Бүген Россия буенча БДИ бирү башланды. Беренче имтиханнар география һәм рус әдәбияты фәннәреннән. Имтихан бирүче 11 нче сыйныф укучыларына уңышлар телибез.

Гамил Афзал фестивале нәтиҗәләре буенча "Маҗаралы пьеса" номинациясендә 10 нчы сыйныф укучысы Исламова Ләйлә 2 нче урынны яулады.

22 нче майда “Пирамида” мәдәни-күңел ачу комплексында бәйрәм - Бөтенроссия олимпиадаларында призлы урыннар яулаган һәм “Татарстан Республикасы ел укучысы - 2014” конкурсында җиңүчене бүләкләү тантанасы булды. Тантанада гимназия-интернатның 10 нчы сыйныф укучысы, тарих буенча Бөтенроссия олимпиадасы призер Шәйхин Айдар белән аның укытучысы Миләүшә Мәгъсүм кызы Абдуллина да катнаштылар.

Бүген гимназия-интернатта чыгарылыш сыйныф укучылары өчен "Соңгы звонок" яңгырады.

Беренче каналда МГИМО профессоры Юрий Павлович Вяземский авторлыгында бара торган “Умники и умницы” телеуенының Казанда узган I республика уенында Айдар Шайхин беренче урын яулады. Актанышның сәләтле балалар өчен гуманитар гимназия-интернатында белем алучы егет Мәскәүгә “Умники и умницы” телеуенына чакырылды.

Бүген гуманитар гимназия-интернатта III республикакүләм Гамил Афзал укулары башланды. Анда Актаныш районыннан 49 укытучы, шулай ук Татарстанның 10 районыннан һәм 5 шәһәреннән делегацияләр катнаша.
Конференцияне ачу тантанасында чыгыш ясап, район башкарма комитет җитәкчесе урынбасары Ландыш Шамсунова Гамил Афзал иҗатының күпкырлы булуына басым ясап, укуларда катнашучыларга уңышлар теләде. Җыенның эшендә Габдулла Тукай бүләге ияләре Илфак Ибраһимов, Вахит Имамов һәм драматург Данил Салихов катнашалар.

"Алтын каләм" республика бәйгесенең район этабы җиңүчеләре билгеле булды. Аның берсе 8 нче сыйныф укучысы Габдрахимова Лилия.

Бүген XI чыгарылыш сыйныфларында белем алучы укучылар өчен татар теле фәненнән мәҗбүри арадаш аттестация үтә.  Мәҗбүри арадаш аттестация Татарстан Республикасы мәгариф һәм фән министрлыгының 2014 нче елның 7 нче маендагы 2614/14 нче санлы боерыгы нигезендә 2014 нче елның 21 нче маенда үткәрелә. Укучылар өчен иҗади биремле изложение тәкъдим ителә. Текстлар салган конвертны комиссия рәисе имтихан комиссиясе әгъзалары һәм укучылар катнашында ача. Укытучы 2 текстның берсен сайлап ала. Арадаш аттестация 4 сәгать дәвамында үткәрелә.

19 нчы май көнне Казан шәһәренең Габдулла Тукай исемендәге Татар дәүләт филармония залында Актаныш районы үзешчәннәренең концерты узды. Тамашада гимназия-интернат укучылары катнашында җыр-биюләр, кул эшләре күргәзмәсе тәкъдим ителде.

Кичә гимназия-интернатта “Балалар катнашындагы гаммәви мәгълүмат чаралары: эш тәҗрибәсе һәм үсеш перспективалары” темасы астында түгәрәк өстәл узды. Чарада район мәктәпләренең тәрбия эшләре буенча директор урынбасарлары, татар теле укытучылары, һәр мәктәптән 1-2 укучы, 1нче санлы Актаныш урта мәктәбенең «Бас!ма» газетасы мөхәррияте, гуманитар гимназиянең “Ак җилкән” газетасы мөхәррияте, «Актаныш ММҮ» вәкилләре катнашты.