Бүген мәктәптә педсовет утырышы булды. Укыту һәм тәрбия эшләре буенча директор урынбасары беренче чиреккә йомгак ясады. Директор ашханәдә укучыларның туклану режимы турында сөйләде. Вирус вакытында саклык чараларына кисәтү ясалды.

1992 елның 6 ноябрендә Татарстан Республикасының Конституциясе кабул ителде. Әлеге тарихи вакыйга республикабыз өчен сәяси, икътисадый һәм хокукый өлкәдә яңа мөмкинлекләргә юл ачты. Бүген дә күпмилләтле Татарстан республикабызның төп законы булган Конституциягә таянып гомер итә.
Татарстаныбыз Россия составындагы иң алдынгы республикаларның берсе. Безнең Россия һәм дөнья күләмендә горурланырлык уңышларыбыз, ирешелгән югары күрсәткечләребез, талантлы шәхесләребез, үзенчәлекле толерант йөзебез бар. Татарстаныбыз бөтен Җир шарына сибелеп яшәүче милләттәшләребезнең дә рухи һәм мәдәни ватаны булып тора. Бүгенге сыйныф сәгатебез шушы вакыйгага багышланды.

Бүген Арчаның 6 нчы мәктәбендә III Халыкара Җәлил укулары әдәби бәйгесенең район туры узды. Безнең мәктәптән Сабиров Филүс һәм Минһаҗева Зәлинә чыгыш ясады. Укучыларга киләчәктә дә уңышлар телибез

Бүген мәктәбебездә "Сәламәтлек көне" нә багышлап төрле чаралар билгеләп үтелде.Укучылар тәрбия сәгатьләрендә презентация карап, сәламәтлекне саклауның төрле юлларын ачыклап үттеләр. Саф һавада физик күнегүләр ясадылар.

Финанс яктан грамотасызлык белән россиялеләр көн саен диярлек очрашып тора. Көндәлек тормышта финанс грамоталылыкка игътибар итү бүгенге көндә иң кирәкле сыйфатларның берсе. 2015 нче елдан РФ Үзәк банкы Мәгариф министрлыгы белән берлектә мәктәп укучылары өчен “Онлайн-уроки финансовой грамотности” проектын тормышка ашыра. Бүген без өлкән сыйныф укучылар белән "С деньгами на "Ты" или Зачем быть финансово грамотным?" онлайн-дәрес карадык.

Көз уртасы якынлаша. Укучыларыбыз белән көзге яфраклардан, чыршы күркәләреннән матур эшләнмәләр ясауны төгәлләдек. Әлеге эштә һәр укучы теләп катнашты. Берсеннән-берсе матур эшләнмәләргә карап кына торасы килә. Афәрин, укучылар!

Халыкара мәктәп китапханәләре көнен 26 октябрьдә билгеләп үтү кабул ителде. Бу көн 1999 елдан башлап 20 ел дәвамында билгеләп үтелә. Китапханәнең һәр кешенең тормышында әһәмияте турында беренче сыйныф укучысы да сөйли ала. Чөнки анда саклана торган белемнәр бер нәрсә белән дә чагыштырырлык түгел. Аңа нәрсә кирәк, һәркем китапханәдән таба ала. Әмма интернет үсеше белән бәйле рәвештә, китапханәләр акрынлап үзенең бөеклеген югалта. Шуңа күрә мәктәпләрдә китапларга карата мәхәббәт тәрбияләү укытучылардан тора. Укучыларыбыз китапханәгә бик теләп йөри. Китапларны кадерләп сакларга кирәклеген дә беләләр.

Агымдагы елның 19 ыннан 30 нчы октябренә кадәр Бөтенроссия акциясенең икенче этабы бара, “Сообщи, где торгуют смертью”. Акциянең максаты – наркотик матдәләрне явыз ният белән куллануга каршы көрәш, сәламәт яшәү рәвеше нигезләре турында халык арасында аңлату эшләре алып бару. Наркомания профилактикасы бик мөһим, чөнки бу кеше өчен генә түгел, җәмгыять өчен дә куркыныч авыру. Шушы турыда укучылар белән әңгәмә үткәрелде.

Табигатьтә алтын көз.Укучыларыбыз көзге яфраклардан,чыршы күркәләреннән искиткеч матур эшләнмәләр ясап алып килделәр. Иң матур эш беренче сыйныф укучысыныкы булды. Киләчәктә дә укучыларыбыз матур, кызыклы эшләр алып килүләрен көтеп калабыз.

Бүген укучыларыбыз белән, Бөтенроссия энергия саклау фестивале кысаларында, “Экология һәм энергия саклау” Бөтенроссия дәресендә катнаштык.
Әйләнә-тирәгә карата ничек сакчыл булырга? Бер карасаң, агач утыртырга, шимбә өмәләрендә катнашырга мөмкин. Тик шул ук вакытта, син көндәлек тормыштагы әйберләрне дә сакчыл рәвештә куллана аласың. Бу да экологияне саклап калуга зур бер адым булачак. Көндәлек тормыштагы әйберләрне аңлап җиткереп кулланырга кирәк. Ягъни әрәм итмичә, сакчыл рәвештә файдалану дигән сүз. Электр утын кулланганда, ничек экология турында кайгыртырга соң? Без шул хакта сөйләштек, фикер алыштык.