Мәктәбебездә  11 октябрьдә  булачак  ярминкәгә   әзерләндек.  Кабактан  һәм  көзге  уңыштан   ясалган    Сөмбелә  һәм  кәрҗин  искиткеч  матур  чыкты.  

Хөрмәтле   укытучылар!   Сезне   һөнәри  бәйрәмегез  белән  котлыйбыз!  Тормышыгыз   ямьле,   күңелегез  тыныч   булсын,  бәхет-шатлыклар,  саулык-сәламәтлек,  хезмәтегездә   уңышлар телибез!   

Мәктәбебезнең  тәҗрибә  участогыннан   ел   да  мул  уңыш  җыеп  алына.  Быел  да  2-4  класс  укучылары   укытучылар  белән  берлектә  кишер,   чөгендер  уңышы  җыярга  чыктылар,    эш   тәмамлангач,    тәмле  кишер  белән  сыйландылар.   Җәй  буена  барган   тырыш  хезмәтнең   яхшы  нәтиҗәсен  күрү   барыбызны  да  куандырды.  

21  сентябрь  көнне   укытучылар   һәм  3-4  класс   укучылары Арчада  узган   "Кросс  Татарстана - 2014"  ярышында  катнаштылар.  Ярышта   яхшы  нәтиҗәләр  күрсәткән    Хәбибуллина   Гөлия,  Әхмәдиев  Рамил,   Хәкимова  Алия,   Әсхәдуллин  Ниязга  зур  рәхмәтебезне   җиткерәбез.   Киләчәктә  дә  спорт  белән  дус  булып  калуларын,   уңышларга  ирешүләрен  телибез!   

Мәктәбебездә  "Минем  яраткан  укытучым!"  III  Республикакүләм   рәсемнәр  конкурсы  бара.  Укучыларыбызга  уңышлар  телибез!  

5  сентябрь  көнне   участок   инспекторы   Хисамиев  Ленар  Альтафович   1  класс  укучыларына   куркынычсызлык  беләзекләре,   яшь   җәяүле  дәфтәре,  блокнотлар   тапшырды.  Бүләкләрне  тапшырганчы,   инспектор   балаларга  юлда  йөрү  кагыйдәләрен,   беләзекләрне  тагу  тәртибен  аңлатты.    

      Бу  уку  елы   безнең  мәктәп  укучылары  һәм  укытучылар  коллективы   өчен   бик  күңелле  башланып  китте.  Чөнки  мәктәбебезгә  10 яшь  тулды!  Шушы  нәни  юбилее  уңаеннан  1 сентябрь  -  Белем  көнендә  "Туган  көнең  белән,  мәктәбем!"   тантанасы   оештырылды.   Тантанада   укучыларыбыз,  килгән  кунаклар    мәктәпне  котлады,   туган  көн  тортыннан  авыз   итте,  әти-әниләр  1  класска  керүче  балаларга  ихлас  теләкләрен  җиткерде.  

10   яшен  каршылый  мәктәп

Күмелеп  гөл-чәчәккә!

Балаларның  шат  авазы

Тынмасын  киләчәктә!

Укучыларыбыз    укытучылар  җитәкчелегендә   26  май  көнне   Хәтнә   авылына  барып,  "Хотнинская  вода"    заводында  булып   кайтканнар  иде.   30  май  көнен  дә  алар    зарыгып  көтеп  алды.  Чөнки  һәр  елдагыча   табигать  кочагына  чыгып,  тәмле  уха  пешерү,  уеннар  уйнау    быел  да  оештырылды.  Авылыбызның    иркен  болынында,  чишмә  буенда  узган  бу  көн  бик  күңелле  булды!

29 май  көнне  мәктәп-бакчабызда  ярминкә  һәм  сабан  туе  гөрләп  узды.  Ярминкәдә   теләгән  һәркем  үз  товарын  сатты   һәм  сатып  алды.  Әти-әниләргә   ярминкә  бигрәк  тә  нык  ошады.  Сабан  туенда  исә  нинди  генә  күңелле  уеннар  уйналмады.  Уку  елының  соңгы  көннәре  һәр  баланың   хәтерендә  уелып  калырлык  булды!  

30 апрель  көнне  мәктәптә  Варислар  сафына  кабул  итү  җыены  булып  узды.   Анда   4  класс  укучылары  Татарстан  Варислары  Берлегенә  кабул  ителделәр.  Аларны  шушы  балалар  оешмасына  кабул  итүләре белән  тәбрик  итәбез!  Укуларында  зур  уңышлар,  сәламәтлек,  бәхетле  балачак,  күңелле  мизгелләр  телибез!