13 мартта мәктәптә укыту-тәрбия эшләре буенча директор урынбасарлары семинары булып узды. Семинарның темасы:  "Педагогик кадрларның эзләнү эшләрендә компетентлыгы сәләтле балалар белән уңышлы эшләү факторы".  Укыту-тәрбия эшләре буенча директор урынбасарларына 10 сыйныфта биологиядән "Җенес генетикасы" (укытучы Хаметшин М.З.), 8 сыйныфта татар теленнән "Т. Миңнуллин драматург, депутат һәм җәмагать эшлеклесе" (укытучы Әхмәтҗанова И.Р) дигән ачык дәресләр һәм эзләнү эшләренең презентацияләре күрсәтелде. Семинар эше нәтиҗәле һәм уңышлы узды.

Хөрмәтле хатын-кызларыбыз!

      Сезне чын күңелдән язның беренче бәйрәме 8 март белән тәбрик итәбез. Сезгә исәнлек-саулык, озын гомер, эшегездә һәм укуыгызда уңышлар телибез.

     Күңелегездә сезнең кояш яна,

     Нурлы йөзегездә - яз яме.

     Җирдә яшәү җырга әверелсен,

    Котлы булсын 8 март бәйрәме. 

1 мартта укучылар арасында "IT - чемпион" дип аталган республикакүләм конкурсның 1 нче этабы башланып китте. Бу конкурста республика мәктәпләренең 1-11 нче сыйныф укучылары катнаша ала.

Бу конкурсның максаты: дәүләт һәм муниципаль  хезмәтләрне халыкка электрон формада күрсәтүне популярлаштыру.

Конкурс ике номинациядә уза:

1. Иң актив укучы.

2. Дәүләт һәм муниципаль хезмәтләр порталын үстерү.

Бу конкурста җиңү өчен, ничек булса да күбрәк кешене, әти-әниләрне, әби-бабайларны, күршеләрне, дүләт һәм муниципаль хезмәтләрне электрон формада кулланырга өйрәтү 

1 нче мартта АСОШ № 2 КВН ярышлары узды. Безнең мәктәп командасы 2 нче урынны яулады. Команда җитәкчесе 10 сыйныф укучысы Халилов Рәфис "Прорыв года" номинациясе Дипломы белән бүләкләнде.  Алда да уңышлар телибез.

26 февраль көнне КФУ ның кече ИФИ да читтән торып укучы, мәктәп укучыларының, президент  Р.Н. Миннеханов белән очрашуы булды. очрашу дәрес формасында барды. Дәрес Актаныш һәм Саба гимназияләре белән берлектә онлайн рәвештә үтте. Безнең мәктәпнең 11 сыйныф укучысы Зарипова Ландыш, М. Җәлилнең "Моабит дәфтәрләре"нә багышланган бу дәрестә   катнашып, кызыклы мәгълүматлар туплап кайтты.

22 февральдә Яшел Үзән шәһәрендә республиканың гомуми белем бирү учреждениеләренең Кышкы Спартакиадасы узды. Республика районнары арасында дартс буенча Алексеевск командасы 1 нче урынны алды, ә шәхси зачетта Галимов Илгиз Нургаләм улы 3 нче урынны яулады. Без бик шат. Алда да уңышлар телибез.

22 февральдә районда VII сәләтле яшьләр фестивале узды.  2012 елда уку, иҗат, спорт һәм башка юнәлешләрдән 350 яшь кеше районны таныткан. Безнең мәктәптән дә 5 укучы  Диплом  һәм акчалата бүләк белән бүләкләнде. 

Ватанны саклаучылар көне уңаеннан мәктәптә егетләр катнашында ярыш узды. Ике команда көч сынашты. Бәйрәм бик күңелле һәм оешкан рәвештә узды.

КФУ да "Татар лингвокультурологиясе: проблема һәм перспективалар" темасына фәнни-гамәли конференция булып узды.  Бу бәйрәмнең 21 нче февраль Туган тел көне белән туры килүе икеләтә бәйрәм булды. Безнең мәктәптән 11 сыйныф укучысы Зарипова Ландыш шушы конференциядә катнашып сертификат алып кайтты. 

16 февральдә мәктәптә Муса Җәлилгә 107 ел тулу уңаеннан класстан тыш чара узды. Укучылар М.Җәлилнең шигырьләрен сөйләделәр, җырларын тыңладылар. Татар теле укытучысы Ахметзянова И.Р. укучыларны Муса Җәлил музеена виртуаль экскурсиягә алып барды.