Бакчабызга быел гына килгән кечкенәләребез бакчаны үз  итеп тә өлгерде. Бакчаны көн дә сагынып киләләр. Килү белән яраткан уенчыкларын алып уйнарга керешәләр. Тәрбияче апа юнәлеш биргән уеннар белән мавыгып китәләр. Үз итеп, яратып уйныйлар.Әниләрен дә борчымыйлар.Уен барышында телефоннан шалтыратып әниләрен дә тынычландыралар. Аларга карап сөенәбез. Балалар безнең куанычыбыз. Исән-имин булсыннар.

Икенче кечкенәләр төркеме балалары суганнар утыртты. Ул суганнарның үсешен күзәтеп тордылар. Су өстәделәр.Күзләр,авызлар ясап куйдылар. Алар белән әкият геройлары сыман аралаштылар.Яшел матур кыякларга карап куандылар. Мультфильм героен үз яннарында итеп тойдылар.

Уртанчылар төркеме тәрбиячесе Лилия Фаритовна язны кунакка дәште.Балалар колач җәеп язны каршы алды. Сагынылган бик! Кояшы,тамчылары, хәтта болыты да сагындырган. Әйдә, рәхим ит, яз. Без сине бик яратабыз

Бакчабызның иң кечкенәләре шактый үсеп киләләр инде. Әкрен генә бакча шартларына ияләшеп киләләр. Менә алар.

Зурлар төркеме балалары әвәләү белем бирү эшчәнлегендә тиен әвәләделәр. Тырышкач тиеннәр бик матур килеп чыкты. Тырышлык - зурлык, ялкаулык - хурлык, дип  юкка гына әйтмәгән шул.

Беренче кечкенәләр төркеме балалары һәм әти-әниләре бөек шагыйребез Габдулла Тукайны олылый, иҗатына соклана. Әти-әниләр дә, тәрбиячеләр дә балаларга аның шигырь - әкиятләрен укыйлар.  Балалар бик яратып тыңлыйлар. Әти-әниләр балалар белән бергә  балалар өчен Тукай почмагына кул эшләре ясап куйдылар. Менә алар.

Тәрбиячеләре Резеда Юнысовна зурлар төркеме балаларын сәнгать серләренә өйрәтә. Алар  городецк үрнәкләрен үз куллары белән ясап карадылар. Алар эшнең бик катлаулы, шул ук вакытта кызыклы булуын төшенделәр. Бик яратып әтәч рәсемен ясадылар.

Резеда Юнысовна беренче кечкенәләр төркеме балалары белән пластилиннан кар бөртеге әвәлиләр. Чын күңел биреп тырышып эшләгән эш бик матур була ул.

Беренче кечкенәләр төркеме балаларына Рилә Рәисовна рәсем сәнгатенең серләрен төшендерә. Алар бәләкәй кулларын буяуга манып күбәләк ясыйлар. Нинди матур күбәләкләр килеп чыккан. Кечкенә генә булсалар да, бик тырышлар алар.

Тәрбияче Наилә Саматовна һәм өлкән тәрбияче Гөлнар Фирдинантовна мәктәп хәзерлек төркеме балалары белән Арча шәһәренә музейларга сәяхәт кылды. Балалар "Әлифба", "Казан арты", "Әдәбият һәм сәнгать" музейларында булды. Үзәк стадионның  балалар мәйданчыгында уйнадылар. Балаларның шат  йөзләре, күтәренке күңелләре безне дә куандырды. Матур, җылы хисләр белән сөекле бакчабызга кайттык.