Гимназия-интернатның 7 нче класс укучылары укытучы апа-абыйларын Укытучылар бәйрәме белән котладылар.

Укытучылар көне уңаеннан Казан шәһәрендә оештырылган республикакүләм "Укытучылар бәйрәме"ндә гимназиядән Фәрдиева Р.Р., Фәйзуллин Р.У., Мусавирова А.Р., Нуриева Ә.Ф.лар катнашалар.

Бәйрәм белән сезне, укытучым!
Йөрәгемнең якын кешесе!
Дөнья серен миңа өйрәтүчем!
Яшь җаннарга – Ходай илчесе!
Сезгә телим: саулык, озын гомер,
Шәхси бәхет, дөнья рәхәтен.

Кичә гимназиягә ТНВ каналы журналисты, "7 Дней" тапшыруы корреспонденты Тимур Бикмурзин килде. Ул гимназия турында мәгълүматлар, укучылардан интервьюлар алды.

Бүген гимназиядә Гадәттән тыш хәлләр министрлыгы вәкилләре белән берлектә өйрәнүләр узды.

1 нче октябрь- Халыкара өлкәннәр көне, шул уңайдан гимназиядә кичә үткәрелде. Чарада башлангыч сыйныф укучыларының әби – бабайлары һәм гимназиядә эшләп лаеклы ялга чыккан өлкән укытучылар  катнашты. Өлкән буын белән яшь буын бергәләшеп төрле бәйгеләрдә көч сынаштылар. Укучылар килгән кунакларга шигырьләр укыдылар, җырлар башкардылар.  Чара һәркемнең күңелендә тирән эзләр калдырдырган дип уйлыйбыз. Хөрмәтле өлкәннәребез! Сезгә саулык, сәламәтлек, шатлык-куанычлар, олыгайган көнегездә тыныч тормыш телибез.

5б класс укучылары класс җитәкчеләре Рүзилә Илдар кызы белән МТС бистәсендә яшәүче бернчичә олы яшьтәге абый-апаларны котлап кайттылар.

29 нчы сентябрьдә гимназия-интернатның 7- 9 класс укучылары Татарстан Республикасы Дәүләт Советы депутаты,  Дәүләт Советының социаль сәясәт комитеты әгъзасы Фәрит Фәиз улы Мифтахов белән очраштылар. Бу очрашуда татарларның гореф –гадәтләре, бәйрәмнәре турында җанлы әңгәмә үтте. Бүгенге көндә милли бәйрәмнәребез, йола, гореф-гадәтләребез яңадан торгызылып, яңартылып, заман төсмерләре биреп үткәрелә башлады. Аларны халык белә, хөрмәт итә икән милләт яши, милләт яшәгәч, тел яши, ягъни тормыш дәвам итә. Безнең максатыбыз туган телебезне, тарихыбызны, рухи байлыкларыбызны, гореф-гадәтләребезне өйрәнеп, буыннар арасында ныклы бәйләнеш булдыру, бөек милләт булып яшәвебезне дәвам итү.

27 нче  сентябрьдә  Динамо клубы призына  районкүләм  волейбол ярышларында кызлар  командасы -  3 нче, егетләр командасы - 2нче; ә 28 нче сентябрьдә 1998-1999 елгы  укучылар  арасында  районкүләм баскетбол ярышларының сайлап алу турында  гимназиянең кызлар  командасы -  3 нче, егетләр командасы - 2 урыннарны яуладылар.

27 нче сентябрьдә гимназия-интернатта Татарстан Республикасы Дәүләт Советы депутаты, филология фәннәре докторы, профессор, ТР Фәннәр академиясе вице-президенты Наил Вәлеев булып китте. Ул укучыларга "Туган якны өйрәнү проблемалары" исеме астында лекция сөйләде , соңыннан фикер алышу булды.

Актанышта 28-30 сентябрь көннәрендә Яшьләр форумы - 2012 уза. Форум көннәрендә Җәмигъ мәчетенә сәяхәт, спорт уеннары, талантларны барлау, районыбыз җитәкчеләре һәм Казан кунаклары белән очрашу, “Һәр көн игелек кыл”, “Табигать балалары” акцияләрен уздыру күздә тотыла. Гимназиянең барлык яшь һәм талантлы педагоглары бу форумда катнашыр дип көтелә.