Бүген,13 февраль Совет гаскәрләрен Әфганстан җиреннән чыгару көне уңаеннан тәрбия сәгатьләрендә документаль фильм каралды.Укучылар фильмны игътибар белән тында алмый карадылар.Укучыларга фильм бик ошады.

"Ул көннәрнең даны мәңгелек" исеме астында китапханәчебез Ләлә Фоатовна һәрдаим китап күргәзмәсе оештырып тора.

Бүген Арчаның сәнгать мәктәбендә "Класс җитәкчесе-2015" республика конкурсының муниципаль этабы булды. Конкурста безнең мәктәптән Хадиева Рузилә Рафиковна катнашты. Рузилә Рафиковна 3 урынга лаек дип табылды. Эзләнүчән, эшлекле класс җитәкчебезне уңышы белән котлыйбыз!!!

Кичә мәктәбебезнең 8 класс укучылары Мухаметзянова Эльвина, Хакимова Рузилә, Гарафетдинов Рүзәл ТНВ да кунакта булдылар. Укытучы Сөнгатуллин Рәис Тәбрисович җитәкчелегендә укучыларыбыз "Тамчы-шоу" интеллектуаль конкурсында Саба командасы белән көч сынаштылар. 1 турда география фәне буенча көч сынашсалар, 2 нче турда рәссам, аларның картиналарын тану буенча ярыштылар. Татар теле фәне буенча да белемнәр тикшерелде, сүзләрне дөрес язу, озын сүздән яңа сүзләр төзү буенча биремнәр үтәлде. Капитаннар ярышында команда капитаны Рүзәл оста җавап бирде. Нәтиҗәдә, 2 команданың да көчләре тигез икәнлеге күренде. Укучыларны уңышлары белән чын күңелдән котлыйбыз!!!

Мәктәптә Бөек Җиңүнең 70 еллыгына багышланган класс сәгатьләре циклы эшли. Һәр тәрбия сәгатенең 10 минутын класс җитәкчеләре әлеге темага багышлый. Бабаларыбызның батырлыгы, тылда хезмәт итүче олы җанлы кешеләр язмышы безне битараф калдырмый.Беркем дә, берни дә онытылмый!

Бүген 10 февраль көнне  чаңгы ярышларында актив катнашкан укучылар "Арча" боз сараена кунакка бардылар. Боз сараенда укучылар бик теләп тимераякта шудылар һәм бик ошатып кайттылар.Җибәргән җитәкчеләребезгә бик зур рәхмәт.

Февраль 2015 - военно-патриотический месячник