Россия көне – патриотизм, хезмәт, җәмгыятьтәге бердәмлек һәм татулыкны, икътисади һәм рухи яңарышны гәүдәләндерүче бәйрәм. Бу Россиядә яшәүче барлык халыкларның дуслыгын, уртак тарихыбызны чагылдыручы бәйрәм. Безнең көч – бердәмлектә.Барыгызга да исәнлек-саулык, барлык якты хыялларгызның тормышка ашуын телибез. Илебездә һәрчак тынычлык һәм үзара аңлашып яшәү булсын.

Помидорлар  күчерәбез.

Балаларны яклау көне 1950 нче елдан башлап дөнья күләмендә билгеләп үтелә. Әлеге бәйрәм турындагы карар 1949 нчы елның ноябрендә хатын-кызлар Халыкара демократик федерациясе махсус сессиясендә кабул ителә.
БМО әлеге инициативаны хуплап, балаларның хокукын, тормышын, сәламәтлеген саклауны үз эшенең өстенлекле юнәлеше итеп игълан итте.
Балаларны халыкара яклау көне – ул, беренче чиратта, өлкәннәргә балаларның яшәү хокукын, фикерләү, дин тоту һәм белем алу, ял итү иреген тәэмин итүнең, аларны физик һәм психологик көч кулланудан саклауның, балалар хезмәтен тыюның гуманлы һәм гадел җәмгыять төзүдә мөһим шартлар икәнлеген искә төшерүче көн.Бөтен җир шарындагы сабыйларга игътибар җәлеп итү максатыннан әлеге бәйрәм һәрвакыт төрле чаралар белән уздырыла.

    "Сәламәтлек  көне"  кысаларында    мәктәбебезнең  "СМС- дети"  проектында  катнашучы  укучылары  чираттагы  акцияне  уздырдылар. Алар  укучыларга  һәм  бәйрәмгә  килгән  кешеләргә  тәмәкенең  килеп  чыгышы  һәм  аның  сәламәтлеккә  китергән  зыяны  турында  сөйләделәр. Чарада  катнашучылар  тәмәке  тартуга  каршы  көрәшкә  теләктәшлек  белдереп,  зәңгәр  төстәге  тасмалар  бәйләделәр. Соңыннан  флешмоб  уздырылды.

Һәрелны  күркәм  гадәт  буенча  мәктәбебездә Сабантуй  үткәрелә.Укучылар  төрле  спорт  ярышларында  үзләрен  сынап  карыйлар, төрле  кызыклы  бәйгеләрдә  катнашалар. Бәйрәмгә  авыл  халкы, әти-әниләр дә  килде.  Бәйрәм  бик  күңелле  үтте.

Беренче класс  укучылары  әниләре  һәм класс җитәкчеләре  Диләрә  Хәйдәровна  белән  Казан  шәһәренә  экскурсиягә  бардылар. Укучыларга  экскурсия  бик  ошады.

Бүген иртәдән үк мәктәптә бәйрәм рухы хөкем сөрә, ләкин бу бәйрәм - моңсу бәйрәм. 11 ел буе мәктәптә белем һәм тәрбия алган укучыларыбыз өчен ул соңгы тапкыр яңгырый.Бәйрәм тантанасы һәркемнең күңеленә хуш килде.