Ученик 8 класса выступил в региональном этапе Всероссийской олимпиады по информатике в г. Казани. Набрал достойные баллы для своего уровня.

Безнең укучыларыбыз суык дип тормыйлар чаңгыда бик теләп шуалар.Физкультура дәресләре саф һавада чаңгы-чана шуып үтә.

28 январь көнне 10 нчы сыйныф укучылары Сабитова Әлфия һәм Зөлфия "Ялкын" редакциясендә очрашуда булып кайттылар.

Дүшәмбе көнне мәктәбебездә педагогик киңәшмә уздырылды.Киңәшмәдә   1 яртыеллыкта уку-укыту нәтиҗәләре, дәүләт имтиханнарына әзерлек буенча укыту-тәрбия эшләре буенча директор урынбасары Фатхрахманова Л.Ш., класс җитәкчеләре чыгышы булды. Җиңүнең 70 еллыгы уңаеннан "Хәтер" электрон китабының презентациясе белән укытучы Нуриева Р.Р. таныштырды.Өченче өлештә укытучылар "Укытучыларның эмоциональ киеренкелек һәм стресслардан саклану үзенчәлекләре" дип исемләнгән тренингта катнаштылар. Киңәшмә эшлекле атмосферада узды һәм файдалы мәгълүматларга бай булды.

Бүген мәктәбебезнең 10 класс укучылары класс җитәкчеләре Нуриева Р.Р. җитәкчелегендә "Шушмабаш авылының электрон хәтер китабын төзү" социаль проекты кысаларында хәрби комиссариатның архивында документларны өйрәнделәр, батыр авылдашларыбыз турында мәгълүмат тупладылар.

Шушмабаш мәктәбенең театр түгәрәгенә йөрүче укучылары җитәкчеләре Вильданова Гөлфия Шамилевна җитәкчелегендә Кенәр мәктәбендә кунакта булдылар. Алар  укучыларга үзләренең иҗат җимешен -  "Золушка-Зөхрә кыз" театральләштерелгән музыкаль тамашасын тәкъдим итте.Кечкенә артистларның чыгышын Кенәр мәктәбе укучылары бик ошатты, аларны алкышларга күмде.

 Атналык  кысаларында , татар теле һәм әдәбияты укытучысы , Сабитова Т.Ә. 5 нче сыйныфларда, Ә.Еникинең "Бала " хикәясе буенча ачык дәрес күрсәтте. Укучылар сугыш афәте китергән авырлыклар, бу кайгыларның , хәтта, балаларны да аямавы турында белделәр.   Дәрес  бик эчтәлекле   һәм җанлы  үтте.

Бүген, мәктәбебездә, 5-7 нче сыйныфлар арасында "Дөрес язу" бәйгесе үткәрелде. Һәр сыйныфтан өчәр укучы матур, дөрес язу буенча көч сыныштылар. Бәйге булгач , анда җиңүчеләр дә булырга тиеш. Менә алар:

Кәримова Алинә- I урын

Вәлиева Зилә-  II урын

                                                     Шаймуллина Илүзә-III урын. Афәрин, кызлар!

Татар теле атналыгы кысаларында, 5-6 нчы сыйныфлар арасында "Йөгерек уку" бәйгесе оештырылды. Укучылар  чарада  бик теләп катнаштылар. Дөрес, сәнгатьле, аңлап йөгерек  укуларын күрсәттеләр. Бәйгедә җиңүчеләр:

                               Кәримова Алинә- Iурын

                               Нигмәтҗанова Наилә- II урын

                                                                  Мортазина Гүзәл - III  урынга ия булдылар. Афәрин кызлар.