Бүген гимназияда Арча муниципаль районы Башкарма Комитеты җитәкчесенең социаль мәсьәләләр буенча урынбасары, мәгариф идарәсе җитәкчесе һәм мәгълүмати-методик үзәк директоры тәҗрибә өйрәнү максатыннан гимназияда булып киттеләр.

Бүген гимназиянең 7 нче класс укучылары КФУның Филология һәм сәнгать институты тарафыннан оештырылган рус теле һәм әдәбиятыннан "Обзор современной детской художественной литературы", ә 8 нче класс укучылары "Правила речевого этикета" исемле видеодәресләрдә катнаштылар.

28 январь көнне Балалар иҗат үзәгендә яшь уйлап табучыларның “XXI гасыр кулибиннары” VI Республика олимпиадасының район туры уздырылды. Бәйгедә 22 мәктәптән 23 укучы уйлап табу өлкәсендә үзләренең көчләрен сынадылар. Эшләгән әйберләрне яклау барышында жюри әгъзалары укучыларның белем дәрәҗәсенә, күрсәтмәлеккә, маркетингка игътибар итте. Урыннар ике яшь төркеме арасында чыгарылды.
7 класс укучылары арасында гимназия укучысы Хафаев Мөхәммәтдин (автоном электр станциясе тәкъдим итте) 3 нче урынга лаек булды. Шулай ук Мөхәммәтдин апрель аенда узучы Республика бәйгесендә катнашу хокукына да ия булды. Афәрин!

Бүген гимназиянең 7 нчы класс укучылары КФУның Филология һәм сәнгать институты тарафыннан оештырылган инглиз теленнән "Порядок слов в различных типах предложений" исемле онлайн видеодәрестә катнаштылар.

Казан шәһәрендә атаклы тренер В.В.Центовский призына узган өстәл теннисы буенча турнирда 3 нче класс укучысы Солтанов Марат I нче урынны алып кайтты. Афәрин, Марат!

Бүгеннән гимназиядә гуманитар фәннәр атналыгы башланды. План нигезендә атналыкта бик күп төрле чаралар узачак.

25 гыйнвар көнне гимназияда “Экологик марафон”чарасы уздырылды. Табигатьнең кеше тормышында әһәмиятен билгеләү, экологик тәрбия бирү максатыннан оештырылган чарада балалар 3 командага бүленеп жюрига үзләренең табигатьне саклауга багышланган музыкаль номерларын, скетчларын, плакатларын күрсәттеләр, шулай ук уеннарда, табышмак чишүләрдә үткенлекләрен сынадылар.

Кичә гимназиянең 9 нчы класс укучылары КФУның Филология һәм сәнгать институты тарафыннан оештырылган инглиз теленнән "Творчество В.Шекспира" исемле онлайн видеодәрестә катнаштылар.

Кичә гимназиянең 9 нчы класс укучылары КФУның Филология һәм сәнгать институты тарафыннан оештырылган "Бүгенге әдәбияттагы төп темалар" исемле онлайн видеодәрестә катнаштылар.

Күптән түгел гимназияда “Табышмаклар кичә"се уздырылды. Бу кичәдә безгә тәрбияче апалар төрле табышмаклар әйтеп, милли уеннар уйнаттылар. Күбрәк табышмаклар җавабын белгән кешегә бүләкләр бирелде. Бу бәйрәм безгә татар фольклорын тирәнрәк өйрәнергә, үзебезнең гореф-гадәтләрне ныгытырга ярдәм итте.
Бу кичә безгә бик охшады. Киләчәктә дә шушындый мавыктыргыч, кызыклы кичәләр күбрәк булсын иде.
Исламова Илүзә, 9а классы.