21 мартта мәктәптә "Китапханә - халкыбызның культурасын һәм традицияләрен саклаучы" дигән тема астында китапханәчеләр семинары узды. Китапханәче Асфандиярова Г.Н. үз чыгышы һәм 7 сыйныф укучысы Асфандиярова Алисә  "Гаиләнең истәлекле әйберләре"  презентациясе бу теманы ачып бирде.  5 сыйныф укучылар белән әзерләнгән "Көтү каршылаганда" дигән фольклор семинарны тагын да тулыландырды. Килгән кунаклар да  үзләренең эшләре белән уртаклаштылар. Семинар уңышлы узды.

Юеш Көрнәле авылы мәдәният йортында сәләтле яшьләр һәм өлкәннәр арасында "Татар җыры - 2013" бәйгесе узды.  Бу бәйгедә безнең мәктәптән 3 кеше катнашты һәм аларның нәтиҗәләре дә бар. 7 яшьтән алып 12 яшькәчә булган балалар арасыннан Хайбуллин Рифатыбыз 3 нче урынны, 13 тән алып 17 яшькә кадәрге категориядә Халилова Зәринә дә 3 нче урынны һәм өлкәннәр арасыннан техник хезмәткәребез Назлыгөл Айткулова 2 урынны яулап кайттылар.  Моңнары, җырлары белән киләчәктә дә сөендерсеннәр, аларга уңышлар телибез.  

13 мартта мәктәптә укыту-тәрбия эшләре буенча директор урынбасарлары семинары булып узды. Семинарның темасы:  "Педагогик кадрларның эзләнү эшләрендә компетентлыгы сәләтле балалар белән уңышлы эшләү факторы".  Укыту-тәрбия эшләре буенча директор урынбасарларына 10 сыйныфта биологиядән "Җенес генетикасы" (укытучы Хаметшин М.З.), 8 сыйныфта татар теленнән "Т. Миңнуллин драматург, депутат һәм җәмагать эшлеклесе" (укытучы Әхмәтҗанова И.Р) дигән ачык дәресләр һәм эзләнү эшләренең презентацияләре күрсәтелде. Семинар эше нәтиҗәле һәм уңышлы узды.

Хөрмәтле хатын-кызларыбыз!

      Сезне чын күңелдән язның беренче бәйрәме 8 март белән тәбрик итәбез. Сезгә исәнлек-саулык, озын гомер, эшегездә һәм укуыгызда уңышлар телибез.

     Күңелегездә сезнең кояш яна,

     Нурлы йөзегездә - яз яме.

     Җирдә яшәү җырга әверелсен,

    Котлы булсын 8 март бәйрәме. 

1 мартта укучылар арасында "IT - чемпион" дип аталган республикакүләм конкурсның 1 нче этабы башланып китте. Бу конкурста республика мәктәпләренең 1-11 нче сыйныф укучылары катнаша ала.

Бу конкурсның максаты: дәүләт һәм муниципаль  хезмәтләрне халыкка электрон формада күрсәтүне популярлаштыру.

Конкурс ике номинациядә уза:

1. Иң актив укучы.

2. Дәүләт һәм муниципаль хезмәтләр порталын үстерү.

Бу конкурста җиңү өчен, ничек булса да күбрәк кешене, әти-әниләрне, әби-бабайларны, күршеләрне, дүләт һәм муниципаль хезмәтләрне электрон формада кулланырга өйрәтү 

1 нче мартта АСОШ № 2 КВН ярышлары узды. Безнең мәктәп командасы 2 нче урынны яулады. Команда җитәкчесе 10 сыйныф укучысы Халилов Рәфис "Прорыв года" номинациясе Дипломы белән бүләкләнде.  Алда да уңышлар телибез.

26 февраль көнне КФУ ның кече ИФИ да читтән торып укучы, мәктәп укучыларының, президент  Р.Н. Миннеханов белән очрашуы булды. очрашу дәрес формасында барды. Дәрес Актаныш һәм Саба гимназияләре белән берлектә онлайн рәвештә үтте. Безнең мәктәпнең 11 сыйныф укучысы Зарипова Ландыш, М. Җәлилнең "Моабит дәфтәрләре"нә багышланган бу дәрестә   катнашып, кызыклы мәгълүматлар туплап кайтты.

22 февральдә Яшел Үзән шәһәрендә республиканың гомуми белем бирү учреждениеләренең Кышкы Спартакиадасы узды. Республика районнары арасында дартс буенча Алексеевск командасы 1 нче урынны алды, ә шәхси зачетта Галимов Илгиз Нургаләм улы 3 нче урынны яулады. Без бик шат. Алда да уңышлар телибез.

22 февральдә районда VII сәләтле яшьләр фестивале узды.  2012 елда уку, иҗат, спорт һәм башка юнәлешләрдән 350 яшь кеше районны таныткан. Безнең мәктәптән дә 5 укучы  Диплом  һәм акчалата бүләк белән бүләкләнде. 

Ватанны саклаучылар көне уңаеннан мәктәптә егетләр катнашында ярыш узды. Ике команда көч сынашты. Бәйрәм бик күңелле һәм оешкан рәвештә узды.