Туган тел һәркем өчен дә газиз сүз. Чөнки иң кадерле, бернәрсә белән дә алыштырылмый торган “әни”, “әти”, “әби”, “бабай” сүзләрен башлап туган телдә әйтәбез. Туган үскән ил- җирнең якынлыгын Ватанның газизлеген без туган тел ярдәмендә тойганбыз. Шагыйрьләребезнең матур-матур шигырьләрен ятлап, әле дә куанабыз, рухланабыз.
              Шул уңайдан бакчабызда "Туган телем-Тукай теле" дип исемләнгән бәйрәм булып үтте. Икенче зурлар төркемендә тәрбияләнүче балалар туган телдә шигырьләр сөйләделәр, җырлар җырладылар, халкыбызның күркәм уеннарын уйнадылар. 
             Безнең телебез – татар теле. Бакчабызга йөрүче һәр бала бүген горурланып "Туган тел" җырын җырлады.
             Хөрмәтле милләттәшләр, кадерле дуслар! Барыгызны да халыкара туган тел көне белән котлыйбыз. Татар халык мәкале: “Туган телне кадерләгән халык кадерле булыр”, – ди. Туган телләребезне саклыйк, яклыйк,чөнки милләтнең яшәешендә туган тел иң мөһим урыннарның берсен алып тора.

               Икенче иртә яштэге балалар төркемендә  "Ил сагында кемнәр тора" дип исемләнгән темага призинтация карадылар. Бу өлкәдә эшләуче хәрби кешеләргә карата балалар да кызыксыну хөрмәт булдырдылар.

               Буген мәктәпкә әзерлек төркемендә 23 нче февраль - Ватанны саклаучылар көненэ багышланган "Әтием-горурлыгым“ дип исемләнгән бәйрәм кичәсе булып узды. Шатлык, күңел ачу, тантана белән балалар,  бәйрәм кунаклары — әтиләре, бабалары белән бүлештеләр. 
              Алга таба балалар әтиләре белән бергә бәйрәмдә үз көчләрен, җитезлекләрен һәм зирәклекләрен күрсәттеләр, күңелле конкурсларда  катнаштылар. Бәйрәм ахырында балалар әтиләренә үз куллары белән ясаган истәлекле бүләкләрен тапшырдылар.
              Барысы  да - балалар да, бабайлар да, әтиләр дә бик канәгать калды..  
              Хөрмәтле  әтиләр, дәү  әтиләр, егетләребез!  Сезне  бәйрәмегез  белән  котлыйбыз.  Без  сезнең  озын  гомерле,  сәламәт, бәхетле, балаларыгызга үрнәк әти булып яшәвегезне телибез!   Күкләребез  аяз,  илебез  тыныч булсын!

           Буген зурлар төркемендә "Әтиләр бәйрәме" булып узды. 23 нче февраль - Ватанны саклаучылар көне уңаеннан бәйрәм чаралары узды. Ватанны саклаучылар көне балаларда патриотизм, сугышчыларга  хөрмәт, Ватаныбызның иң яхшы традицияләренә карата бер-береңне хөрмәт итү хисе тәрбияли.
Менә бүген дә балалар  әтиләренә бик матур бәйрәм әзерләделәр. 
           Бәйрәм  патриотик тәрбияви җырлар, биюләр белән үрелеп барды, беркем дә читтә калмады.Алга таба балалар әтиләре белән бергә бәйрәмдә үз көчләрен, җитезлекләрен һәм зирәклекләрен күрсәттеләр, күңелле конкурсларда катнаштылар.
           Күкләребез  аяз,  илебез  тыныч  булсын.

Тыныч үтсен хезмәтегез , 
Ватанны саклаучылар . 
Дус яшәсен бар халыклар, 
Булмасын тик сугышлар ! 
                 Бүген уртанчылар төркеменә йөрүче  балалар "23 нче февраль - Ватанны саклаучылар көне" уңаеннан үткәрелгән бәйрәмгә әтиләрен кунакка чакырдылар. Балаларының матур итеп шигырь сөйләүләре ,  җырлар җырлаулары әтиләрнең күңеленә хуш килде. Көчле алкышларга күмеп,  шатланып карадылар. Шулай ук,  әтиләр  ярыш, бәйгедә катнашып, үзләренең җитезлекләрен,  кыю-тапкыр икәнлекләрен тагын бер тапкыр исбатладылар. Балалар әтиләренә булган тирән ихтирам һәм ярату хисләрен белдереп үзләре ясаган бүләкләрне тапшырдылар.

