Бүген 4,6,8 классларда   татар  теленнән мониторинг   үткәрелде.

Бүген  мәктәбебезнең математика укытучысы Гилмизянов  Рафил Нуретдин  улы  Түбән Мәтәскә урта  мәктәбендә  үткән  зона  сайлап  алу турында  катнашты.Рафил Нуретдинович  бик  матур  дәрес  һәм  мастер класс күрсәтте.Аңа эшендә зур  уңышлар, гаилә  бәхете  һәм  финал  ярышына  үтүен теләп  калабыз.

Форпост  отряды  членнары  арасында  Калашников автоматын сүтеп- җыю  ярышы  үткәрелде.

1 урында-Хәлиуллин Раян - 9 класс;

2урында - Җәләлетдинов  Назыйм - 8 класс;

3 урында - Назметдинов Нияз- 11 класс

Бүген  500  еллык тарихы  булган, данлыклы Әхәт Закиров  кебек  көрәшчеләр  биргән  Наласа  авылында  бәйрәм- көрәш  бәйрәме. Наласа урта мәктәбе мәһабәт залга үзләренең көчләрен сынар өчен районыбызның яшь һәм көчле көрәшчеләрен җыйды. Бу көрәш 2004-2005 нче елгы һәм  аннан яшьрәк егетләр арасында үткәрелде. Соңгы вакытларда татарның милли спорт төре булган көрәш массакүләм төстә үсешен дәвам итә. Районыбызда да  милләтебезнең йөзек кашы саналган бу спорт төренә игътибарның  аеруча зур  булуын билгеләп үтәргә кирәк.Мәктәбебездә "Көрәш"түгәрәген  озак еллар Лотфуллин Таһир Әхмәт улы җитәкли. Аның шәкертләре көрәш бәйгеләрендә призлы урыннар алалар. Бүгенге бәйгедә 6класс егетләре дә катнашты. Үз авырлыкларында  Шамсетдинов Ирек-1нче урынны, Назметдинов  Ильяр -2нче урынны,Гафуров Ядкәр-3нче урынны, Габдрахманов Азамат 4нче урынны яуладылар. Бәйгене оештыруда  Таһир Әхмәт улы  зур көч куйды.
Бәйгедә төрле үлчәүдә 72 көрәшче егет көч сынашты.
Командалар  арасында  1 урынны-Арчаның 3 нче номерлы мәктәбе, 2нче урынны-Шушмабаш мәктәбе, 3урынны-Курса  почмак мәктәбе яулады.
Көрәшнең спонсоры ООО "Игенче" агрофирмасына  олы рәхмәтебезне белдерәбез.

Бүген  2 класс укучыларын  "Зирәкләр  һәм  тапкырлар" бәйгесе  аша  "Карлыгач" оешмасына кабул  иттек.Укучылар  атна  дәвамында  кызыклы  уеннар уйнадылар, табышмаклар  чиштеләр, җырлар  һәм биюләр өйрәнделәр.Бәйрәм  тантанасы бик  күңелле  үтте, укучылар  барлык  бәйгеләрдә  дә сынатмадылар. Өлкән "карлыгачлар"  аларга  изге теләкләрен, истәлекле бүләкләрен  җиткерделәр.Бәйрәм  тантанасы  һәркемгә  дә  бик  ошады.

Бүген 3  классларда Мөнирә Мәсхүтовна  математика фәненнән  ачык дәрес  үткәрде. Дәрес ФГОС  талапләре  буенча  тиешле  дәрәҗәдә  үтте. Укучылар  бик актив  булдылар.Дәрес бик ошады.

Башлангыч  класслар  атналыгы  кысаларында  1-4  класс укучылары  арасында  "Күңелле  ял"  фотолар  күргәзмәсе  оештырылды. Укучылар  җәйге  ялларын  ничек  үткәрү  турында  иншалар  яздылар, фотолары  белән  уртаклаштылар.

Башлангыч класс укучылары  арасында  иң  чиста, пөхтә дәфтәргә  конкурс  игълан  ителде.