Кичә Татарстан Республикасы Арча муниципаль районы мәгариф хезмәткәрләренең август киңәшмәсе узды. Укытучыларның гамәли киңәшмәләре август уртасыннан ук башланды. Ә монысы йомгаклау конференциясе. Пленар утырышта Татарстан Республикасы премьер министры урынбасары, мәгариф һәм фән министры Энгель Нәвапович Фаттахов та катнашты. Ул Арча муниципаль районының кайбер мәктәпләрендә булды, яңа төзелеп килүче Арча 6нчы номерлы мәктәбендә эш торышы белән танышты.  Пленар утырыштан соң капиталь ремонт узган Сеҗе урта мәктәбен ачуда катнашты...

    Август киңәшмәсе узган, район мәдәният йорты урнашкан Арчаның үзәк мәйданы иртәдән бәйрәм чаралырыннан гөрләп торды. Кунакларны район мәктәпләре ярминкәсе, чәчәк композицияләре күргәзмәсе, район укучыларының чыгышлары, җыр-биюләр, район мәктәпләре эшчәнлекләрен яктырткан шәхсән күргәзмәләр каршы алды.

    Пленар утырышны Арча муниципаль районы башлыгы Нуриев Ильшат Габделфәрт  улы ачып җибәрде һәм алып барды.

    "Район мәгариф системасының белем бирү, тәрбия һәм этномәдәни потенциялы" доклады белән Арча муниципаль районы башкарма комитеты мәгариф идарәсе җитәкчесе Ибраһимов Алмаз Ринат улы эшчәнлеккә нәтиҗә ясап алга бурычлар билгеләде. Шушы ук юнәлештә район башлыгы Ильшат Габделфәртович та уңай якларны да, кимчелекләрне дә ачып нәтиҗәләр ясады һәм күрсәтмәләр бирде...

    Әлеге вакытта гомум коллектив көче белән мәктәпне яңа уку елына әзерләү эшләре гөрли. Тирә-як тәртипкә китерелә, мәктәп эчендә чистарту-агарту эшләре, косметик ремонт алып барабыз...

    Агымдагы елда Республикакүләм "Өлкән укытучы" гранты җиңүчеләре өчен кабат белем күтәрү семинары оештырылды. Мәктәбебезнең тарих һәм җәмгыять белеме укытучысы И.Әюпов "Интерактив технологияләрне укыту өлкәсенә кертү" темасы буенча укуларда булды. Июнь аенда да алар Грант юнәлеше буенча үз белемнәрен күтәрү курсларында булып кайттылар... 

    Агымдагы ике көн эчендә авылыбызга Арча районы Яңа Кырлай мәктәбе базасында оештырылган  "Тукай оныклары" ял лагерына җыелган укучылар килде. Республиканың гына түгел, Рәсәйнең төрле төбәкләреннән җыелган 300 укучы ике көндә яртылаш бүленеп Кушлавычта да кунак булдып киттеләр. 150шәр укучыны 6 төркемгә бүлеп, төрле нокталарда ял иттердек. Һәр төркем Кушлавычтагы Тукаевларның музей-йортында, Кушлавыч мәктәбе базасында "Тукайның тормыш юлы" (Утар-Аты мәктәбе), "Тукай-табышмакларда" (Түбән Аты мәктәбе), "Тукай иҗаты" (Наласа мәктәбе) интеллектуаль тукталышларында һәм рәхәтләнеп, шаулап ял иткән "Без җитез дә, без өлгер" мәдәни-спорт чарасында (Кушлавыч мәктәбе) актив катнашты...

    Быелгы чыгарылыш сыйныф укучыларыбыз барысы да имтиханнарын уңышлы тапшырып кулларына өлгергәнлек аттестаты алдылар. Алдагы хәбәрләребездә әйткәнчә агымдагы елны һәр укучыбыз дүрт фәннән имтихан тотты: рус теле һәм математика фәннәре мәҗбүри, сайлап алу фәннәре физика (2 укучы), информатика (3 укучы) һәм география фәннәре булды. Апрель азагында ук алар татар теленнән Бердәм Республика тестын уңышлы үткәннәр иде инде. Аттестат тапшыру чарасын әзерләүдә чыгарылышларыбыз һәм сыйныф җитәкчеләре зур хезмәт куйган, ата-аналарның да өлеше бик зур. Көтеп алынган мероприятие бик матур килеп чыкты. Укучыларыбызга хәзер уңышлар теләп калабыз...

