Башлангыч  класслар укытучысы Диләрә Хәйдәровна  2  классларда  әйләнә-тирә дөнья фәненнән  ачык  дәрес  үткәрде. Укучылар  белән  бергәләп һава  үзлекләрен өйрәнделәр. Дәрес темасы  тәҗрибәләр  үткәрү  аша  аңлатылды. Укучылар  бик  актив  булдылар,дәрес  бик кызыклы булды.

Барлык  фәннәрдән  дә  олимпиадалар үткәрелә. Җиңүче укучылар  район  олимпиадасына барачак.Укучыларыбызга уңышлар  телибез!!!

Бүгеннән  мәктәпкүләм  башлангыч класслар атналыгы  башланып  китте. Укучылар  дәресләрдән  соң  күңелле  стартларда  көч сынаштылар.

1552 нче елның 15 нче октябре. Бу көнне Казан ханлыгы үзенең дәүләтчелеген югалта.  1552 елда Иван Грозныйның бер-бер артлы оештырылган походлары Казанны алу һәм Казан ханлыгын Русия дәүләтенә буйсындыру белән тәмамлана. Бу нәкъ 464 ел элек була. Без бүген Казан шәһәрен һәм Казан ханлыгын саклап һәлак булганнарны искә алабыз. 15октябрь шуңа Хәтер көне дип атала.

Бүген  мәктәбебездә өлкән  класс укучылары  өчен  "Көзге бал"  үткәрелде. 7,8,9 класс кызлары  арасында "Көз гүзәле-2016" конкурсында кызлар  бик  матур  чыгыш әзерләделәр. Алар 9  төрле  номинациядә көч сынаштылар. "Иң  гүзәл  Сөмбелә" исеменә- 9 класс укучысы Шәмсетдинова  Илүзә, "Иң сөйкемле Сөмбелә" исеменә- 8 класс укучысы Гәрәева Зәринә, "Иң  зирәк  Сөмбелә"исеменә- 7 класс укучысы Йосыпова Зилә лаек булды.Соңыннан күңелле  дискотека булды.

Бүген 5,7 класс укучылары "Сөмбелә  бәйрәме"  үткәрделәр. Кичә  бик эчтәлекле  һәм кызыклы  булды.  Елның сихри фасылында, көн белән төн тигезләшкән мәлдә, татар халкы Сөмбелә бәйрәмен үткәргән. Ул – көзге бәйрәм, уңыш бәйрәме

Көз килде,
Уңыш булды,
Табын сый белән тулды.
Рәхим итегез, дуслар,
Көзге бәйрәмгә!

Бүген  9,11 класс укучылары  мәктәпкүләм "Сөмбелә  ярминкәсе"  үткәрделәр. Укучылар  бик  тырышып  тәм- томнар  әзерләделәр. Алар  чыгарылыш  кичәсенә шулай акча  эшлиләр. Ярминкә  барлык  кешегә дә  бик ошады.

Көз  атналыгына  кысаларында укучылар табигый  материаллардан  композицияләр  иҗат  иттеләр.

Өлкәннәр  декадасы  кысаларында  мәктәбебез  укучылары ялгыз  әби-  бабайларга  ярдәм оештырдылар. Бүген  3 нче  класс укучылары  Юлдаш  бабайның  хәлен белделәр.

Участники отряда «Sms- дети»  приняли участие в акции Здоровая пробежка».  В ходе акции участники проекта раздали прохожим агитационные листовки на тему: «Трезвая семья – могучая держава». Кроме этого участники предлагали прохожим подписать «контракт» об отказе  от вредных привычек.