Бүген мәктәбебездә танылган композитор Сара Садыйкованың кызы, Газизова Әлфия Айдарская кунакта булды.

    Әлфия Айдарская — Сара Садыйкованың бердәнбер кызы. Әлфия ханым 95 яшендә булуына да карамастан, көр күңелле, энергияле, тырыш, эзләнүчән шәхес. Әнисе һәм шул чор сәнгать әһелләре турында сәгатьләр буе сөйли, аның әсәрләрен көйли-көйли, язылу тарихын бәян итә. Шагыйрьләрнең Сара Садыйковага атап язган шигырьләрен дә, әнисе турындагы төрле шәхесләрнең истәлекләрен дә туплый...

    ЮНЕСКО тәкъдиме белән 22 нче октябрь "Халыкара мәктәп китапханәләре көне"  буларак билгеләнеп үтелә. Шул уңайдан мәктәбебез укучылары таушалган китапларга икенче тормыш бүләк иттеләр. Дәреслекләрне саклап, пөхтә тотарга кирәклеген төшенделәр. Китапларга карата сакчыл караш, мәхәббәт тәрбияләнде. 

    Мәктәбебезгә Арча муниципаль районы Башкарма комитеты аппаратының әйдәп баручы белгече Диярова Рамилә Гомәр кызы килде. Ул, укучыларыбыз алдында, бик эчтәлекле чыгыш ясады, алар белән әңгәмә уздырды. Мәктәптә, урамда һәм җәмәгать урыннарында үз-үзеңне тоту, юлда йөрү, урлашу, кешенең сәламәтлегенә һәм милкенә зыян салу, алкоголизм, наркомания һәм тәмәке тарту кебек яман гадәтләр турында укучыларга мәгълүмат бирде. Начар юлга басучы яшүсмерләрнең язмышы бик начар төгәлләнергә, кечкенә генә тәртипсезлекләр дә тормыш юлында кара тап булып калырга мөмкин булуын ассызыклады...

    Әйләнә-тирә дөнья дәресендә башлангыч класс укучылары көзге табигатьне күзәтеп, төрле яфраклар җыеп кайткан иде. Ә бүген шул яфраклардан аппликация,букет ясадылар. Гади генә яфраклардан нәрсә генә ясап булмый?! Балаларның фантазияләре көчле. Бик матур итеп кешеләр, балыклар, хәтта әтәч тә ясадылар. Букетлары да искиткеч матур килеп чыкты. Ахырдан һәр эшкә анализ ясалды.

    Бүген мәктәбебездә “Чиста китап” акциясе кысаларында укучылардагы дәреслекләрнең торышы тикшерелде. Югары класс укучыларына китапларын тышларга , дәфтәрләрен тәртипкә китерергә кирәклеге искәртелде. Мәктәп күләмендә уздырылган линейкада китапларның әһәмияте, аларны саклау турында сөйләшенде. Китап – белем чишмәсе. Әйдәгез, китапларны саклап тотыйк!

    Бүген көн искиткеч матур. Көзнең шундый гүзәл мизгеленнән файдаланып, әйләнә-тирә дөнья дәресеннән, башлангыч сыйныф укучылары белән табигатькә сәяхәткә чыктык. Нинди генә төсләр юк! Агачлар сап-сары шәлләрен ябынган. Бар дөньяга көз исе таралган. Сулап туймаслык! Балалар көзге табигать кочагында рәхәтләнеп уйнадылар, яфраклар җыйдылар. Сәяхәттән кайткач, күргән мизгелләрне рәсемгә төшерделәр.

    Һөнәр сайлау – кеше тормышында иң әһәмиятле мәсьәләләрнең берсе. Заман үзгәрә барган саен, тормыш яңа һөнәрләр таләп итә. Үзеңә ошый торган һөнәрне бик күп һөнәрләр арасыннан сайлап алу шактый авыр. Мәктәпне тәмамлаучы һәрбер укучы алдында зур сорау туа. Кем булырга? Нинди һөнәр сайларга?
    Шушы сорауларга җавап табу йөзеннән, бүген мәктәптә, “Һөнәрле үлмәс, һөнәрсез көн күрмәс!” дигән девиз астында, “Һөнәрләр аланына сәяхәт” дип исемләнгән тәрбия сәгате үтте. Укучыларда төрле һөнәр ияләренә ихтирам һәм хөрмәт тәрбияләү белән бергә, үзләренә тиешле белгечлек сайлап алу юнәлеше турында мәгълүмат бирелде.

    Бүген, көзнең матур көнендә, дәресләрдән соң укытучылар һәм укучылар мәктәп бакчасына өмәгә чыктык. Чәчәкләрнең орлыкларын җыеп алдык. Георгин бәрәңгеләрен урнаштырдык. Чәчәк түтәлләрен чистартып тәртипкә китердек. Мәктәп бакчасы чистарып калды. Менә шулай акрын гына кышка әзерләнәбез.

    8 нче октябрь көнне Арча педагогия көллиятендә күренекле тел галиме Юсупов Рүзәл Абдуллаҗан улының юбилее уңаенан очрашу булды.
    2018 нче елның 14 нче сентябрендә Татарстан Республикасы Фәннәр Академиясенең вице-президенты, ТДГПУның тел белеме кафедрасы мөдире, филология фәннәре докторы, профессор, ТР ФА академигы, Татар АССРның атказанган фән эшлеклесе, фән һәм техника өлкәсендә Татарстан дәүләт премиясе лауреаты Рүзәл Абдуллаҗан улы Юсуповның тууына 80 ел.
    Рүзәл Юсуповның актив, нәтиҗәле фәнни-педагогик һәм җәмәгать эшчәнлеге авыр балачак һәм яшүсмер вакыты белән тыгыз бәйләнгән. Чөнки нәкъ менә кечкенә чакта аңарда көчле рух, тырышлык һәм максатчанлык кебек сыйфатлар тәрбияләнә.
    Әтнә районының Кышкар җидееллык мәктәбен тәмамлагач, Р.Юсупов Казан кооперация техникумында укый. Аннары яшь товароведны Курган өлкәсенә эшкә җибәрәләр. Армиядә чик буе гаскәрләрендә хезмәт итә. Демобилизациядән соң, Казан дәүләт университетына укырга керә, Ленин стипендиясен алып укый. Университетны гел “бишле” билгеләренә тәмамлый...

    Илебез буенча октябрь ае башында Өлкәннәр һәм укытучылар көне билгеләнеп үтелә. Төрле җирләрдә өлкәннәрне, укытучыларны котлаулар, бүләкләүләр, искә алулар бара. 
    Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен татыган кешеләр. Аларны өлкән булган өчен генә түгел, ә әти-әниләребез, әби-бабайларыбыз булган өчен дә хөрмәт итәргә тиешбез.
    Кичә клубта, мәктәп коллективы, укучылар, клуб, музей, китапханә һәм авыл җирлеге хезмәткәрләре көче белән, "Өлкәннәр көне" уңаеннан оештырылган “Олыласаң олыны, олыларлар үзеңне” исемле кичә булып узды. Укучылар, бу көнне, олылар белән беррәттән, укытучыларны да бәйрәмнәре белән тәбрик иттеләр. Бәйрәм табын артында матур шигырьләр, җырлар, дәртле биюләр, скетчлар белән үрелеп барды.