Дәресләр тәмамлангач, башлангыч класс укучылары белән мәктәбебезнең иң матур урынына-китапхәнәгә бардык. Яңа китаплар, журналлар белән таныштык. Китапханә аеруча беренче класс укучыларына ошады. Биредәге китапларны алар рәхәтләнеп карадылар, өйләренә әти-әниләре белән укырга дип алып та кайтып киттеләр.

    13 нче сентябрь көнне мәктәбебездә китапханә, клуб һәм музей мөдирләре катнашында ”Без терроризмга каршы” дип исемләнгән әңгәмә үткәрелде. Балаларга экстремизм, терроризмның куркыныч булуы турында сөйләнелде, презентация күрсәтелде. Балалар куркыныч терроризм актлары турында белделәр, террористлар кулга алган вакытта саклану чараларын өйрәнделәр, шулай ук чит-ят кешеләр, шикле әйберләр янында үз - үзеңне тоту кагыйдәләре турында сөйләшү алып барылды. Укучыларны кызыксындырган сорауларга жаваплар бирде, һәм балаларга бер - береңне хөрмәт итеп яшәргә кирәклеге аңлатылды. 

    Грипп – куркыныч чир. Ул вирус аша йога. Вирусларны ныклап хәлсезлек тоелмаган, чирне җиңелчә үткәреп йөргән авырулар тарата. Грипп белән чирләүче әйләнә-тирәдәгеләрне сөйләшкәндә, йөткергәндә, төчкергәндә һавага төкерек, төчкерек тамчылары белән вирус таратып зарарлый. Вирус организмга эләккәч, агулы матдә (эндотоксин) бүленеп чыгып, вирусларның яртысы үлә. Шул вакытта алар кеше организмын да агуларга өлгерә.
    Гриппның тәүге билгеләре сизелү белән, баланы өйдә калдырырга һәм табиб чакырырга кирәк. Авыруны хастаханәгә салу-салмауны табиб хәл итә. Аны аерым бүлмәгә урнаштыру мөмкинлеге булмаган очракта, яткан кроватен ширма яисә пәрдә корып аерасың, аерым савыт-саба, сөлге йөртәсең. Саф һава вирусларны үткәргәнлектән, бүлмәне көненә 3-4 мәртәбә 30-40 минутлап җилләтеп аласың. Тузан алу, башка җыештыру эшләре фәкать юеш чүпрәк ярдәмендә башкарыла.
    Бүген мәктәбебездә фельдшер Тәгъзимә Равилевна грипп авыруын йоктырмау, иммун системасын ныгыту турында мәгълүмат бирде. Гриппка каршы вакцина ясатуның кирәклеген аңлатты, шулай ук гриппны профилактилауда берничә рецепт тәкъдим итте.
    Сәламәт булыйк!

    Бүген мәктәбебездә бердәм класс сәгате кысаларында Л.Н.Толстойның иҗаты һәм тормыш юлына багышланган чаралар үтте. Класс сәгатьләрендә авторның шигырь һәм хикәяләре укылды. Кече классларда аның иҗаты буенча иллюстрацияләр ясадылар...

    Бүген мәктәбебездә ата-аналар җыелышы үткәрелде. Төп мәсьәләләрнең берсе булып 1 нче класска кергән укучыларның мәктәпкә ярашуы, шушы чорда туган авырлыкларны чишү юллары, ата-аналарга күрсәтмәләр бирү булды. Шулай ук балаларга вакытында гриппка каршы прививка ясату, столоваяда ашату, юлда куркынычсызлык кагыйдәләре буенча һ.б. сөйләштек. 

    Бүген "Минем Ватаным - Рәсәй" темасына укучылар белән тәрбия сәгате булды. Әлеге чарада укучыларда Ватан пәрвәрлек, тугрылык, үз илеңне саклау һәм ярату кебек хисләр тәрбияләнде. Рәсәйнең иң күркәм урыннары турында мәгълүмат бирелде. Шулай ук Гиннес рекордлар китабына кертелгән тарихи-истәлекле өлкәләре турында укучылар бик кызыксынып тыңладылар...

