз һәм укытучыларыбыз,техник хезмәткәрләребезнең бердәм эше ята. Һәркем өчен күңелле, никадәрле  саф хисләр өләшә алуыбызга без бик шат.

 Сез фото сүрәттә традиция буенча ясала торган  11 класс укучыларының  "Кыш бабай"  композициясен күрәсез. Әлеге класс елдагыча матур эше белән безне тагын бер тапкыр куандырды. 

Олимпиада һәм спорттагы уңышлары өчен мәктәбебез укучылары: 11 класс укучысы - Хасанова Гөлназ, 10 класс укучысы - Каюмов Айрат, 8 класс - укучысы Каримов Камил - 21.12.14. көнне Республикабызда үткән Президент ёлкасында катнашып, ял итеп, яңа ел күчтәнәчләре белән  кайттылар. Уңышларыгыз тагын да үзегезне дә, мәктәбебезне дә бизәсен.

Шушы көннәрдә күпләребезнең яраткан укытучысы, ә бүген исә остаз- коллегабыз Фирая Салиховна үзенең бик тә мәгънәле, күркәм, үрнәк үткән тормыш юлына "ике бишле" алды. Тәнегездә сәламәтлек, күңелегездә көрлек, иңнәрегездә тигезлек, йортыгызда рәхәтлек һәрвакыт булсын - дигән иң изге теләктә генә калабыз .Сезнең белем һәм тәҗрибә, киңәшләрегез безгә һәрвакыт терәк. Сез - коллективыбызга әле безнең бик кирәк ! Бергәләшеп, шау-гөр килеп эшләргә язсын.

 Хөрмәтле Фирая  Салиховна!

Таң җилләре искән минутларда,
Көн туганда якты нур булып,
Йөрәгебезнең җылы рәхмәтләре
Барып җитсен Сезгә гөл булып.

Матур тормыш, сәламәтлек теләп,
Туган көнең белән котлыйбыз.
Шатлык белән озын гомер үтеп,
Яшәвегезне генә телибез.

Гомер үтә диеп, моңсуланма,
Өмет гөлкәйләре сүнмәсен.
Алтын төсендәге якты көннәр
Барыр юлларыңны бизәсен.

Күңел түрендә һичкайчан
Өмет кояшы сүнмәсен.
Бәхетле язмыш йолдызы
Гомер күгегездән китмәсен.

Казанда УНИКС концертлар залында үткәрелгән "Спортивные Надежды Татарстана" дип исемләнгән зур матур бәйрәмгә безнең мәктәпнең  7- класс укучылары -  Каримов Алимас һәм Хадиев Ильгиз чакырылды. Алар - "Золотая шайба" клубы призына Республика турнирында катнашып чемпион калган Арча районы командасы уенчылары. (2001-2002 елгы яшьләр арасында)  Әлеге чарада Республикабызга  спорт өлкәсендәге уңышларны алып кайтучылар хөрмәтләнде һәм  бүләкләнде. Безнең укучыларыбыз да  яңа ел бүләкләре белән кайттылар.Уңышлар Сезгә укучыларыбыз!

Бүген 8нче сыйныфта "Терроризм җәмгыятькә яный" дип аталган тәрбия сәгате булып үтте. Укучылар террорчыларның гади кешеләрдән ни белән аерылуын, террористлык акты вакытында үз-үзеңне ничек тотарга икәнлеге турында видеоматериал карадылар. Ислам дине террорчыларга карата нинди карашта икәнлеге турында әңгәмә кордылар.