              Бүген зурлар төркемендә 23 февральгә багышланган бәйрәм кичәсе булып үтте. Балаларда Ватанны саклаучылар өчен горурлык хисе тәрбияләү өчен яхшы сәбәп. Бүгенге чарада балалар бакчасына йөрүче малайлар әтиләренә, бабайларына, килгән кунакларга флаг белән биеп күрсәттеләр, ә кызлар шигырь сөйләделәр, бергәләп җыр җырладылар. Бу бәйрәмдә әтиләр дә, бабайлар да төрле конкурсларда катнашып балаларның күңелләрен күрделәр. Чара ахырында балалар үз куллары белән ясалган бүләкләр тапшырдылар.

Зур шатлык күңелебездә,
Ал кояш күгебездә.
Барыгыз да беләсездер
Әтиләр көне бездә!
                   23-нче февраль - Ватанны саклаучылар көне,илебез тарихында бик тә истәлекле,кирәкле һәм туган җиргә карата мәхәббәт бәйрәме.
                  Бүген кечкенәләр төркемендә  Ватанны саклаучылар көненә багышланган бәйрәм кичәсе үткәрелде. Әлеге күркәм бәйрәмгә армиядә уңышлы,исән-имин хезмәт итеп кайткан көчле әтиләребез чакырылды.Әтиләребезгә кызыклы уеннар тәкъдим ителде.Алар уеннарда бик теләп катнаштылар,үзара җитезлектә,тапкырлыкта көч сынашып,чын әти исеменә лаек икәнлекләрен тагын бер кат расладылар.Чара балалар тарафыннан башкарылган шигырьләр, җырлар белән үрелеп барды.Шулай итеп, бәйрәмебез бер сулышта үтеп тә китте.Бәйрәм азагында балалар әтиләренә,чын йөрәктән, үз куллары белән ясалган бүләкләрен тапшырдылар.Бәйрәмнән барыбыз да канәгать калдык.Әтиләре,бабалары,абыйлары үрнәгендә,патриотик рухта тәрбияләнгән балалар киләчәктә үзләрен яхшы яктан гына күрсәтеп,чын ир-егет булып үсеп җитәрләр дип өметләнәбез.Форсаттан файдаланып,сугыш ветераннарын,хәрби хәрәкәтләрдә катнашучыларны,хезмәт иткән һәм хезмәт итүче,хәрби хезмәткә әзерләнүче барлык ир- егетләрне Ватанны саклаучылар көне белән тәбриклибез.Күк йөзебез һәрвакыт аяз булсын,сугышлар булмасын!Барлык гаиләләргә тыныч тормыш,ныклы сәламәтлек,бәхет,муллык,бәрәкәтле тормыш теләп калабыз.

             Бүген зурлар төркемендә "Хәрби һөнәрләр" темасына  әңгәмә үткәрелде. Балаларга хәрби һөнәрләр белән таныштылар һәм әңгәмә барышында хәрби һөнәргә туры килә торган  рәсемнәр сайлап алырга өйрәнделәр. Дидактик уен күрү хәтерен, күзәтүчәнлекне һәм игьтибарлыкны үстерә. Балаларның сөйләмен активлаштыра, сүзлек запасын баета. Ватаныбыз өчен горурлык тәрбияли.

          "Китап бүләк итү көне" уңаеннан Бүген Арчаның 5 нче гимназиясе укучылары балаларыбызны котларга килделәр. Бик күп кызыклы уеннар уздырдылар, зур булмаган концерт күрсәттеләр, ә йомгаклау вакытында балаларга китаплар бүләк иттеләр. Менә шундый мавыктыргыч китап бүләк итү бәйрәме.