    Менә тагын җәйләр узды һәм сагынып көтеп алган 1 нче сентябрь - "Белем бәйрәме" килеп җитте. Бу көнне һәрберебез дулкынланып, шатланып каршы ала. Аеруча беренче тапкыр мәктәпкә баручы бала. Быел мәктәбебезгә 1 нче сыйныфка "менә дигән егетләр" керде. Бәйрәм килгән кунаклар, укучылар чыгышы белән күңелле үтте...

С 1 февраля 2018 года начался прием заявлений в 1 класс МБОУ «Кошлаучская ООШ» Арского МР РТ.

2018 елның 1 февраленнән Кушлавыч төп гомуми белем мәктәбенә 1 сыйныфка укырга керү өчен гаризалар кабул итү башланды.

    Татарстан Республикасы Мәгариф һәм фән министрлыгы, Татнетны үстерү фонды һәм Арча муниципаль районы башкарма комитетының “Мәгариф идарәсе” муниципаль учреждениесе, Кушлавыч төп гомуми белем мәктәбе белән берлектә бөек татар шагыйре Г.Тукайның тууына 132 ел тулуга багышланган «Хезмәтем, көчем – милләтем өчен» девизы астында үткәрелүче II Россиякүләм «Китапнамә»ләр («Буктрейлер») бәйгесе НӘТИҖӘЛӘРЕ билгеле...

    Агымдагы елны бәйгегә 5 юнәлеш буенча 77 эш кабул ителде. Иң активлар гуманитар фәннәр юнәлешендә булды (39 эш). Республиканың төрле районнарыннан килгән эшләр белән беррәттән Пенза, Самара өлкәләреннән дә эшләр тәкъдим ителде...

    Эшләрне һәр жюри әгъзасы махсус 7 критерий буенча бәяләп ахыдран һәр эшкә гомуми баллар билгеләнеп җиңүчеләр ачыкланды. Нигезләмә буенча эшләрнең сыйфатына карап кайбер юнәлештәге 2-3 урыннар башка юнәлешкә дә күчерелде. Әлегә belem.ru сайтындагы официаль битебез техник сәбәпләр аркасында ачылмый һәм күп кенә укытучыларның еллык эшләренә нәтиҗә ясарга кирәклеген истә тотып җиңүчеләрне монда тәкъдим итәргә карар кылынды.(belem.ru сайты төзәтелеп эшли башлауга барлык яңалыкларны тулырак итеп эләчәкбез).  

    26 нчы апрель сөекле шагыйребез Габдулла Тукайның туган көне. Быел аның тууына 132 ел. Барлык татар милләте аның иҗатын белә, ярата, өйрәнә. 
    Без исә, Кушлавыч халкы, бөек әдип белән аеруча да горурланабыз. Ел саен аның туган көнен түземсезлек белән көтәбез. Г. Тукайның туган көнен без быел "Таттелеком"оешмасы хезмәткәрләре белән билгеләп үттек. Алар быелгы Тукай премиясе лауреаты да әле. Кушлавыч мәктәбе һәм балалар бакчасы, Тукаевларның музей-йорты, авыл клубы, китапханә хезмәткәрләре кунакларны театраль тамаша белән каршыладылар. Кунаклар шагыйрь иҗаты белән кызыксынуларын яшермәделәр, киресенчә, сораулар биреп әңгәмә оешырдылар. Аларга үз чиратыбызда Тукай мирасын саклауда керткән өлешләре өчен зур рәхмәтләребезне җиткерәбез.
    Соңыннан бәйрәм рухында Тукай һәйкәленә чәчәкләр куеп, шагыйрьнең әтисе Мөхәммәтгариф хәзрәт каберен зиярат кылып кайттык.