    Җәйге яллар чорына туры китереп һәм "Рәсәй көне" уңаеннан үзебезгә бүләк ясадык. Барлык укучыларыбыз, мәктәп коллективы, дусларыбызны да дәшеп Болгар шәһәренә сәяхәт кылдык. Юл ерак кебек тоелса да югары комфортлы автобуста баргач арытмады. Әлеге автобусны Арча шәһәре "Боз сарае"ннан арендаладык, әлеге мөмкинлекне тудырган өчен аларның җитәкчелегенә дә зур рәхмәтлебез! Көне дә матур булды, иртәнге 6.00. бик илтифатлы йөртүчебез Илгиз абый автобуны ерак юлга кузгалтты. Матур музыка тыңлап, көн эсселәнүгә салкынча һава өреп баручы юл корабында бару бик уңайлы булды, дүрт сәгать тирәсе вакыт сизелми дә үтеп киткән...     Безне хозур Болгар шәһәре каршы ала. Ул дөрестән дә бик нык яңарган, матурайган!..

    9нчы, чыгарылыш сыйныф укучыларыбыз бүген ахыргы имтиханнарын тапшырып кайттылар. Агымдагы елны һәр укучыбыз дүрт фәннән имтихан тотты: рус теле һәм математика фәннәре мәҗбүри, сайлап алу фәннәре физика (2 укучы), информатика (3 укучы) һәм география фәннәре булды. Апрель азагында ук алар татар теленнән Бердәм Республика тестын уңышлы үткәннәр иде инде. Хәзер менә барлык имтиханнарны тапшырдылар һәм тын да алмыйча эшләр тикшерелеп билгеләр куелганны көтәбез. Яхшы билгеләр алып, мәктәпне уңышлы тәмамлавыгызны телибез кадерле чыгарылышларыбыз!..

    Әйләнә-тирә мохитне саклау, экология торышын яхшырту һәркайсыбызның көндәлек тормышта үз-үзен тотышына бәйләнгән. Җәй – урманнарда, елга һәм күлләр тирәсендә күңел ачу чоры. Яраткан урыннарыбызга килгәч, безнең күпләребез еш кына күңелсез күренешләргә тап була: ваемсыз кешеләр ташлап калдырган буш шешәләр, банкалар, пакетлар һәм башка төрле чүп-чар аунап ята. Безгә, өлкәннәргә, балаларга чүпне космостан килүчеләр түгел, ә безнең кебек үк өлкәннәр һәм балалар калдыруын аңлатырга кирәктер. Бүген без дә укучыларыбыз белән каникул әле дип тормыйча, берничә төркемгә бүленеп авыл тирәсен чүп-чардан арындырдык. Табигатьне чистарту укучыларыбызга бик ошый, алар бу эшнең үзебез өчен икәнен яхшы аңлыйлар. Мондый эшләр һәр кешенең күңелендә булып даими үткәрелеп торса, Җир-Анабыз бик рәхмәтле булыр иде!

    Җәйнең беренче көне – балачак иленең иң матур бәйрәме. Әлеге бәйрәм безгә, өлкәннәргә, һәр баланың яклауга, кайгыртуга мохтаҗ икәнен искәртеп тора. Чөнки үсеп килүче буын – ул безнең киләчәгебез, илебезнең киләчәге. Балаларыбызны мәрхәмәтле һәм кешелекле булырга өйрәтү – изге бурычыбыз. Балаларыбыз сау-сәламәт булсын, сыйфатлы белем алсын, спорт, иҗат белән шөгыльләнсен, рухи үсеш кичерсен өчен шартлар тудыру безнең төп максатыбыз...

    Әлеге матур бәйрәм көне уңаеннан Кушлавыч төп гомуми белем мәктәбе базасында төрле кызыклы чаралар оештырылды. Укучыларыбыз күп төрле спорт ярышлары, интеллектуаль бәйгеләрдә катнашып ял иттеләр, үз осталыкларын күрсәттеләр. Бәйрәм флешмоб-күмәк бию белән төгәлләнде...

    Каникуллар башланып китәргә дә санаулы көннәр калды. Әлбәттә инде ял күңелле, файдалы һәм әлбәттә куркынычсыз да булырга тиеш! Боларны истә тотып укучыларыбызны җәйге каникул чорында үз-үзеңне тоту кагыйдәләре белән таныштыру, инструктажлар үтү эшләре башланып китте. Иң беренче чаралардан "СМС-балалар" хәрәкәте яман гадәтләргә профилактика йөзеннән "Россия - без табака" дигән акция уздырдылар. Тәмәке, алкоголь бәйлелеге һәм башка начар гадәтләрнең зур зыяны турында әңгәмәләр, мультимедиа күрсәтмәләр укучыларыбыз күңелендә тиешле карашларны формалаштыруда үз ролен керткәндер дигән ышанычта калабыз...