"Соңгы кыңгырау"... Әлеге моңсу да, шатлыклы да мизгелләрне һәркем үз күңелендә саклыйдыр мөгаен. Кайчак бик ашкынып көткән кебек тоелса да, чыгарылыш вакыты җитүгә ничектер моңсу да булып китә, сыйныфташлар белән узган мизгелләр күз алдыннан үтә... Шулай да алда яңа үрләр, әле имтиханнарны да үтәсе бар. Үзенә күрә тормышның яңа баскычына күчеш старты булып яңгырый бит "Соңгы кыңгырау" чыңнары...

Баш очыннан ак болытлар ага
Ак болытлар – безнең балачак.
Балачакка кире кайтып булмый
Алар шулай ап-ак калачак
Ак болытлар безнең балачак...

   Узган шимбәдә мәктәбебез укучылары Арча муниципаль районы күләмендә үткәрелгән спорт чараларында катнаштылар. Татар-башкорт көрәше буенча ООО "Арча" җитәкчесе Закиров А.Г. призына ярышларда катнашып 6 нчы сыйныф укучыбыз Шерматов Рәйхан 32 кг.га кадәрге авырлыкта 3 нче урын яулап бәйгенең призына лаек булды. Аңа киләсе ярышларда да уңышлар телибез!..

    19 май пионер оешмасының туган көне. Ул СССРда 1922 нче елда оеша. Пионерлар хәрәкәте ил тарихында зур бер чорны биләп тора. Ләкин безнең илдә хәзер пионер оешмасы юк инде, ә күптән түгел генә ул бик популяр иде. Олылардан пионер оешмасы турында сорасаң, аларның йөзләре яктырып китә, күзләре нурлана. Алар үзләренең пионер бала чагы турында озак һәм бик күп сөйләргә әзер: пионер җырлары, үзләренең вожатыйлары һ.б. турында. Бу тема әле хәзер дә күпләрне кызыксындыра,чөнки сәясәтләндерелгән булса да, пионер оешмасы берничә буын үз иленең лаеклы гражданнарын тәрбияләде. Чынлыкта бу нәрсә булган? Ничек булган?..

    Кичә мәктәбебезгә Казан шәһәре "Халыклар дуслык йорты" хезмәткәре, җырчы һәм төрле уен-коралларында уйнаучы оста Солтан Шигапов килде. Ул укучыларга музыка һәм музыка уен кораллары турында сөйләде. Г.Тукайның иҗатын иске төшерде һәм татар халык көйләрен, Г.Тукайның шигырьләренә язылган җырларны башкарды, төрле халык бию элементларын да күрсәтте. Музыкант Солтан ага Шигапов белән укучылар да кушылып җырладылар, биеделәр...

    Кичә, 15нче май көнне Арча районы мәгариф хезмәткәрләре профсоюз оешмалары әгъзалары арасында җиңел атлетика буенча ярышлар булып узды. Һәр мәктәп, балалар бакчасы, өстәмә белем бирү учреждениеләре хезмәткәрләре төрле яшь төркемнәренә бүленеп, төрле дистанцияләргә йөгерү буенча үзләренең көчләрен сынадылар...

    Арча районы Үрнәк бистәсендә урнашкан "Арча аграр профессиональ көллияте"ндә ачык ишекләр көне булды. Көллият бу чарага бик ныклап әзерләнгән. Килгән кунакларга, көллият укучылары тарафыннан әзерләнгән, күргәзмә, укытучыларның нинди профессияләр алып булуы турындагы чыгышлары, көллият студентлары тарафыннан әзерләнгән концерт тәкъдим ителде...

    Arça rayonı Ürnäk bistäsendä urnaşqan "Arça ağrar professional’ kölliäte"ndä açıq işeklär köne buldı. Kölliät bu çarağa bik nıqlap äzerlängän. Kilgän qunaqlarğa, kölliät uquçıları tarafınnan äzerlängän, kürgäzmä, uqıtuçılarnıñ nindi professiälär alıp buluı turındağı çığışları, kölliät studentları tarafınnan äzerlängän konsert täqdim itelde.

    Бүген мәктәбебездә "Халыкара гаилә көне" уңаеннан бердәм сыйныф сәгатьләре узды. Әлеге дәресләрнең төп максаты укучыларда гаилә кыйммәте төшенчәсен формалаштыру; аларга әти-әни, әби-бабай хакын хаклау кирәклеген аңлату; балачактан үзеңне бәхетле гаилә төзергә әзерләргә кирәклеген төшендерү иде. Бүгенге чарада укучыларга үзләренең гаиләләре турында сөйләү, рәсемдә күрсәтү, гаилә темасына багышланган мәкальләр әйтү кебек биремнәр бирелде...

    Укучыларыбыз Кушлавыч авыл клубында уздырылган "Табигать ул тиңсез хәзинә" дип исемләнгән экологик кичәдә катнаштылар. Укучыларыбыз анда сәхнәләштерелгән композиция күрсәттеләр. Әлеге чара  елгалар, чишмәләребез, урманнарның чисталыгын саклау зарурлыгын ачып күрсәтүгә багышланган иде...

    Bügen uquçılarıbız Quşlawıç awıl klubında uzdırılğan "Tabiğät ul tiñsez xäzinä" dip isemlängän ekologik kiçädä qatnaştılar. Uquçılarıbız anda säxnäläşterelgän kompozitsiä kürsättelär. Älege çara  yılğalar, çişmälärebez, urmannarnıñ çistalığen saqlaw zarurlığın açıp kürsätügä bağışlanğan ide.

    Бүген мәктәбебездә Арча муниципаль районы башкарма комитеты аппаратының хокук бозуларны булдырмау бүлегенең әйдәп баручы белгече Нигъматуллин Нил Камбил улы, гаилә һәм балаларга социаль ярдәм күрсәтү бүлегеннән психологлар Шаесламова Миләүшә Фирдинант кызы Һәм Минзина Алисә укучылар белән "Бәлигъ булмаган балалар арасында хокук бозуларны булдырмау" дигән темага ачык әңгәмә үткәрделәр.

    Bügen mäktäbebezdä Arça munitsipal’ rayonı başkarma qömitetı apparatınıñ xoquq bozularnı buldırmaw bülegeneñ äydäp baruçı belgeçe Niğmatullin Nil Qämbil ulı, ğäilä häm balalarğa sotsial’ yärdäm kürsätü bülegennän psixologlar Şayıslamova Miläwşä Firdinant qızı Häm Minzina Alisä uquçılar belän "Bäliğ bulmağan balalar arasında xoquq bozularnı buldırmaw" digän temağa açıq äñgämä ütkärdelär.