13-14 нче март көннәрендә гимназия-интернат базасында "Ел укытучысы - 2014" Республикакүләм конкурсның зона этабы узды. Актаныш, Минзәлә, Тукай, Менделеевск, Әгерҗе районнары һәм Чаллы шәһәреннән өчәр конкурсант ачык дәрес бирү һәм мастер-класс күрсәтү конкурсларында көч сынашты. Район данын гимназия-интернатның инглиз теле укытучысы Рамил Гарипов та яклады. Нәтиҗәләр март ахырында билгеле булачак. 

Быел “IT – чемпион” бәйгесендә җиңүче укучыларны гына түгел, актив мәктәпләр, районнарны да бүләкләргә җыеналар. Аларга ноутбук­лар, интерактив җиһазлар, мобиль класслар биреләчәк...

Гимназия-интернатның 6 нчы сыйныф укучысы Габдрахманова Миләүшә (укытучысы Хаҗиева Рәмилә Әдип кызы) Республикакүләм математика олимпиадасының зона этабын уңышлы үтеп, республика этабында катнашып кайтты.

Күңелегездә сезнең кояш яна,

Нурлы йөзегездә яз яме.

Җирдә яшәү җырга әверелсен,

Котлы булсын дөнья бәйрәме!!!

Биатлон буенча районкүләм ярышларда Надергулов Марат, Минһаҗев Аяз һәм Мөхәметдинов Линзаттан торган гимназия-интернат командасы (тренерлары Ришат Тимершәех улы Сибгатуллин) 2 нче урынны яулады.

Бүген гимназия-интернат базасында Актаныш районы мәктәпләре директорлары киңәшмәсе узды.

1 нче март көнне Актанышта район оешмалары арасында спартакиада булып узды. Мәгариф оешмалары арасында спорт мәктәпләреннән генә калышып, гимназия-интернат командасы 3 нче урынны яулады. Аерым төрләрдә җиңүчеләр:
- өстәл теннисы: Хаҗиева Алсу - 3 нче урын,
- армспорт: Шәйхетдинова Лена - 2 нче урын,
- бадминтон: Хөсәенов Ленар - 1 нче урын,
- бадминтон: Харрасова Алсу - 1 нче урын,
- шахмат: Әминов Нияз - 1 нче урын,
- шахмат: Абдуллина Миләүшә - 3 нче урын,
- шорт-трек: Гарипова Рүзилә - 1 нче урын,
- чаңгы эстафетасы: Гарипова Рүзилә, Сибгатуллин Ришат, Әминова Илүзә, Әгъләмов Данил - 2 нче урын,
- аркан тарту: Басыйров Рушан, Әгъләмов Данил, Сибгатуллин Ришат, Бакиров Радик, Гарипов Рамил - 3 нче урын.

Инглиз теле буенча муниципаль олимпиада нәтиҗәләре буенча 6 а сыйныф укучысы Фәхерлегаянов Рөстәм (укытучысы Тимирова Лилия Флүн кызы) призер исемен яулады.

Инглиз теле буенча муниципаль олимпиада нәтиҗәләре буенча 7 а сыйныф укучысы Хуҗиева Динара (укытучысы Гарипов Рамил Марат улы) җиңүче исемен яулады.

Кичә "Яшьлек" милли-мәдәни үзәктә "Ел укытучысы - 2014", "Ел сыйныф җитәкчесе - 2014", "Ел ТИН укытучысы - 2014", "Ел китапханәчесе - 2014" Республикакүләм конкурсларының район этабы җиңүчеләрен котладылар. Гимназия-интернат укытучылары Рамил Марат улы Гарипов "Ел укытучысы - 2014", Ләйсән Рәшит кызы Әюпова "Ел сыйныф җитәкчесе - 2014", Ришат Тимершәех улы Сибгатуллин "Ел ТИН укытучысы - 2014" конкурсларында җиңүчеләр дип табылдылар. Афәрин, укытучыларыбыз!