28 октябрь көнне “Чәчәкләр иле”нең туган көненә багышланган линейка булып узды.

Тантаналы линейкада 5 сыйныф укучыларын  “Варис”лар сафына кабул ителде. Иң беренче булып алар үзләренең шәһәрләре белән таныштырдылар. Аннан соң  укучылар “Син беләсеңме?” дип аталган сорауларга җавап бирделәр. Алар бу сынауны бик җитез үттеләр. Өлкән вожатый булачак варисларга өлкәннәр турында кайгырту һәм мохтаҗларга ярдәм итү турында сөйләде.  “Чәчәкләр иле” министрлары 5 сыйныф укучыларына галстуклар бәйләделәр. “Күк чәчәкләр”ләр шәһәре, яхшы варис булырга һәм Татарстан Варислар  берлегенең законнарын төгәл үтәргә вәгъдә бирделәр.  

5 нче октябрьдә районда бадминтон ярышлары булып узды. Безнең мәктәптән 10 укучы катнашты. 9 сыйныф укучысы Зарипов Алмаз 3 урын һәм һәм 11 сыйныф укучысы Халилов Рүзәл 2 урынны яулап кайттылар. Афәрин егетләр! Хәзер инде безнең егетләребез, республикакүләм зона ярышларына әзерләнәләр. Аларга уңышлар телибез.

Бүген мәктәбебез укучылары укытучыларны иртәдән бәйрәм белән котладылар, чәчәк бүләк иттеләр. Ә инде дәресләрдән соң, җыр-биюләр, шигырь белән яраткан укытучыларын тәбрикләделәр, иң изге теләкләрен җиткерделәр. Бәйрәм күңелле узды.

1 нче октябрь көнне Өлкәннәр көнен билгеләп үттек. Мәктәбебездә бу көн һәр елны зурлап үткәрелә.

   Хөрмәтле өлкәннәребез! Сезне бәйрәмегез уңаеннан кайнар котлыйбыз. Сезгә саулык, сәламәтлек, шатлык-куанычлар, олыгайган көнегездә тыныч тормыш телибез.  Ходай сезне  сәламәтлектән аермасын!

Һәр елдагыча безнең белән очрашуга Фәрит абый Баттал кайтты. Без аны түземсезлек белән көтәбез. Быел да ул бик күп яңалыклар белән кайткан иде. Укучылар аны кызыксынып тыңладылар, сорауларга җавап алдылар. Ул мәктәпкә бүләк итеп китаплар алып килгән. Аңа бик зур рәхмәт.  

Единый общероссийский номер детского телефона доверия 8-800-2000-122. 

 

Кичә 7-11 сыйныф укучылары  белән озон катламын саклау көненә багышланган "Чисталык дәресләре" узды. Укучылар нигә озон катламының юкаруын, аның сәламәтлеккә ничек тәэсир итүен һәм башка сорауларга җавап алдылар...

5 нче сыйныф укучылары ветеран укытучыны, Хафизова Даһия Нәбиулла кызын туган көне белән котладылар. Аның белән әңгәмә кордылар.  

Бүген 5 нче сыйныф укучылары 1954 елларда Советлар Союзы белән Венгрия сугышы ветераны Садыйков Нургаен Бари улы белән очрашуга бардылар. Укучылар Нургаен бабайга сораулар бирделәр, альбом карадылар. Ветеран һәм укучылар очрашудан бик канәгать калдылар, чәй өстәе янында күңелле әңгәмә кордылар.