6 февраль көнне районда "Созвездие-Йолдызлык-2015" республика конкурсының муниципаль этабы булып үтте Конкурста безнең мәктәпнең 3 класс укучысы Елисеева  Камилә һәм 6 класс укучысы  Ахмадуллина Лилия "конферансье" номинациясендә җиңеп чыгып зона ярышларына бару хокукына ия булды. Ә  Шекә мәктәбеннән Низамов Раил гала-концертта катнашу өчен юллама алды. Мәктәбебезнең талантлы йолдызларына иҗади уңышлар телибез!

6 февраль көнне  "Во имя мира на земле" дип исемлән Республика шигырь укучылар конкурсының муниципаль этабы узды. 3 класс укучысы Фаттахова Айгөл III урынга лаек булды. Афәрин, Айгөл!

Сталинград өчен сугышта немец-фашист гаскәрләрен тар-мар итү уңаеннан "Сталинград" исемле нәфис фильм карадык

Бүген мәктәпкүләм чаңгы ярышы булып узды. 1-11 класс укучылары һәм укытучылар, барысы да, чаңгы трассасында рәхәтләнеп чаңгы шудылар.Сәламәтлекне ныгытуның иң шәп чарасы шул ул , чаңгы шуу!

Бүгеннән мәктәпнең актлар залы кинозал буларак эшли башлады. Бөек Җиңүнең 70 еллыгы уңаеннан һәм хәрби-патриотик айлык кысаларында биредә 7.30 да "Сталинград" кинофильмы күрсәтелә башлады. Барыгызны да мәктәп кинозалына чакырабыз!

3 сыйныф укучыларының мәкаләләре "Көмеш кыңгырау" битләрендә даими бастырыла. 24 гыйнвар санында Сөнгатуллина Гөлинәнең язмасы белән таныша аласыз.

Бүген иртәнге линейкада күңелле вакыйга  -җиңүчеләрне бүләкләү тантанасы булды. Районда узган ату ярышларында безнең мәктәп команадасы 1 урын алып кайтты.11 класс  укучылары Исхаков Рәзил, Бариев Илназ, Рахматуллина Алсу, Халиуллина Энҗегә, укытучылары Шаймарданов Әнис Равилевичка мәктәп коллективы исеменнән зур рәхмәт!

Бүген мәктәбебездә студентлар белән очрашу булды. Мәктәпне бетереп төрле уку йортларында укучы студентлар яратып, сагынып һәм бик күп итеп килделәр бу көнне очрашуга. Бәйрәмгә мәктәбебезне  төрле елларда тәмамлаган, бүгенге көндә үз юлын тапкан, үз карьерасын булдырган дәрәҗәле шәхесләр дә килде. Укучыларыбыз   , студентлар белән  үзенең төпле киңәшләре, акыллы фикерләре, алдынгы идеяләре белән уртаклашучы  Арча ЗУЭС начальнигы Гомәров Рөстәм Кәлимулловичка олы рәхмәтебезне белдерәбез!

Атна дәвамында мәктәптә төрле күргәзмәләр оештырылды. Якташ язучыларыбыз Г.Ахунов һәм М.Мәһдиевнең тормыш юлы, иҗатын яктырткан күргәзмәдән укучылар үзләре өчен бик күп яңа мәгълүмат алдылар. Шулай ук, "Әкиятне үзебез язабыз" исеме астында,5 нче сыйныф укучылары иҗат иткән әкиятләр балаларда зур кызыксыну тудырды.Афәрин, бишләр!

Бүген 8нче сыйныфта "Мин - гаилә коручы" әңгәмәләр циклы кысаларында "Ныклы гаилә- ныклы дәүләт нигезе" дип исемләнгән тәрбия сәгате үтте. Укучылар "Нинди була ул гаилә?"," Гаиләдә иң мөһиме нәрсә?" дигән сорауларга җавап эзләделәр, бөек татар мәгърифәтчесе Р. Фәхретдиннең "Балаларга үгет-нәсыйхәт" китабыннан ата-ана хакы турындагы хемәтләренең кайберләре белән, Ф.Яруллинның шигырьләре белән таныштылар.