Бүген мәктәбебездә биатлон ярышы узды. Бу ярышта башлангыч укучылары бик актив булды. Барлык укучыларда бик теләп катнаштылар һәм уңай нәтиҗәләр күрсәттеләр.

Тимурчылар – дөньяны яхшы якка үзгәртергә омтылучылар, яхшылык эшләргә тырышучылар. Алар аңлы, ирекле рәвештә һәм файда күрү максатын куймыча, башкаларга булыша.Бик көчле бураннардан соң олы кешеләргә генә түгел, сау-сәламәт кешеләргә дә йөрү кыенлашты. Юлларны кар көртләре басты.Безнең мәктәпнең актив тимурчы отрядлары бураннар басылгач ярдәмгә мохтаҗ ,ялгыз әби-бабайларга,тыл ветераннарына ярдәмгә ашыктылар.Ишек алларын,капка төпләрен карлардан чистарттылар. 

Бүген Арчада мәктәпләр арасында "Аҗаган" уены булды. Анда районыбызның урта мәктәпләре көч сынашты.Бу уенда безнең укучыларыбызда катнашты һәм лаеклы 2 урынны яуладылар (җитәкчеләре Гараев Р.К.). Укучыларны һәм укытучыларын шушы җиңүләре белән котлыйбыз.

Бүген 10 класс командасы һәм мәктәпнең җыелма командалары арасында дусларча хоккей ярышында көч сынаштылар. Бу ярышта 10 класс командасы җиңү яулады. Афәрин егетләр!

Бүген башлангыч класслар арасында ( 2 класс һәм 3,4 класс җыелма команда) хоккей ярышы булып узды.Кискен ярыштан соң 2 класс командасы җиңү яулады.аларны шушы җиңүләре белән котлыйбыз.

Бүген районыбызда "Чаңгы юлы 2018" үтте. Бу чарада безнең мәктәпттә читтә калмады.Укучылар һәм укытучыларда бу бәйрәмдә бик теләп катнаштылар.Һәр катнашучы тиешле араны шуып үтте.Бәйрәм барышында кайнар чәй һәм коймак белән сыйладылар.

Бүген башлангыч класс егетләре арасында шорт-трек ярышы булып узды. Укучылар бу ярыштан бик канәгать калдылар.

Башлангыч класс кызлары арасында бүген шорт-трек ярышы булып узды. Шушы ярышта узенең җиңүчеләре дә ачыкланды. Аларны шушы кечкенә генә җиңүләре белән котлыйбыз һәм зур ярышларда уңышлар теләп калабыз.

   2 февраль көнне Шушмабаш урта мәктәбендә студентлар белән очрашу булды. Яраткан мәктәбен сагынып, укытучылары белән очрашу, дуслары белән аралашу мөмкинлеген күпчелек студентлар рәхәтләнеп кулланды бу көнне. Укучылар белән берлектә командада эшләү серләре, лидерлык сыйфатлары тәрбияләү,   командада һәркемнең урынын билгеләү  һ.б. алымнардан торган тренинг мавыктыргыч һәм файдалы булды. Ә  ахырдан уздырылган квест һәркемнең күңеленә хуш килде.Киләсе елда да сезне көтеп калабыз!

2 февраль Сталинград шәһәрен азат итүгә 75 ел уңаеннан мәктәбебездә балалар өчен төрле патриотик фильмнар күрсәтелде.