Педагогларның август киңәшмәсе кысаларында уздырылган күргәзмәләр конкурсында гимназия-интернат җиңү яулады.

28 нче август көнне гимназия-интернат коллективы Болгарга сәяхәт кылып кайтты.

"Иң төзек оешма - 2013" район бәйгесендә гимназия-интернат җиңү яулады.

2013 нче елның 6-16 нчы август көннәрендә Иерусалимда Татарстанннан килгән мәгариф хезмәткәрләренә Яд Вашем Халыкара интитуты Холокост темасы буенча укулар оештырды. Бу укуларда безнең гимназиядән тарих укытучысы Абдуллина Миләүшә Магъсум кызы да катнашты. Семинарда яһүд халкының тарихы, аларга карата нацистлар сәясәте, Советлар Союзы территориясендә язмышлары яктыртылды. Методик әсбәпләр белән таныштырылды. Һәм, әлбәттә, бай тарихлы Иерусалим буенча экскурсияләр үткәрелде.

Бүген Арчада республика мәгариф һәм фән хезмәткәрләренең традицион август киңәшмәсе уза. Киңәшмә быел “Татарстан Республикасы белем бирү практикасында заманча технологияләр” дигән темага багышлана. 
Анда ТР Президенты Рөстәм Миңнехановның, ТР Премьер-министры Илдар Халиковның, ТР Премьер-министры урынбасары вазыйфаларын башкаручы – мәгариф һәм фән министры Энгель Фәттаховның, федераль һәм республика дәрәҗәсендәге депутатларның, министрлык һәм ведомстволар җитәкчеләренең, урыннарда белем бирү өчен җаваплы органнар җитәкчеләренең, мәгълүмати-методика үзәкләре директорлары һәм методистларының һ.б. катнашуы көтелә.
Киңәшмә барышында гимназия-интернатның эшчәнлеге дә яктыртылачак.

Бүген 11 нче сыйныф укучылары тарих, биология һәм информатика фәннәреннән БДИ тапшыралар.

Үзеңдә булган иҗади сәләтне тагын да ныграк үстереп, җәмгыятьтә үз урыныңны табардай шәхес булып үсәргә, чит телләрне тирәнтен өйрәнергә, аерым дәресләрне югары уку йортлары галимнәреннән алырга телисең икән, без сине “Сәләтле балалар өчен гуманитар гимназия-интернат” дәүләт автоном гомүмбелем учреждениесендә көтәбез.
Аерым сәбәпләр аркасында 28 нче май көнне сайлап алу турында катнашмаган укучыларны 5 нче июньдә гимназиягә чакырабыз. Сайлап алу сынаулары 9 сәгатьтә башлана. Үзегез белән портфолио һәм еллык билгеләр турында белешмә алып килүегез сорала. Хәбәрләшү өчен телефоннар: 89061229797, 89274407772.

28 нче май көнне уздырылган гуманитар гимназия-интернатка сайлап алу турыннан үтүчеләр исемлеге билгеле булды.

Бүген 9 нчы сыйныф укучылары өчен беренче имтихан уздырыла.

Бүген 11 нче сыйныф укучылары рус теленнән БДИ тапшыралар. Аларга уңышлар телибез.