Бүген гимназиянең 7 нче сыйныф укучылары КФУның Филология һәм сәнгать институты тарафыннан оештырылган инглиз теленән "Предлоги времени" исемле онлайн видеодәрестә катнаштылар.

Хәрби-патриотик айлык кысаларында гимназиянең 7-9 нчы класс укучылары өчен интернатта кичке якта "Бөек сугыш" ("Великая война") документаль фильмнар сериасын карау оештырылды.

Гимназия-интернатның инглиз теле укытучысы Ләйсән Рәшит кызы Әюпова шушы көннәрдә Казан шәһәрендә узган "Panasonic" интерактив такталарында эшләү буенча курсларда булып кайтты.

Гимназия-интернатның тарих һәм җәмгыять белемнәре укытучысы Миләүшә Магъсум кызы Абдуллина һәм инглиз теле укытучысы Рамил Марат улы Гарипов Яр Чаллы шәһәрендә узган сәләтле балаларга белем бирүдә метапредмет технологияләре куллану буенча курсларда булып кайттылар. Курслар Мәскәү шәһәренең Гомуми белемнең инновацион стратегияләре үсеше фәнни-тикшеренү институты һәм Яр Чаллы социаль-педагогик технологияләр һәм ресурслар институты тарафыннан оештырылган иде.

Кичә гимназиядә Әфганчылар көненә һәм бөек татар шагыйре Муса Җәлилнең туган көненә багышланган кичәләр үтте. Кичәләр укучыларның шигырләре, концерт номерлары белән үрелеп барды.

Актанышта кичә мәктәп укучылары арасында кышкы спартакиада ярышлары узды. Бәйгеләрдә бар мәгариф учакларыннан 31 командада яшь спортчылар көч сынашты. Укучылар шахмат, өстәл теннисы, аркан тартышу, гер күтәрүдә, шорт-трек спорт төрләре буенча ярыштылар, чаңгыда узыштылар.
Гимназия укучылары гомуми беренчелектә 3 нче урынга лаек булдылар. Аерым төрләрдә нәтиҗәләр мондый:
Шахмат ярышында - 3 нче урын, шорт-тректа Даянов Рамиль һәм Мөхәметдинова Сөмбел - 2 нче урыннар, гер спортында Салихов Илназ - 2 нче. Котлыйбыз!

Кичә гимназия коллективы "Бүләк" чаңгы трассасында ГТО нормалары тапшырды. Чарада гимназиянең барлык хезмәткәрләре дә катнашты.

Бүген, 15 нче февраль көнне, гимназиядә гуманитар фәннәр айлыгы кысаларында татар язучылары иҗатына багышланган "Тамчы-шоу" үтте. Ярышта 8б класс укучыларының "Ялкын" командасы 8а ның "Дуслык" командасын җиңде.

Кичә гимназиянең 8-9 нчы класс укучылары өчен Минзәлә шәһәренә экскурсия оештырылды. Укучылар М.Җәлил, туган якны өйрәнү музейларында булдылар, шулай ук Минзәлә драма театрында Т.Җүҗәноглу әсәре буенча "Ташкын" спектаклен карадылар.

Бүген 11 нче класс укучыларына Гаяз Исхакыйның тууына 135 ел тулу уңаеннан библиографик дәрес үткәрелде. Укучылар Гаяз Исхакыйның әсәрләрен искә төшерделәр һәм язучының иҗатына багышланган презентация карадылар.